|
السلام عليكم والرحمه
بدخل في الموضوع على طول
إن شاء الله يخوز هالمرض والناس كلها تشافى ومن بعدها إن شاء الله ناويه أسافر
المهم أنا سافرت ماليزيا الصيف اللي طاف وتميت عشره أيام فقط والصراحه ما تمشيت وايد يعني صارت ظروف .. المهم أنا رحت جزيره لنكاوي فقط وكوالمبور طبعا العاصمه وفي العاصمه طبعا الكل يعرف ( جنتنج _ وصن واي لاقون ) أنا زرتهم بس الصراحه في صن واي لاقون ماعرفنا وين نلعب يعني عاطينا ورقه مرسومه فيها ألعاب ومب عارفين وين مكانه.
وزرت بعد المسيد الكبير مالهم ،، وزرت المربأ المائي ،، والمتحف الاسلامي ،، وحديقه الفراشات ،، وأبراج ماليزيا ،، تلفريك ،، فقط لاغير وكل شي على السريع يعني في كل مكان كنا نتم فيه ربع ساعه أو أقل ..
أما بالنسبه لنكاوي سرت الرحله البحريه ،، والشلالات ،، ميجامول فقط لاغير وردينا البلاد المهم أنا كنت مضايجه وايد لاني ماتهنين بالسفره ..
المهم أنا ناويه أسافر مره الثانيه بس الاهل يبغون يسيرون تايلاند وانا الصراحه شفت تايلاند في الصور وماعيبتني كثر ماليزيا حتى خواتي مسافرات تايلاند وقالو لي حلوه بس الجو حار شوي فيها يعني جوها مثل الامارات لو يطيح مطر بس حاره شوي .. والشيء الثاني لما راويتهم صور ماليزيا تخبلو قالو لي ماليزيا بمليون مره أحلى عن تايلاند وهم الصراحه سارو (بوكيت ، شنغ ماينج وما ادري اي جزيره بعد ) ..
المهم اللي أبغي مشورتكم أسافر المره اليايه تايلاند ولا ماليزيا أنا خاطري أسافر ماليزيا أبغي اسير الجزر الثانيه وأبغي أتمشى هالمره على راحتي مب كل مكان خمس دقايق وعشر دقايق وفي نفس الوقت أبغي أسير بانكوك بس في شيء يخليني ما ابغي أسيره تدرون شو الفنادق خواتي ما مدحو فنادقهم موليه وانا اهم شيء عندي الفندق وموقعه .. والجو ..
اللي مسافر يعطيني من خبرته سواء ماليزيا أو تايلاند ..
نسيت أخبركم ان شاء الله اذا الله راد وسافرت أبغي أتم اسبوعين .. وأبغي أسافر في الصيف يعني شهر 6 أو 7
بالنسبة لي أختي سافرت البلدين
ماليزيا أحلى بمليون مرة
رقي في التعامل وبلد جميل وشعب محترم
واهتمامه بالسياحة كبير
أما تايلند ما شي رقي أبدا وبصراحة ما حبيت لا البلد ولا شعبه !!
وما افكر ارجع له ثاني مرة
نصيحتي لج بالذهاب الى ماليزيا لانه المناطق اللي زرتيهن شوية ووايد اماكن حلوة بعدج ما رحتيهن
هذا تقريري عن ماليزيا يمكن يفيدج لكنه للحين مش مكتمل
http://www.alrams.net/forum/showthread.php?t=33628
مرحبا أختي شوفي لكل بلاد لها طابها الخاص مثلا تايلند الي يميزها التقليد الي فيها وأذاأنتي من النوع الي يحب التسوق فتايلند أرخص من ماليزيا طبعا من وراي الخاص ماليزيا في النظافه أحسن وأنظف وماليزيا واصله في سياحتها العالميه ولكن هذا ما يعطيني بان أحكم على تايلند بأنها ما تصلح أنا اقول اذا سرتي السنه تايلند فالسنه القادمه خليها ماليزيا علشان نستفيد من معلومات والمقارنه من حيث السعر والشعب
أنا زرت تايلند وشفت صور لماليزيا
فى وجه نظرى ماليزيا أحسن من تايلند بمليون مره
و السياحه فى ماليزيا أفضل وفيها أماكن أكثر عكس تايلند
تايلند مش عائليه نفس ماليزيا *_^
و السموحه
مشكوره اختي على المعلومات ..وأنا اطلعت على تقريرج وعيبني وايد والله يهنيج دوم ..المشاركة الأصلية كتبت بواسطة الأغين
شكرا أخوي على رآيك وصح كلامك أخليها تايلاند السنه اليايه ..
أها .. ترى مثلي انا لما شفت صور تايلند ما عيبتني وايد ههههه بس قالولي انه في جزر حلوه وايد في نفس مستوى ماليزيا .
وصح كلامك السياحه في ماليزيا أفضل وأرقى .. وشكرا على المعلومات ومشورتك ..
ضوابط المشاركة
رد مع اقتباس