[you] تعال وشوف اختراعي!

[النعيمي الرمسي123]

بسم الله الرحمن الرحيم

انا سمعت انهم قدمو خدمة الانترنت عن طريق الكهرباء

عشان جي ابي اصير مخترع اصير مخترع

علشان جي انا قررت استخدم الانترنت عن طريق الماء

بتقولون كيف ؟؟؟

بقولكم بس اصبرو شوي

ياء في بالي اني اوصل نص بوصه من البيب ( الصنبور )

وشبكتها في كمبيوتري وسويت اتصال

الا وطلعت لي عباره ( تأكد من فتح البيب)

فتحت البيب وسويت اتصال

الا ويتصل في الانترنت

حتى السرعه حتى كانت 50 لتر مكعب في الدقيقه

يعني ما يحتاج لك مودم

حتى انك تقدر بعد تسوي شبكه للكمبيوترات اللي في بيتكم

عن طريق البيبات الداخليه للمنزل ويفضل انها تكون مواصير بلاستيك

تتميز هذه الخدمه بان الاتصال ما ينقطع معك ما دام الخزان كله ماي

وعشان يكون الاتصال سريع جداً يفضل ان تكون الدينمه حق الماي تشتغل

تتميز خدمة الاتصال بالماي بعدم حجب جميع المواقع الإلكترونية

بشرط ان تكون الماي اللي في الخزان مياه صالحه للشرب

واذا بغيت زياده في سرعة اتصال وتصفح اسرع

ما عليك الا تعبي خزان البيت مياه الرمس الصحيه

ويجب عليك تحذر من مياه الصرف الصحي والا ترى الصراصير تبي تلعب بكمبيوترك

والفيروسات اشكال والوان

وقد اعذر من انذر

وهذا اختراعي وسجلته بأسمي

اما قصتي مع شغالتنا بقولها لكم الحين

المهم انا كنت مره من المرات جالس على النت

وشابك الاتصال عن طريق البيب مال المطبخ

الا ويطلع عندي في الماسنجر

( احبك اكثر من الاندومي ) يرغب اضافتك

قلت خلني اضيفه و اضفته

وجلست اسولف معها

قلت من انتي ؟؟

قالت : انا من منتدى مكنسة دوت كوم

ومشرفة في ساحة الغسيل والكوي

انا شعاري ( ارفع راسك انت اندونيسي غيرك عيش وانت اندومي )

قلت لها : والله وما قالت

قلت لها : والله ريحتك مهيب غريبه ؟؟!!؟؟ انتي منو ؟؟

تدرون من طلعت ؟؟؟

طلعت شغالتنا كانت عندنا لها 10 سنوات

وسوينا لها خروج نهائي لاندونيسيا وراحت

بقولكم وش قصة ذي الشغاله

الشغاله ذي من عائله مرموقه ومن اعيان اندونيسيا

عائلتهم اسمها ال اندومي

وابوها من كبار رجالات اندونيسيا

واللي حررو جاكرتا من استعمار الاسبكتي و البشميل

شغالتنا اول ماجت عندنا كانت مره تخم الحوي وباب الشارع مفتوح

المهم سياره البلديه كانت ترش فليت في الشارع

المهم ان الجو كله صار فليت وانعدمت الرؤيه عندها

وهي الضعيفه جالس تخم وطلعت من البيت

وما درت الا وهي في الشارع العام فكها الله من السيارات اللي في الشارع

المهم

الله يخليكم لحد يصدق ويحاول يجرب ويسويلي مشكله
احذرو الاختراعات اللي مالها داعي


تحياتي هههههههههه

{ محد ياخذ الموضوع بجديه كنت أسولف ، هاي نكته هههـ }


النعيمي الرمسي

[النعيمي الرمسي123]

لاحد يجرب من الحين اقول ههههههههه

[سليم_1]

والله الختراع نسبت ان يحدث ٤٪ لان ماء بيت نقي (يعني خالي من ملح) و ان انترنت يحتاج رققات الاكتروني لكي يلطقط اشارة و معروف ان ماء مهما كان ان يغرب اي داري الاكتروني

[النعيمي الرمسي123]

بعدين انا اللي بتمشكل

[صمت_المشاعر]

جاري البحث

تسلم ^^

[بنت محمد]

ما بنجرب لا تخاف .... أخاف اتكهرب

[سليم_1]

يعني احسن ليك ان ما تجرب لاني انا اعرف

[النعيمي الرمسي123]

بن سليم _ انت كم يايب ب العلوم و الرياضات -_-

[سليم_1]

انا بالمعهد ادرس تخصص كهرباء بس يبت ٧٩ فيزياء ما عدنا علوم و رياضيات ٨٦

[سليم_1]

بعد ما اخلص دراس بدرسك ok