ما أكثـــــــــر صفـة ماتت ؟؟

[ماروكو]

بمــــــا أننا في مجتمعات مختلفة


او حتي ان كنــــــــا اكيد وجهـات نظرنـا تختلف

ففي رأيكـــــــ

ما أكثـــــــــر صفـة ماتتـ في مجتمعنــا
مع التعليـل (لو عندكـ )؟

ولكي أبسطها عليكم
اختاروا من هذه الصفات

1-الحياء


2-الأمانه


3-الصدق


4-الكرامه


5-الضمير

[نور الدنيا 2011]

أكثر صفة ماتت في مجتمعنا الحياء والوازع الدينى ودليل إلي نشوفه ونسمعه كل يوم في الجرايد والمنتديات.

[الكابتن]

ما اعتقد ان شي من هالصفات ماتن...كلهن موجودات و لله الحمد والمنة...و لا يطغى القليل على الكثير ولا المزيف على الاصيل

صفات نعتز بها ونمارسها كل يوم

[مسك الريم]

بصراحة كل هالصفات ماتت في معظم من الناس مب الكل

وفي معظم المجتمعات مب الكل

نتيجة ضعف الايمان

[عقد لولو]

اكثر صفة ماتت هي الحياء ولكن مب كل الناس

[رحمتك يارب]

السلام عليكم ورحمة الله وبركاته

[align=center]
حياج الله اختي ماروكو
بالنسبة لسؤالج من وجهة نظري كل الصفات ماتت وأولها الأمانة
والمفروض ما نستغرب من هالشي كل هالأمور انتشرت بسبب ضعف الوازع الديني والهوان
اللي صاب الامه الاسلامية إلا من رحم ربي ،، نسأل الله السلامة..
[/align]

[كتاب الحزن]

السلام عليكم والرحمه ..

انا بالنسبالي اكثر صفه ماتت ( الوفااء + الثقه ) ..

ذي دنيا مالها صااحب .. واقرب الناس لك عقرب لك .

الاشخاص الاوفيااء ف هالزمن ناااااااااااادرين جداَ ..
وكل ماوثقنا ف حد بكل سهوونه يخوون ويكسر هالثقه ...

وحتى الاخوو او الاخت ف هالزمن يخونوون ..!!
يا تختاار صاحبك بحذر وتفشي سررره وانت مطمن ..
يا تختار اي واحد وبالاخيير تتعذب معاه ..!!


ربي يبعد الجميييع ان شاء الله من الخيانه والغدررر ..
وتسلمييين حبووبه ع الطرررح ..
وعساج ع القوه ..

سلامي لج ..^.^

[شيوخي بطبعي]

الناس اجناس و الناس معادن

والدنيا ما تغيرت
الناس هم اللي تغيروا

والناس فيهم الزين والشين

ومحد كامل غير الله سبحانه

[بوعواش]

السلام عليكم
أنا اعتقد أن كل يوم يمر علينا نفقد شئ أغلى من الي كان قبله .. والشواهد على كلامي كثيرة ..

[الحالم]

أكثر صفة ماتت هي : الحياء

والدليل سير الأسواق وشوف ,, بتشوف أب في وجهه وقار وهيبة

وبنته عمرها 15 سنة لابسة عباية كأنها فستان سهرة وبنطلون رص

والشعر برع ,,وهو خبر خير ,,

وثاني الصفة السيئة وبدأت تزداد ..,, جمع المال بشتى الطرق

وإذا واحد ربح في الأسهم نص مليون ,,الكل لازم يقلده ويكون مليونير

وإذا بنك من البنوك عمل سحب على الودائع وكل شهر هناك مليونير (اسم البنك)

مايشوفون أول لا حلال ولا حرام ,,أهم شئ أربح..نفس محفظة البوم وقبلان وغيرهم

يعني أصبحت الناس تعيش في طمع وجشع وتريد جمع المال ,,وبعد تقليد الآخر

وخاصة في السكن ,,أي البيوت ,,كنا قبل الوالدين و 12 عيال كانوا عايشين في 3

غرف وليوان مب صالة ,, وعاشوا مرتاحين وكبروا وتزوجوا وأما الحين عنده 4 عيال

ويبني فيللا دورين ويحط على رأسه ديون ويوم تسأله ليش دورين فيقول مرة عن مرتين

وعيالي وايدين ويمكن يوم يتزوجون يسكنون عندي أو أضعف الإيمان يباتون عندي كل جمعة

ويا عيالهم فيكون لكل واحد غرفة وغرفتين ,, يعني أعذار وهمية ,,وأكبر دليل إللي تقاعد

من العسكرية ردوا يشتغلون فعذرهم الراتب مايكفي ,, والله أنه يكفي ولكن ليش ربيعي

يستلم من العمل الجديد 15 أو 12 ألف درهم وأنا ما أستلم ,, يعني بالبساطة

فقدنا صفة : القناعة ,,