بعد أنحذف؟؟ ههههههه

[خيماويه 1]

أوكي هب مشكله ماعلينا


انحذف موضوعي ذاك لأنه ماله هدف ((مع أني أشك أنه هذا سبب حذفه))

اوكي ع العين والراس



أتقولون ماله هدف ولا له معنى صح؟؟؟؟



أنزييين









موضوع:

1) داد تزوج 20 حرمه وعنده 100 ياهل ولازال أيفكر يزوج
2) حريم الامارات اكثر من الرياييل فـ تويتر
3) سعوديه وافقت ع الزواج اذا وافق ياخذ ربيعاتها
4) استفتاء مادري احصائيه عن أفضل مطعم فراس الخيمه

(( احترامي الكامل لأصحاب هالمواضيع ))


وغيره من هالمواضيع شو الهدف منها ياترا؟؟؟ شو الأستفاده؟؟ شو المعنى منها؟؟؟




سلام من كوكب زحل

[الحالم]

أنا أقول لج شو الهدف من هالمواضيع :

داد تزوج 20 حرمة و100 ولد ,هذا يفيد في زيادة عدد السكان وبعد ينبهون الناس إذا ياكم واحد مزواج
لاتزوجوه بنتكم لأنه بيطلقها عقب ماتنجب كم بذرة ,,يعني تحذير تحذير,,أو حذاري حذاري

يعني الحريم ماعندهن شغل ويالسات يطرشن في تويتر ,يعني كنسلوا جلب الخدامات كلهن ينشغلن بأشغال البيت
أو بمعنى آخر :يارياييل شدوا حيلكم وأغلبوا الحريم في تويتر

يعني إللي عانس أو مامتزوجة سووا نفس هاي الحرمة ,(حبي لأختكِ كما تحبين لنفسكِ)
مانشوف هالتضحية بين الحريم أو الضراير إلا في السعودية ,,أتوقع ملتزمات والدنيا فانية

إذا أنا من دبي أو الشارقة وسرت أدوّر مطعم محترم في رأس الخيمة وماعندي خبرة في
مطاعم رأس الخيمة,ومن هذا الإستفتاء,أعرف حق الغداءوالعيش أي مطعم أحسن وحق
المشاوي أي مطعم أحسن وبالنسبة للسعر أي مطعم أرخص,,(أنصحكم بمطعم الصحاري أو صحارى هههه)
لأن قيصر يوم ييب لك الوجبة يسألك :كم حبة زيتون تبا والخبز بفلوس وحتى يقول لك إذا أزيد المكيف
بحسب عليك وإذا صوب الدريشة بتيلس وتطالع الكورنيش له سعر,,بعد زين مايقول لك:اليوم جمعة
والكورنيش زحمة يعني متعة زيادة ,,وبابا فلوس زيادة ,,

إذا عرف السبب يا خيماوية 1 بطل العجب ,, وإن شاء الله المعلومة وصلت : أكيد الحين إنتي في المدرسة
ومعلمة كواكب ومعلمة دولت ومعلمة عطيات ومعلمة إحسان وعصمت يقولن حقج : سرحانةفي إيه يا ....

[نبض انسان]

يالحالم ماشاء الله عليك ردودك ميه ميه

[إنسان ثاني]

السلام عليكم و رحمة الله و بركاته , , ,



عساكم بخير و سهاله آخواني و آخواتي المتواجدين في الموضوع




تعقيب بسيط آختي خيماويه1




صحيح من الطبيعي ان آي شخص يسوي موضوع و ينحذف يضايج
بس خلنا انكون واقعيين مافي موضوع بينحذف بدون سبب و حتى اذا انتي حاسه ان بدون سبب اتواصلي ويا المشرفين ,,,


صدقيني يا آختي انا احط مواضيع و ما اقارن عمري بآي آحد ابداآآ يعني ما يحتاي انا اييب مواضيع فلان و علان ,,


عن نفسي ولا مره انحذف موضوع لي و يمكن السبب اني اختار مواضيع تفيدني انا و لانها تفيدني احب افيد غيري




و انا متاكد انج تقدرين تفيدين جميع الاعضاء بمجرد قراتهم لموضوع فعلا فادج انتي بالاول //




آنا آحب للاعضاء الشي اللي انا آستفدت منه ,,




ان شاء الله وصلت الفكره ،،// و هدي اعصابج و انتي من الارض و تمشين على اتراب الامارات و النعم فيج








احترامي و تقديري






إنسان ثاني

[بو ناصر]

السلام عليكم
هل بالإمكان اعطائي فكرة عن المواضيع المحذوفه لطفاً..

[نادرة الوجود]

http://forum.alrams.net/showthread.php?t=380279

[خيماويه 1]

[align=center]الحالم وانسان ثاني

يزاكم الله ألف خير ع التوضيح وماعليكم زود ولاقصرتوا


بو ناصر

ع العين والراس

السموحه فعلا تداركت الوضع وأعتذر لأني غلطت بس السموحه منكم ولكن كانت اعصابي مشدوده جدا والسبب اعضاء وقحين جدا أتمنى ينرد حقي منهم وبس


احترامي



^^[/align]

[خيماويه 1]

[align=center]ويالحالم أنا وييين وأبله ميرفت وكواكب وعطيات وحكمت وييين ^^


زمن وولى هههههههه[/align]

[اماراتي وافتخر 40]

الحاااااااااااااااااااااااااااااااااااااااالم

لك كل احترامي وتقديري...يا خوي...

وما عقب كلامك اي كلام ينقال...

والله يلوم اللي يلومج لانه فيه كم عضو فعلا بدوا يمصخونها وانا اشتكيت منهم بس محد سووا سالفه...ما تنلامين يا اختي

[خيماويه 1]

الحاااااااااااااااااااااااااااااااااااااااالم

لك كل احترامي وتقديري...يا خوي...

وما عقب كلامك اي كلام ينقال...

والله يلوم اللي يلومج لانه فيه كم عضو فعلا بدوا يمصخونها وانا اشتكيت منهم بس محد سووا سالفه...ما تنلامين يا اختي

اماراتي وافتخر 40

مابيقصرون مشرفيين واداريين الموقع وبخصوص هالكم عضو يختي أنا أقولج (( خلي قافلتج تمشي و ....... ^^