المشاركة الأصلية كتبت بواسطة maroko-77
[/size]
مريوم صارت بعالم ثاني وهي تفكر بأحمدوه وتتخيل انهم حبايب وتفكر اذا يحبها ولا لاء وشو سبب نظراته
عواش وهي تضرب مريوم على ايدها :وين رحتي بأفكارج لهالدرجه مأثره عليج نظراته
دارين بدلع:هي فديت اخوي يخبل والله مليون وحده تتمناه
~{عند الشباب فالجامعه}~
احمدوه ودحمون مخلصين كلاسات بس قاعدين يتريون سلوم بعده عنده كلاس..
كل واحد منهم قاعد يفكر فالحب ماله " دارين ومريوم"
سلوم اول ما خلص كلاس راح عند احمدوه ودحمون وشافهم كل واحد فعالم فراح صوبهم وصرخ
سلوم بصوته العالي:وين وصلتو؟؟
دحمون فز من مكانه: الله يغربل بليسك شو فيك وياراسك؟!
سلوم:ماشي يالله خلنا نروح عسب بمر اخذ اختي بعد
احمدوه:هيه صح حتى انا بروح اخذ دارين
دحمون: هيه يالله مافيني على صريخ عواش
كل واحد من الشباب بسيارته و بدربه على المدرسه
عند البنات..
مريوم:يالله خلنا نطلع أخاف سلوم برع ويتريا
دارين وعواش: اوكي يلا
عند باب السكول..
سلوم فاج عيونه" ماشالله ملااك طلع من الباب" وكان يقصد عواش
احمدوه كان معصب لان شيلت مريوم طاحت وبنفس الوقت كان مستانس لانه شافها
دحمون" قمر ياربي ماشالله"
المهم مريوم ودارين وعواش كل وحده منهم ركبت ويا اخوها وراحو ووصلو البيت بسلامه
في بيت ابو احمدوه..
دارين يالسه فالصاله ويا اخوها احمدوه
دارين:احمدوه يقولون اليوم كنت تشوفهم فالجامه
احمدوه: ها شو لا ماكنت اشوفها ليش؟
دارين: هي واضح انك ما كنت تشوفها عيل شو دراك اني أقصدها 
.. اليوم سألتني ليش احمدوه كان يشوفني قلتلها يمكن معجب فيج ويحبج
احمدوه: صح انزين بس ماعليه انا براويج
دارين على طول ركضت على غرفتها عسب ما تنضرب[/b]
"بدت إجازة الامتحانات وكل وحده من البنات حابسه عمرها عسب تييب نسبه حلوه ترفع الراس وعدت الامتحانات على خير وصار وقت النتايج،اما الشباب كانو مخلصين امتحانات وبدت اجازتهم "
احمد كان رايح اييب النتايج ودارين كانت تتريا على نار
احمد اول ما رد على البيت وشاف دارين وبأيده النتايج:دارين تعالي خذي النتايج مالج ومال مريوم وعواش
دارين وهي خيفانه:اوك
سعيد: ها بشري شو النسبه
دارين وهي تصارخ:اوييييه انا...
احمدوه وسعيد: انتي شو قولي
بهاللحظه دخلت ام احمد عليهم: ها دارين خوفتيني
دارين: امي أنا ناجحه
سعيد : انزين كم نسبتج؟
دارين : 99.4
ام احمد بصوت عالي وهي تلولش وفراحانه لبنتها ؛مبروك يا بنيتي تستاهلين الله كافاج ع قد تعبج
احمد وسعيد: مبرووووك
احمد:عيل بهالمناسبه بوديج دبي انتي وعيال عمج
دارين : صدق اخوي
احمد : هي صدق يلا نروح بيت عمج عشان نعطيهم النسب
دارين : اوكي يلا
فبي بيت ابو سالم..
مريوم كانت يالسه فالصاله ويا سلوم وفجأه دق الجرس وراح سلوم وفتح الباب ومريوم لبست شيلتها
سلوم:حيا الله من يانا نور البيت
احمدوه: الله يحيك
دارين:مريوم وين؟
سلوم:يالسه فالصاله
سلوم: يلا خلنا ندش
مريوم: هلا والله بدارين شحالج؟
دارين: أهلين حياتي انا بخير الحمد لله
احمدوه: وانا مالي رب
مريوم استحت:سوري شحالك احمدوه؟
احمد"يا حلات اسمي من لسانها":بخير وانتي؟
مريوم:بخير وين النتايج؟؟
احمدوه وهو يعطيها: عندي تفضلي
*
رواية:بيوم الفرحة تركتك
رد مع اقتباس
