«اتصالات»: عدم استخدام الهاتف مرة كل 3 أشهر يقطع الخدمة عن «واصل»..
رد مع اقتباس
وأوضحت «اتصالات» أنها بدأت خلال الأيام القليلة الماضية، بإرسال رسائل نصية قصيرة إلى المتعاملين معها المشتركين في خدمة «واصل»، تبلغهم فيها بضرورة استخدام الهواتف المحمولة مرة واحدة على الأقل خلال ثلاثة أشهر، وإلا تعرضوا لقطع الخدمة عنهم.
أي أوضحت و أي رسائل هاي اللي طرشوها حق الناس ، كله جذب انا ساحبين عني رقمي من غير أي مسج و من غير اي تنبيه لاني ما استخدمته 4 شهور ، يوم إتصلت أراجع قالولي الرقم موجود بالسيستم باسمي ، سير عندهم الإتصالات و تاخذه بدل فاقد قلت ما عليه اطلع بدل فاقد يوم سرت يقولون خلاص الرقم انسحب ، اقوللهم الرقم موجود و بإسمي للحين بالسيستم ، يقولون لا خذته شركة عشان تبيعه ، يوم تسألهم ليش سحبتوه يقولون العقد يقول جي ، قلت حق الموظفة راويني العقد اللي فيه نص أنه ينسحب الرقم إذا لم يتم إستخدامه 3 شهور ، تقول ما عندي ، لا و قمت القهر يقولون الشركة خذته عشان تبيعه اللي هي شركة المبيعات تسألهم إنزين ليش ما تحول بإسمهم دام خذوه يقولون لا أول ينباع بعدين ينحط إسم المشتري الجديد ، ما شاء الله و نعم الخدمة المتميزة بالإتصالات .
لو يبون منك بيزات يحرقون تيليفونك و البريد و المسجات و كل شي إهتمام 100% ، بس تعال هم يبون يسحبون الرقم و لا تبا تستفسر تبا ترد حقك يعلقونك و يا ها الموسيقى ساعتين و نص و هل ترغب بالتقييم و تضغط رقم 1 و لا يتصلون عليك ، خلهم بس يحطون استاندات بالمعارض و خدمة كذا و خدمة كذا .
