لوسمحتو بغيت منكم حل :(

[شحـــيه وكلــي فخـــر]

سلام عليكم ورحمه الله وبركاته
اول شي شحالكم عساكم بخير ان شاء الله
اخواني بغيت منكم نصيحه
انا عندي اخوو يكرهني مايحبني ولاشي حتى اذا بغيت اتكلم عنده ولا اسولف يصرخ يقول لي لاتكلميني ولاشي ويقول انتي مب اختي ومابينا كلام ولاشي واحيانا يضربني وانا من 6 سنين وانا ع هذا الحاله واحيانا احس اهلي مايهتمون فيني حتى بديت اكره عمري واهلي وكل من صوبي لاني تعبت من كل احيانا اشوف البعض يحب خواتها يوم اشوف جي اقول ف قلبي ليش ربي مارزقني مثل ها الاخوان لي يحبون اخوانهم واشوف اهل يحبون بناتهم والله واحيانا اصيح من هاا الظروف لي تعبت منها وحتى اطلب من ربي انه يرزقني الزواج الصاله واطلع من بيت اهلي واعيش حياتي
والله اتمنى منكم تقلون لي شو اسوي لاني والله كرهت دنياتي وكل شي
والسموحه منكم طولت عليكم
مع تحياتي : شحـيه..؟؟

[نبض انسان]

وعليكم السلام ورحمه الله وبركاته..

اختى شحيه ولا تزعلين فديتج .. الغلط مب منج فى اهلج الله يسامحهم ان شاء الله..
شوفى انا قلت نفس رمستج من زمان بس انا اشوى غير يعنى اخوانى الشباب الحمد لله عندى اغلا واعز من خواتى البنات مع انى أكبر وحده فى البيت اقولج مول مايحترمونى خواتى البنات وانا ما ارمسهم ولا اشوفهم عادى اكمل سنه يعنى .. بس الشباب غير عنهم اعزهم واحبهم وايد وعلاقتى اقوى وايد معاهم ..
ها اخوج الله يعلم شو سالفته يمكن حد يحرضه عليج الله يعلم ..
انتى حاولى تدعين لهم بالهدايه علا طول والقرأن بعد راح يخليج ترتاحين ..

[شحـــيه وكلــي فخـــر]

تسلمين الغاليه نبض انسان بس والله عانيت وايد وايد 6 سنين مب شوي وايد وانا صبرت والله وتعبت حتى بديت اكره كل شي اهلي تغيرو احس الكل يكرهني احيانا يحتقروني ف نظرتهم واسلوبهم ويااي مب اوكي الكل اذا بكلمني بقول لي شي يصرخ ومايرمسني ف احترام مع اني اسكت ما اقول شي لان ماعندي احد غير اهلي
والله اتمنى احد يخطبني وابتعد عن اهلي
بس متى ربي بتكتب لي مااقول غير الله كريم
والحمدلله على كل حال

[دمعه البحر]

لا حول ولا قوه ...

اسفه ما عندي حل ....
و الله يعينج ...
بس اقري قران و ترتاحي اكثر ...

[صرخة ندم]

السلام عليكم
ع حسب كلامج وردودج خلاني اقول ان مافي سبب يخلي اهلج واخوج يكرهونج الا اذا في شي صاير او انتي مسوية شي غلط

والسموحة اختيي اذا ادخلت ف خصوصياتج
واتمني ماتزعلين مني

[صرخة ندم]

؟!!........؟

[الجوهرة الناعمة]

اختي لا تزعلين
ماشي شي يستاهل انك تزعلين علشانه
وان شاء الله الامور بتنصلح ويهدي ما بينكم

[شحـــيه وكلــي فخـــر]

والله صرخه ندم غلطانه ف كلامج الحمدلله ماسويت شي تنزل كرامتي ولاكرامت اهلي
مب شرط الانسان يسوي شي عشان يكرهونه
مب شرط اوكي

[alamoora]

عليج بالدعاء والاستغفار

[إمـرأه لا تُنسـى]

قريبا سأكون متواجدة هنا للرد على الاستشارة