خـــذ قــلبي و خــلــهـ عــندكـ وديــعهـ ..

[الأميرة الحسناء]

جيتك لاجئ وقلبي تاه دربه وقلبك له سكن ومأوى
بسبتك شقيت وجيت كلي الم ودموعي عندك شفيعه


لاتعذب قلبي وتجرحه,كان قلبك بحبه بعده مانوى
وإن ما كنت شاريه.وتبيه,أمانه لاتفرط فيه وتبيعه


ولو كان قلبي ماله قدرعندك ولافيه شي يسوى
لاترخصه وتهينه وتخلي معاه الروح وضيعه


أكرم الضيف لي جاك, وأعتبرقلبي ضيف خوى
أوخله رهينه للقدرهو أدرى بحكم الله والشريعه


اناغليتك وعشقت روحك وقلبك بكل ماأحتوى
ولك عندي قدر وسط الحشا .ومنزله رفيعه


صار قلبي بجمر الامل وبنار الشوق أنكوى
رجيتك لوترده’لايجيني متألم وجروحه وسيعه


ترى.جرح القلـــــــوب.., ماله علاج.. ولادوى
وعسى ماتضيق شراينه بوسع هالكون والطبيعه


وماله خبره بالحب.خله يعيش الحياة ويتنسم هوى
وخله يقضي باقي زهور عمره بدنيته وربيعه


و توه صغيرعالعشق و.بعده مااكتمل ولااستوى
وعاش سنينه يجهل هالغرام, مثل طفله رضيعه


قلبي نبض بالحب فجأه وابتليت بالعشق بلوى
ماكنت أدري الحب للقلب عذاب واكبر فجيعه


انا غرقت ببحرك وقلبي ماشرب منه ولاأرتوى
ومارسيت انا بقلبك,وروحي غدت منك صريعه


لويموت قلبي محد يعزيني ودمعي بالحزن سلوى
عشمتني بهواك وصدقت أساليبك وكانت كلهاخديعه


رجيت ربي ياظالم وقاسي يسمع مني كل شكوى
ودعوة المظلوم على الظالم مستجابه وسريعه


مابأيدي اتركك لغيري’هذاقرارك واللي تبي سوى
كان انك نويت تحب ثاني وتعشق قلبه وتطيعه


اوعدك أرحل وأعتبرني كتاب ماضيك وأنطوى
بس غيابي ماهوتخلي ولاتغلي ولابتكون قطيعه


روحي بتجيك وماتقوى عالبعد لوكان قلبك يقوى
حتى لو تركت قلبي لغيرك روحي عندك مطيعه


غيرك يمكن يقدرني ويغليني ومايلقى مثلي شروى
بس قلبي مايبي غير قلب عرف سره وكل ذريعه


قبل الرحيل لي عندك طلــب...وكلي رجوى
طلبتك يالغلا خذ قلبي وخله عندك وديعه





مع خالص الـــود

الأميرة الحسناء ..

[نبض انسان]

والله حلو وايد وايد ما أدرى دمعت عيني

[الأميرة الحسناء]

والله حلو وايد وايد ما أدرى دمعت عيني

الحلو مرورج وردج الغاليه
اشكر حضورج المستمر هنا
دمتي بخير وسعاده ربي يحفظج ....