شوروا علي شو آخذ من مواتر ؟؟

[ام محمد من راك]

السلام عليكم

اول شي مادري اذا الموضوع فمكانه الصح ولا لأ

انا محتارة بين موترين وان شاء الله على رمضان ناوية اشتريه

الموترين فورويل لأني مول ماحب الصالون ,,اساساً ما يصلح حق شوارع راك الا الفورويل

خذت شور الي عندي فالبيت بس الآراء اتساوت

شي اطراف تمدح هذا وشي اطراف تمدح ذاك ,,وشي الي منهم ومووول مادش خاطرهم ولا واااحد

محتارة ما بين الفورد ايدج2013

ومابين الكاديلاك SRX2012

ال 2 مواصفاتهم امريكية للأسف

انا من قبل امحطيه فبالي اف جي بس محد طاوعني عليه لأنه موتر شبابي

وفكرت بالالماني ..السيايير الالمانية ادريبها زينة وقوية بس سامانها غالي وتتعلل

انا ابا آخذ الموتر كاش مب اقساط بس بحدود ميزانيتي وعندي بحدود ال165ألف واكثر بشوي بس مابا ازيد عن هالجيمة ..

ابا شور اغلب الاعضاء وان شاء الله ارسي على بر ..

ارجووكم غير الراف والموراانو لأني ماباهم

[راوي جروح]

نصيحتي لك خذي جمس انفوي مب غالي وايد حلوة مواصفاتة..

[ام محمد من راك]

لا ما ينفع

الموتر عود ومال عوايل وانا بنت مابشل حد وياي ياغير الوالدة او كمن نفر ..

زيد عهالشي مرت ابوي عندها >_<يعني مب شي موترين فالبيت شروا بعض

[نبض انسان]

الفور ويل اختى فنان

[الكابتن]

[align=center]KIA MOHAVI

يمكن يلبق لك

[/align]

[هامور صـ غ ـير]

من بين هالموترين انصحج ب فورد ادج لأني أفضله على الثاني وأكثر أستخدام وانتشار

[النعيمي الرمسي123]

افلون 2011 مواصفات رائعه كنه لكزز

[ام محمد من راك]

ماقصرتوا ..لا خلى ولا عدم

[إنسان ثاني]

الفورد منشر اكثر


لكن افضل الكادلاكـ له هيبتهـ


و استخيري آو روحي الوكاله و شوفي الموتر اللي يريحج


الصور خداعه ــ شوفي بنفسج آحسن




بالتوفيج

[ام محمد من راك]

تقريباً آراؤكم بعد اتساوت انا سرت الوكالة وشفت المواتر عالطبيعة

من قلب دش خاطري الكاديلاك والوالدة بعد بس الشباب مب دايرين وياي

يقولون يتعلل ,,ومن غير قالوا انه وكالة الطاير الي فيها الفورد تضمن الموتر 5سنوات في حالة اعطال الموتر او حادث وغيره

مادري الصراحة

من اصعب الاختيارات الي مريت فيها بحياتي