حديقة صقر وخطرها ع أطفالنا

[صرخة ندم]

بسم الله الرحمن الرحييم

السلام علييكم ع الجميع أشحالكم عساكم مرتاحين , ببدا موضوعي وموضوعي يخص حديقة صقر واعتقد الكل يعرفها ماأعتقد حد مايعرفها الا اذا جان من برع رااك( إضني حتى اللي برع راك من كثر مايسنعون الحوادث اللي فيها عرفوها )المهم انا بتكلم بشكل جدي
نحن وايد نسمع وانشوف الحوادث اللي اتصير في الحديقه خصوصا للأطفالنا وهالحوادث اتصيير من زمان مب من سنه ولا اسبوع
كل يوم لازم يشتكون ويقولون حديقه صقر و حديقه صقر ونحن ياما سمعنا بنيه او ولد القطار داعمنهم مب مره صار هالشي أكثر من خمس مرات واكثرواكثر ومن غير إلعابهم المتكسسره والله ياخواني والله يشهد عليي اني ولامره رحت الحديقه وشفت ألعابها صاحيه مب متكسره لاحظوا قلت متكسره مب حليانه لانه فييه اختلاف الحليان بنقول بربه لكن المتكسر شو فايدته يتكسرون أعيالنا ولايموتون لاسمح الله والسبه العابهم الخراب ومب بس جييه لعبة السفينه ياما أطفال راحوا فيها ولعبه قطار الموت ولعبه السياير ولعبة الكراسي (اللي إدور) وإكلهم استغفرالله ريحته معفنه مادري جم يوم يخلونه فالثلاجه لاااا مو بس جيييييييه تعالوا شوفوا الحمامات اللي ريحتهن سم والحريم اللي اييين ويبدلون الحفاظات لعيالهن ويخلون الحفاظات ورا البااب اخخ علييهن بس انا مابلوومهم تعرفوا ليش لأن ماشي زباايل ولا المسيد الله لايراويكم اتقولون داخللين بيت مهجور متروس من الغبار والفراش ريحته عفن استغفر الله ,, لذالك لذالك أخواني إنا يايه أقول لكم ليش مايصكرون الحديقه ويسون غيرهاا أفضل منها وبذالك نحن بنطمن ع سلامة أعيالنا وبتخف المشاكل اللي فالحديقة
وياليت أيخصصون مكان لشوي ومكان لليلسه ومكان للعب ومكان للمسيد بعييد عن مسيد الريايل (اصلا ماشي مسيد للريايل )
ويرتبون البقعه أشوي والسموحه منكم

تقبلوا مروري وان شاءالله اشوف التفاعل

[ماروكو]

إن شاء الله يوصل الموضوع للشيوخ وما بيقصرون
عسى الله يحفظ شيوخنا ويطول بعمارهم

[بوعواش]

السلام عليكم ورحمه الله ..

اشكرك على حرصج وخوفج على أطفالنا وكل أسرة براك وهذا شئ مطلوب من الجميع ...

[align=justify]

أختى العزيزة مثل مايقولون الضرب في الميت حرام كلامج على عينا وراسنا لكن محد بيسمعج ولا بيكلف نفسة يرد عليج بس أنا أقول عن نفسي بصراحة ولو أنه خارج الموضوع أطالب بتغيير أسماء هذة المرافق اأن كانت حكومية وأقصد فيها مستشفي صقر وتاريخه العريق أو المتنزهات إلى تتحامي بأسم أنسان عزيز على قلوبنا جميعا الله يرحمه أبونا الشيخ صقر لأنها مب كفو تحمل هذا الأسم ولا نقبل بأنها تكون ستار لإي شئ مب زين وهذا الكلام مب يديد ...

[/align]

وشكرا

[نبض انسان]

السلام عليكم ورحمه الله وبركاته ..

انا سرت حديقه صقر قبل شهر غصبن عنى ما احب اسيرها لانى ادرى انها جديمه وماحد غير فيها أى شي ..
عنبو خل يطورونها ويشلون ها الالعاب الجديمه الى كنا احنا نلعبها بصغرنا ..اختى الحمامات وانتى بكرامه ولا مره دخلتها لانه اصلا من برع شكلها يوحى بالمصايب خخخ وانا كل شي ولا الوساخه ما استحمل اقعد فى مكان وسخ ولا ادج مكان وسخ حالتى النفسه ماتسمح .. اتمنى بس انهم يشلون كل شي جديم ويبدلون الالعاب الجربانه ويطورون فيها ..

[أبو عبادي]

رأس الخيمة بالذات
لديها أماكن طبيعية لو تم أستغلالها لعمل حدائق لكانت عامل جذب سياحي وأقتصادي
هناك تجارب ناجحة في عمل الحدائق في دبي والشارقة وتتوفرلديهما الخبرات الكافية
يمكن الاستفادة منهما الحدائق متنفس لجميع شرائح المجتمع اللون الاخضر يجذب الافراد
لا يوجد أرخص من البساط الاخضر يمكن للبلدية ان تقوم بزراعة النجيل وتستخدم مياه الصرف الصحي
لري الحديقة يمكن اغلاق الحديقة مؤقتا واعادة تصميمها اولا يتم رفع مستوى ارضية الحديقة الى مستوى الطريق
ثانيا توسيع الحديقة من خلال التمدد واخذ المساحات الخلفية للحديقة
الحديقة الان في الخلف والجوانب مهجورة وغير مرتادة بسبب أخطاء في تصميم وتوزيع محتويات الحديقة جوانب السلامة تتطلب جهود مضاعفة صف المركبات داخل الحديقة من أكبر الاخطاء مع وجود اطفال داخل الحديقة

[اماراتي وافتخر 40]

انا من سنين ما دشيتها...امر اسبوعيا عليها واحنا نسير عوافي...حتى لو اليهال يبون يسيرون انا ما اطيع...

شو هذا؟؟؟؟احيد فيه مكانات زمان للشوي ورا بس اللي اسمعه انهم يشوون ع الحشيش ..لا وبعد شيشه وهالسوالف!!!!

انا اقول يسكرونها مال 6 شهور...وينجلونها نجال....واييبون لنا مهندسين من هاللي يهندسون حدايق دبي...ويرتبون لنا شغل عدل...ومب مشكله اسعار التذاكر بعدين ع الاقل نلاقي مكانات عدله نسيرها....تستاهل راس الخيمه واهلها...

[صرخة ندم]

تسلم وون ع الطله و ع مشاركتكم فالموضوع وانا بسوي بنقله للمكان ثاني عشان الكل يشوقه

[وفوي المطاف]

[size="4"][color="darkred"]و المشكله ان بعض المدارس ما عندهم من الرحلات الا لحديقة صقر

وربي الحديقه مقززه بالحييل ! خخخخخخخخخخخخخخخخخ

جان زين لو يودونا ع الاقل للمنار ولا راك مول او الحمره

او حتى برع راس الخيمه