جيتك على الموعد ...

[الأميرة الحسناء]

جيتك على الموعد ولا جيت وش عن لقانا مانعنّك
كَنّك عن الموعد تخلّيت يا ويل يَاللي عاشقنّك
ليتك لصوت المغرم أصغيت أوتار صوته يعزفنّك
كل حرف منّك يستوي بيت وارْبَعْ حروفٍ ينطقنّك
ياما على شانك تحدّيت سود اللّيالي واسهرنّك
منّك أنا لا حَيّ لا مَيْت لا مَيتْ ولا حَيّ منّك
يوم بْنِظَرْ عيني تربّيت وامرت بامرك طايعنّك
ليش التغلّي والتعنّيت آهات صدري ما كفنّك
لو نِكْ تباعدت وتقاسيت لك في المحبّه عكس ظنّك
إن كان لي يوم وتمنّيت شوفة عيونك طالبنّك




مع خالص الـــود

الأميرة الحسناء ...

[نبض انسان]

تسلمين أختي علي ها الاختيار الحلو واحس فيه حزن او انج انتي بروحج حزينه

[الأميرة الحسناء]

تسلمين أختي علي ها الاختيار الحلو واحس فيه حزن او انج انتي بروحج حزينه

الله يسلمج حياتي
الاحلى حضورج الغاليه
يمكن هيه في لكن الله كريم وهذي الحياه مره حلوه ومره مره ,,,