عيش دجاج ارانــــــى عجيب

[نبض انسان]

السلام عليكم


الحمد لله والصلاه والسلام على سيدنا محمد وعلى آله وصحبه أجمعين ..


خذيت طريقه تتبيله الدياى من قناه فتافيت وخاصه من برنامج سمر بالخليجى وانا طريقه العيش من تفكيرنا احنا وان شاء الله ان شاء الله راح تدعون لى عقب ها الوصفه .....


طبعا راح نحتاج الى دجاج مقطع قطع اصغار بس مب وايد وسط يعنى احسن عشان التتبيله
روب + ملعقه فلفل أبيض+ ملعقه زعفران + عصير ليمونه وطبعا راح نحتاج الى بصل حبه وحده ونقطعه قطع اصغار ونحمره فوق الزيت نصف استواء مايكون مره بنى بس اشوى ونظيف له ملعقه واحده من الكركم وبعدين نخلط كل ها المكونات مع بعض وياهم الدجاج طبعاوحطوم فى مله كبيره وسكروها وخلوها فى الثلاجه تقريبا 3 ساعات بس انا مسويتنه فى الليل احب اخليه ساعات طويله
بعدين اقليهم فى الزيت


واما العيش كيفكم كثر ما اتحبون بس وانتو تسلقون العيش على النار حطوه فيه ملعقتين من السمن وشوى من الزيت وملح طبعا وخلوه ينسلق لين يجهز شيلوه من النار اوكى بعدين فى نفس الجدر حطو ملعقتين من السمن وملعقه من الكركم وعصير ليمونه وبصل حبه وحده وحمروهم عدل اخر شى ظيفو نصف كوب او كوب من الشبت المقطع والكزبره والبقدونس المقطع قطع اصغار وحركوهم مع بعض لين اتحسوهم اذبلوا اشوى ظيفو له العيش الى سويناه قبل وحركوهم مع بعض وبس وقدموه مع الدجاج بالطريقه الى تحبونها وان شاء الله يكون كلامى مفهوم واتمنى اتجربونه وتدعون لى ..







حرم على ها عيشنا واتمنى اتجربينه بعيبج ..

[اماراتي وافتخر 40]

بسم الله

ماشاالله

بالعافيه

[راك 88]

ما شاء الله .... شكله لذيذ
بالعافية

[حرم علي]

عافانا الله , مستوية زطيه
تدرين اني استويت ثجيله , ماروم اطبخ ولا اسوي شي
عالأقل طرشيلي صحيّن صغير

ان شاء الله بطبقها في رمضان

[البدور]

ماشاء الله تسلم ايدج على الوصفه الحلوه وبالعافيه

[نبض انسان]

تسلمون على المرور إخواني وأخواتي
حرم علي شو اسوي تراج بعيده بوايد عني جان مايغلا عليج ها الاصحين الصغير هههه

[ام محمد 9119]

يعطيج العافيه اختي

[maroco]

روووووووووووووووووووووووعة امم لذييييييييييييييذ يااييتنج نبض وبأيدي طااسة حطييلي ههههههههههههه..!!

[نبض انسان]

تسلمين على المرور
ماروكو ساعه صحن والحين صارت طاسه بعدين بتقولين جدر

[maroco]

هههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههه
بطني عوورني من ضحك لا لا اول باخذ عيينه لو عيبني باخذ يونية ع اساس لو ما عيبني ماا خبص وااكلا غصب ادري بعييبني ههههههههههههههه اسوولف.!!