فاهيتا ديااي بااقل من 30 دقيقه

[المروي 1]

مرحباا
شحالكم عساكم الا بخير

بما اني ماعندي وقت للطبخ فمن خلال تخبيصي فالمطبخ طلعت هالاكله السريعه






فاهيتا دياي
المقاادير :- طبعاا لازم تجهزين كل شيء تقطعينهم وتخلينهم
اولا::- صدور دياي تقطعينهم شرايح بس لاتخلينهم طوال وايد
فلفل الوان ( احمر-اخصر-اصفر-برتقالي ) قصهم شرايح والطول الي تبينه ( انا استخدم نص الفلفلات والنص اخليه للمره اليايه) لانه بيكون وايد اذا كامله
فطر (مشروم) معلب مقطع شرايح جاهزه
ذرا معلب / حسب الرغبه
2 بصل مقطع (مربعات او بالطول) حسب الرغبه
الصلصه ::-
2 م كبيره خردل
4 م كبيره باربكيو سوس ((HR
2 م كبيره صوص صوياا
2 م كبيره عصير ليمون
1 م كبيره خل
بهارات مع الصلصه ::-
1 معلقه صغيره كااري
1 معلقه صغيره فلفل حلو
1 معلقه بهار حلو ( بهارات السبع )
ذرة فلفل اسود ,, ذرة جرفه ,,
زنجبيل + ثوم بودره لو مافيه حطي بس مدقوق

 نسوي الخلطه ونحط عليها الدياااي ونخليها
وهالطريقه سهله وفي مجال انج تسوين نصها ونصها تخلينه فالثلاجه ماتخرب بس تغطين الخلطه مع الدياي بنايلون .
 نحمس البصل مع اضافه الزنجبيل والثوم المدقوق ( اذا البودره مب متوفر)
 في حال ذبل البصل نضيف الديااي مع الصلصه ونغطي الدياي لين يستوي
 وبعدين نفتح عن الدياي ونتاكد انه استوى و نحط الخضرا عليه ,الفلفل والفطر والذرا


هني بعد ماحطيت الدياي + الخضرا





ولين تستوي الخضرا وتلين و خليه ع ناار هاديه عسب الدياي يتشرب الخلطه ويكون ثقيل
 وفي خلال 20 دقيقه بتكون الاكله جاهزه
(( يوم تشلين الخلطه مايكون فيهاماي مال الخلطه))
في حال كان فيها مرق انخليها

وطبعاا ينأكل بالصمون او خبر انا فالصور جربت خبزهم بس مانفع لانه يبس بسرعه
نحط مايونيز و كجب مع خس وطماط +خلطةالديااي

وبالعااافيه عليكم هالاكل تصير فااقل عن 30 دقيقه طبعاا تعتبر من اسرع الاكلات و بلا مجهوود

[أمـ حمنـــي]

تسلم ايدك على الطريقه الحلوه
اشكرك على الطرح المميز
الله يعطيك العافيه
دمت متميز دائما

[نبض انسان]

تسلم يالمروى

[عذبه الشحوح]

يسلموااااااااااااااا .........

[المروي 1]

مشكورين على الرد وبالعافية عليكم خواتي

[ام محمد 9119]

يعطيك العافيه

[المروي 1]

الله يعافيج يا ام محمد 9119 ومشكورة على الرد

[عنيدة]

ماشاء الله عليك الاخ طباااااخ ولا

[المروي 1]

هههههههههههههههههههه طال عمرج عزوبي واخربط في المطابخ ههههههههههههههه تحياتي لج