مدرسّة تحث طالبات الثانوية على بث مقاطع يوتيوب

[Eng.Khaled]

السلام عليكم ورحمة الله وبركاته

الهدف من طرح هالموضوع هو النقاش الايجابي لا التشهير

في مجتمع محافظ به اسر محافظة تعي تعاليم الدين وتحفظ عاداته وتقاليده الأصيلة
مدرّسة لغة انجليزية في احدى مدارس الإمارة تطلب طالباتها في المرحلة الثانوية نشر مقاطع صوتية لهم في اليوتيوب (الصورة اختياري) لأهداف تعليمية ولتسهم الردود في تشجيع البنات على تطوير الاداء.

اكيد هناك تباين لمفهوم الحرية الشخصية في الموضوع. ولكن بصراحة شو رايكم كاولياء امور. هل يرضيكم ان تشاهدون مقاطع بناتكم وخواتكم في الانترنت لعامة الناس؟ ويقوم بالتعليق عليهن اي شخص بكل حرية
مع العلم ان لا احد ينكر دور التكنولوجيا في تطوير التعليم

ابعاد الفكرة:

1) اليست في ذلك دعوة صريحة للتحرر من تربويين يمثلون قدوة؟

2) أليس صوت المرأة عورة؟ اليست فتنة؟

3) اليس بالامكان ان يساء استخدام هذه الطريقة؟ كلنا نشوف كيف يساء استخدام مواقع التواصل الاجتماعي من قبل شريحة كبيرة من المراهقين مع العلم ان المواقع هدفها ايجابي.


اتوقع كلنا ندرك صعوبة التربية في عصر العولمة والتكنولوجيا. ليش نفتح باب نحن في غنى عنه!
اتمنى نقنع بعض ونقول راينا بصراحه وبدون تحيّز

[الاماني الكبيرة]

والله محد ملوع كبدي غير التصوير اللي مستوي بالجامعه ...

الحين انا صارلي موقف بالجامعه ::

انا كنت ناسيه النظارات مالتي وقلت لسير وقالي اسحبي كرسيج قدام البنات (انا كنت يالسه قدام الصف الاول

بعدين السير ظهرلنا امتحان وقال انا ماروم احط في الموقع ...واهني بدى التصور تقولون كنه حد مشهور مار قدامه ...وبدا شك ..شك ..شك

وانا تلثمت ...واسمع بنت تقولي هيه تلثمي بحطه بالفيس بووك وانا ماسكه عمري... قلتلها ضحكتيني وانا ماريد اضحك ((وامي تقولي كان كسرتيه

تلفونها))

سرنا وشكينا عليها ...وظهر المدرس من السالفه وانا اللي اعاني كله ما شافوني بنات الكلاس اسمعهم يصورون يغايظوني ..الله يعين وافدات طبعا

قصرت السالفه ما توقع اي حد يرضى بناته يتصورون...اذ اخوي يقولي اتغشي قدام ربعه عشان ما يقولون شفت اخت فلان فما بالك الاهل...

الله يعين بنشوف لين وين بنوصل مع التكنلوجيا ...

[Eng.Khaled]

مشكلة تحديد الخطوط الحمراء شكلها منتشره بين الناس

لكل شي المفروض تكون حدود واضحه مايتخطاها الانسان ومايسمح لغيره ان يتخطاها

لابد يكون فيه حزم في مثل هالمواقف

التكنولوجيات تتطور نعم ونحن مع هالتطور ولكن المبادئ المفروض ماتتغير