كره المدرسة

[شباب راك والعالم وراك]

بسم الله الرحمن الرحيم
الصلاة والسلام على سيدنا وحبيبنا محمد(ص)
السلام عليكم ورحمة الله وبركاته

انت دخلت لانك تكره المدرسه،،صح؟

خلاص يوم تكره المدرسة لا تدرس

وابقى من دون طموح او شغل

اذا كان ابوك او غيره من اهلك اغنياء

شنو ضمنك انهم ببقون احياء او بتبقى فلوسهم

فكرو عدل لو ما تدرسون شنو بصير

ونظره المجتمع لك أشلون بتكون ؟؟

بيعتبرونك فاشل و جاهل

الحين عندك خيارين:

1-تحب المدرسه وتصبر على اي شي يأذيك منها
النتيجه:النجاح فالحياة و المجتمع يحبك وتكون يد عامله تخدم دولتك

2-تكره المدرسه و شيء فشيء تطلع من المدرسه
النتيجة: فاشل وجاهل و محد يحب سماع طاريك

أشياء تساعدك على حب المدرسه:
1-حط بمخك هدف ما تتخلى عنه
مثال : ابغي اصير طيار وادرس بالجامعه الفلانيه

2-عدم الاعتماد على الغش <<طبـعا الحـين محـد يقـدر يستغـنى عـن الغـش

3-الانتباه و عدم الاكثار من المنبهات
مثل : الشاي/الببسي/القهوة

4-عدم الاهتمام بالاشياء التافهه
مثل : ستار أكاديمي


5- النوم المبكر

6- مذاكرة الصبح

7- الدعاء
يعني: لازم تدعي الله ان يساعدك على حب المدرسه

8-لا تعتمد على الكتاب المدرسي فقط بالمذاكرة

9-و هو اهم شئ طاعة الله

10-السوالف زينه لكن وقت الشرح لا

11-عدم الانتباه يؤدي الى كره المدرس الي بيخليك تكره المدرسه

12-اهم شي لازم تحبه من المواد

واخيرا: أدعوا الى الجميع بالتوفيق

[RAKBOY783]

ربي يوفق الجميع انشاء الله

تسلم اخوي ع الطرح

ربي يحفظك

[ولد راااك]

يسلمو

[عاشقة القمم]

الوآحد مآ يحس بقيمة الشي إلآ يوم يفقدهـ

أيآم المدرسة كنآ نقول متى بنخلص درآسة وبنفتك
وألحين نقول يآريت ترد أيآم المدرسة حتى لو بس يوم وآحد
أجوآء المدرسة جداً رآئعة ( طآلبآت / معلمآت / إدآرهـ ) عشنآ ويآهم أحلى الأوقآت

ربي يوفقكم يا طلآب وطآلبآت
ويفرح أهآليكم بأحلى الدرجآت والنسب



~ْ|| تسلم ع الطرح أخوي ||ْ~

[ام خماس]

1-تحب المدرسه وتصبر على اي شي يأذيك منها
النتيجه:النجاح فالحياة و المجتمع يحبك وتكون يد عامله تخدم دولتك


اكيد هذا الاختيار .. تسلم ع الطرح

[miss cheerful]

الكثيرمنا يجهل أهمية العلم و الطريقة السليمة للتسلح به .. جزيت خيرا .. فقد أوصلت رسالة لن يفهمها إلا من أدركها ..

[شباب راك والعالم وراك]

شكرا على مروركم جميعا وانشاء الله بيب مواضيع بعد في مجلس الطلبة والطالبات

[رمساوية وكلي فخر]

اول مـآ قريت عنوآن الموضوع عبـآلي : كرة المدرسـة . . اقول شو يـآبها الكرة في المدرسه خخ

،

مثل مـآ قـآلوا الكثـير منّـا يجهل معنى العـلم . . =)

ربي يوفق اليميع =)

[فلورنس]

جميل ان الانسااان يسعى للعلم والمعرفة ..
بس عااد المدرسة وااايد يضغطوون على الطلاب والطالبااات ..!!
وعسب جيه في بعضهم يكرهون الدراسة ..

والله يوفقنا ان شاء الله ..

تسلم اخوي ع الطرح ..

[admire]

الحمدلله كل هاي اطبقها فحياتي حتى وصلت لهاي المستوى
ويالله آخر سنة وبشد حيلي أكثر وأكثر حتى أصل إلي مستوى المرغوب
الله يوفقنا ويوفق الجميع
تسلمين على الموضوع ..~