زواج عالماشي

**توأم حمود** · 3 - 4 - 2013, 02:58 PM

قصة واقعية على لسان صاحبها..

يقول :-
...
رحت للقاهرة ابي اتزوج ودورت بنت حتى دلوني على وحدة يحبها قلبك

رحت لبيتهم وزرتها وانا شايل كيس يوسف أفندي (لقطوه أولادهم ) من يدي

جلست مع ابوها وقلت وش شروطك

قال: ابد بس عوزينك تبني شقة غرفتين بسطح العمارة بتاعتنا دي (عمارة مهلهلة دور وملحق) تكون لك انت وهيام.

واذا سافرت أنت وهيه عالسعودية ممكن نأجرها....طبعآ انا متفق معهم اتردد عليهم

قلت الامر بسيط واتفقنا وكلمت مقاول وبدآ بالشغل والعمار.

رجعت للرياض وكنت متعود اروح بالعطلة وصنفت معي ذاك اليوم اني اسافر لهم

كان وقت الدوام

حجزت ويوم وصلت للمطار اخذت تكسي ورحت لبيتهم ويوم نزلت لقيت عجوز على

الرصيف تبيع مناديل وكانت تعرفني من كثر التردد عليهم

قالت لي: انت رجعت يا فالح

قلت: اه لسا واصل

قالت: خطيبتك فوء مع قوزها لسا واصل من الجيش

قلت في نفسي افا يا ذا العلم زوجتي طلعت متزوجة

عطيت العجوز 200 جنيه وقلت لها لا تقولين انك شفتيني ورحت للفندق واتصلت

عليهم على اني اكلم من الرياض وقلت لهم الليلة اكون عندكم

وفعلآ جيت عندهم وكنت طبيعي ....
لا وهيام تبتسم فرحانه وتقدم لي العصير

قلت لأبوها: والله يا انا عندي لك فكرة حتأكلك الشهد

قال: اوول بسرعة وحياتك يأبو نسب

قلت: وش رايك بدل ما ابني لكم شقة وش رايك نهد العمارة ونبني عمارة ثلاثة أدوار ست شقق

وتكون شقة لي ووحده ليكم ونأقر الباقي

قال: يا ابني حتكلفك كتير واحنا نروح فين

قلت: انا اتحمل التكاليف وانتم استأجر لكم شقة مفروشة لحد ما يخلصوا

قال: اتكل على الله

واتفقت مع مقاول ويوم شفت الشيول بدأ يهد الاساس ركبت تكسي ورحت للمطار لأن طيارتي بعد ساعة

ويوم وصلت الرياض اتصلت على ابوها بعد ما تأكدت أن العمارة أنهدت كلها....وقلت له خلي قوز هيام يكمل لك العمارة

إذا كان النصب مصري
ترى النذاله سعوديه=))