اعضاء المنتدى بغيت رايكم

[ام سعيد المهيري]

السلام عليكم انا صارت لي مشكله مع مدرسه بناتي دون الدخول في التفاصيل لان الموضوع قيد التحقيق من قبل المنطقه المهم الى ابا فيه رايكم هل يحق للاختصاصيه انها تمسك بنتي الي في الصف الثالث وتقولها انت امج الي سوت كذا وكذا وسالتها عن اسمها البنت منهاره لاتها طفله لا دخل لها بخلاف وليه امر مع الاداره شو رايكم بتصرف هذى الاختصاصيه

[درب المعاني]

احس من كلامج انتج واااااااااايد تروحين للمدرسه وتناقشين ويالاداره والاداره طلعو حرتهم فبنتج .
اختي انا اشوف هالاسلوب خطأ من الاخصائية فهذه المواقف ستبقى راسخة في ذكريات الطفلة وتعرفين وساوس ابليس ما تخلص ..

بس اتمنى انج تنسيين بنتج هالسالفة وتحسسينها بانتهاء هالموضوع .. والاداره عطيهم طاف ليش تبين لعمرج عوار الراس انا المديره ،، المعلمة هزبتني اخبر امي ولا تعبر ههههـ وفي امهات الا يدافعون بس امي حكيمة يوم ما دافعت ولا كل بيلس اتريا امي تييي وادافع عني ..


اختي لا تكبرين السالفة البنت صغيره وعندها ربع بالكلاس بحشون فيها لين ما بقولون بس انا عايشة طفولة وربيعتي مره استوى الها هالموقف ولين الحين اضحك عليها يوم امها يت وابلة الانجليزي هزبتها جدامها تقريبا يوم كنت بصف ثاني ابتدائي ..

انا اشوف هالامور وااايد تصير فالمدرسة بس كم ام بترقض ورى الابلوات والاخصائيات !!

اليوم بيذكرون وباجر بينسوون ..

[أم حنان]

هاي اي اختصاصية؟!
استغفر الله ..
هاي وين عقلها؟!
قسم بالله انقهرت ليش دخلت بنتج بالسالفة
وهي صغيرونه .. لا المشكله اختصاصية ؟!
الله يستر على طالبات المدرسة

[اماراتي وافتخر 40]

اسلووووووووووووب غلط

لانه ممكن وايد اشياء تصير بين اولياء الامور والمدرسه بس الطلاب مالهم دخل..وبالذات انها طفله مب مستوعبه اللي يصير

لا حول ولا قوه الا بالله

[noorarak]

السلام عليكم ورحمة الله وبركاته
للأســف .. الكــادر التربوي في مــدارسنا يتصـرف بطرق غير تــربوية في التعامل مع الطلبة ..

أختي العزيزة .. أكيد هذا التصرف خاطئ وغير ناضــج .. فأن أتحدث مع طفلة كأنها شخص راشد .. وأنا مسماي الوظيفي إخصائية ..

هذا الفشل بعينه وحرفية منعدمة ..

أنا أقول لهالاخصائية .. أحسن لها تقعد في البيت وبتييها الدلة ..

..

يقولون تربية وتعليم ..

وأقول تاهت التربية بين أولياء الأمور والمدرسة .. والتعليم مكانك سر ..

ولا حول ولا قوة إلا بالله ..

نــورـهـ