لنعمل معا للحد من الحوادث المرورية
رد مع اقتباس
اولاً موضوع جداً رائع ... و الشعار هالسنه وايد حلو ...
ما اعرف شو اقول ، في البدايه خلوني ارد عالاسئله المطروحه ....
السؤآل هو : لماذا نخالف قواعد المرور
للاسف مخالفه اقواعد المرور عند البعض شي عادي و ما له اي اعتبار ، و تكون الاسباب كثيره و ابرزها في اعتقادي هو عدم الوعي و القلب و العقل ما اتلمس هالمخالفات و اثرها و نتايجها المترتبه .
هل من سبب لزيـآدة السرعة !
الاسباب كثيره ولكن كل مرة .؟ !! .... طبعا لا ... يعني كل مرة الواحد يسرع عسب حاله طارئه ولا بسير بتلاحق فلان ولا متأخر عالدوام و لا عالبيت ، و لا بسير بتغدى ولا متأخر عن فلان وهو يترياني من زمان .. و اخرهااا و اللي ايكون اقوى سبب هو التباهي والتخقق و اراوي عمري اوني سويق .... على شو ... على حساب حياتك و حزن غيرك و اهلك عليك ؟؟!!..... مو منطق الصراحه ..
هل من سبب لعدم ربطنـآ لحزآم الأمـآن / وما هي الحجج في عدم ربطه
والله ابرز سبب و الكل بيجمع عليه هو مو متعودين ولا ما نحب ، و لا ما يحتاي اربط الحزام لانه المكان اللي ابي اروح له بس فرة حصى ليش اربطه وهو بكلامه هااا ترى متوجه لدبي ( مثال ) .. كثيره هي الحجج اللي عند الانسان .
هل هناك ما يجبر الفرد على تخطي إشارات المرور !
ساعات ما اقول لا و هي اللي تستدعي تخطي الاشارات هي الحالات الطارئه و غير هااا لا ...
مو عذر انا متأخر ولا ما احب اتريا الاشاره وايد اتطول ولا ابا اوصل بسرعه ولا مو متفيج اوقف . ، ليست اعذار يقدمها البعض ..
انااا هني بس انشف ريجي و اتعب صبوعي في طباعه الاحرف والكلمات التي تجول في نفسي ، انا متأكده ان البعض منكم سيستفيد من كلامي والاغلب سيتجاهله ، انااا اللي علي قلته .
و اتمنى من الجميع انه يستفيد من اللي ذكرته ...
و تحياتي للجميع ....
