تفــضـــلوا وشـــوفـوا آخر آخبـار الخـــادمـات (إحـذروا)!!

[ولد راك والعالم وراك]

الخـــدم ومـــا أدراك ما الخـــــدم




يسببن الصداع الأسري ويباغتن الأسر بما لا تتوقعه
خادمات المنازل.. من «السحر» إلى الهيمنة الثقافية

مصدر الصورة: الإتحاد


حضـرتها عندها لابتوب وتــدخل مواقـع دردشة ومنتديات يالله ماتكون وحده ويانا فهالمنتدى لووول، لا وبعد يبـن يتشرن سـامان من الإنترنت، والله العالم شو يسون بـعد من ورانا..
وتعصب يوم حد يزقرها بأسمها لازم Miss يعني آنسة وعقب تقول إسمها، وإذا نسيت Miss بـتيـيـك مبـوزة وتطالعك بــطرف عينها ومن فوق لين تحت، فتضطر تقولها آسف ههههههههههههه


يا قلــوب ياعقـــول !!
هل هذيلـــه الغـُــرب أولى من الأمهات والجـدات والأهــل بأنهن يربن العيــال ؟
معقــــولـة هذيله نسميهـــن مربيـــات ونخلي عيالنا عنـدهن ونثق فيــهن !!!
وحتى لو كـــانت معاملة الأســر للخــادمات ممتازة بيـكبر راســهن وعادي تقولك وين ساير ومتى بترد فليل ؟
لــيش ؟؟ أكيــد هالشـيء لأنهن أنعطن ويــه


لا وشي أُســر يعتبرون الخادمة أنها وحدة من الأهل حتى لو تضرب الياهل عندهم عادي أونه عشــان يتعلم ..
ويوم تيي من برع وتمسك راس بنتك تقولك آسفة آسفة وترتجــف .. شو هالمصــخرة !!
هذا أونها تأديب للبنــت غربلاتهن من بشاكيـر
ولو ترفع صوتك شوية عالبشكارة طاحوووبـك وسبوك وراغوك من المنزل..


وشي خـدامات يتــعـنن من بلادهن ويوم تسويلهن الفيــزة وتكفلـهن وتتبهدل في الجوازات وتراكض حق الفحص الطبي وبعــد عناء طويل تي البيت تشتغل يوم أو يومين وتصيح أنا أبا أسير وأبا أسير إلي ما تبا تشتغل وإلي تبا تشتغل عكيفها وإلي تبا تربي عيال بدال التنظيف وإلي تبا ترد بلادها تبا تعــرس وإلي تبــا زوجها الحبيب وإلي ... ألخ
إذا هن مب مالات شغل بنات اللذين آمنوا فليش يايـة من بـلادج ؟؟
وعقب تدفعلهن فلوس التذكرة وإذا ما وافقت تسفرها بتشرد..
والفروض المكاتب تعطي ضمان للبشكرة شهــر عالأقل
إلي يسمعني بيقول هذا يرمس عن سيارة لووول


فالخادمـــة مجــرد خادمــة لها الإحترام ولا يجب بنا أن نكون قريبين منهن ونُفشي لهن بأسرارنا وبفضائحنا و و و ألخ، لأن هالشي يسوي مشاكل عن طريق تنـقل الأخبار بين خادمـــات البيــوت الأخـــرى...


وفي النهايــة الخادمــة تبقى إنسانة وإن كانت مسلمة أو مسيحية فيجب علينا أن نعاملهــا بلطـف لا أن نتقرب لهن ولا يجب بنا أن نؤذيهن أو نهزبهن (نرفع صوتنا عليهن)


إذا شـــردت الخـدامـة تعالوا وضحكوا عالقوبــة
العقــــوبة: طبعــاً نــادر مايمسكــون خدامات شاردات
فالأغلــب الخــدامـة يوم تشبع تجميع فلوس وتحولها وتشبع من الحواطه في الدولــة عقب تتملل تقول بسير بجابل أهلي بسني فـلـــوس ... تسيــر وتسّـلــم عمــرها إلى أقرب مركــز شرطة



وعــاد شو هي العقــوبة ؟؟
العقــوبة هي تبــات (ترقــد / تنــام) ليلة وحدة في الحــبس المؤقت وطبعاً إنتوا عارفيــن سجونـنا فنـدق والخدمات من شركة بوظبي الفنادق يعني هي في نــوم العوافـي
وعـن الأكل لو تبا ورق عنب بيـيـبولها هههههههههه لوول يعني أقصد أحسن الأكـل
ويحجزولــها أقرب تذكـرة طبعا على فلوس الكفيل يوم يكنسلها يدفع غرامة التذكــرة
وتسافــر وفي خاطــرها تقول والله عجيــبه هالـدولة وحبتيـن /\ بالأثيوبي أو الأندونيسي أو الفلبيني أو ...ألخ
وعقــب يقولون عـدد قضايا الخـدم إلي يشردن زاد
بصـــراحـه قوانيــن العقوبــة في دولتنــا للأســـف لا تـــردع هؤلاء الخـــــــدم بل تشجـعهم على الهــرب



طبـــعاً مثــل ما تعــرفون أن الخـــدامات يشــردن بشكــل رهيــب وصارت قضية هروب الخــدم وايـــدة وفي كــل مكــان من الــدولة
وإكتشــفوا أن شــركات نظــافة خاصــة للفنادق و الشركات و المقاهي ، هذي الشركــات تبا عـمال فيكلفهـا فلــوس وايد وتاخـذلهــا وقــت عسب تجلــب عمال من الخارج لأن تعرفون سوالف الجوازات والفحوصات الطبية و و و ...ألخ
فشــو يِسَـــوون ؟؟
يحطــون عمــال من الهنـــد و أثيوبيا و اندونيسيـا و الفلبيـن وغيرهم ، ويـوزعونهــم عالحـــارات (الشعبيات/الفريج)، ويحاولون يقنعون الخــدامات بأنهن بيحصلـــن على أحســن الرواتــب يعني زيادة على راتبها 500 وبيحصلــن الإحترام وأنظف الحــجر لينامـن فيها --> (الله يستر)، وأحســن أكـل
فيســـيرن هناك بدون أي خـوف لأن فالنهاية العقـــوبة حلـــوة عندنـا

[الشوق]

[align=center]
الخادمات شر لا بد منه
[/align]

[align=center]
شكرا على مجهودك ,,
[/align]

[دلووووعة]

ما عندي تعليق غير ....
حاجتنا لهم .....
حسبنا الله ونعم الوكيل .....

[يوسف على الدكرورى]

ليس كل مايتمناه المرء يدركه ..........

يجب ان نعاملهم بلطف ( ازرع جميلا ولو فى غير موضعه فلن يضيع الجميل اينما زرعا ) فحوجتنا اليهم ضرورية

[دكتور-طب]

شر لابد منه ....... بس احسن شي يسوييه الواحد يحط كيميرات ف البيت مثل بيت اخوي ... اي شي يستوي يجوفونه

[كلي نظر]

[read]
حسبنا الله ونعم الوكييل ..!!
[/read]

[فريجاك]

شكراااا ع المجهود .,,,

[wild alrams]

الله المستعان,,,

شكراااا ع المجهود...

[ولد راك والعالم وراك]

يسلموووووو ع المرور

ربي يعطيكم العافيه

[فتى شمل]

الله المستعان,,,

شكراااا ع المجهود...