صور سياراتنا المكنسلة

[Just_me]

من زمان ونحن ويا هالحوادث شو نسوي عاد نصيبنا

شي مواتر مصورينهن وهي مكنسلة وشي لا صورهن قبل الحادث وش مواتر ما عندي صورهن حبيت احطها بس جيه يتني الفكرة وشغال عليها الحين هع هع


ها عاد سوينا به حادث عند صالة شمل للافراح وجان يتكنسل على طول



اما ها كنت اسوقه رايح الدوام وجان استخف واسرع وبوف تكنسل على طول ومطلعنه وكالة هالكلام سنة 1998



وها كنا بعد مسرعين وقبل بقالة السعدي جان يرد و احد ريوس ونكفخه وشوفت عينكم بعد هالكلام سنة 1999



أما هالعنابي و الله متغمض عليه صج ايام وذكريات وذكريات وذكريات لاعت جبده من خط العين خخخخخ واحيد كنت اسوق العصر وجان يطلع لي بنغالي من الرمس عند صالة شمل للافراح ويلف عليه وبوف وشوي الا باصات الجامعة يايه اسميها فشيله خخخخ سنة 2000 ان ما خانتني الذاكرة



وها تكنسل بعد ما نتفاهم نحن خخخخخ




وشي نيسان ثاني وموستينع بعد بس ما عندي لهم صور للاسف الشديد

والموجود الان ها احم احم ذكرو الله عاد

ما قصرت فيه بعد لاعت جبده من الخطوط داخل الدولة وخارجها هع هع







واشكركم جميع على مروركم الطيب وشكر اخص لكل من يرد على الموضوع

خاص
Just_me
خيماوي_2000

[عاشقة القمم]

شـو هـآ أنـت ..؟!
وآللـه حـرآم عليـك ..!!
ليـش جيـه تسـرع ..؟!



وآللـه لـو أنـت أخـوي >> جـآن أبـويـه عـآطنـك كـف يخليـك تحـرم تعـدي 80

أنـآ أخـوي مـرهـ سـوآ حـآدث بالشـآرجـة >> أشـوي وكـنت بتخـبل معنـه مـآكـآن لـذآك الـزود



ْْ. صـرآحـة اللـه يعيـن أهلـك عليـك .ْْ

بسـآلـك : مـن يـوم مـآ قمـت تسـوق لليـوم بذمتـك كـم سيـآرهـ أخـذت .؟!




Just me ديـر بـآلـك ع نفسـك وودر عنـك هالسـرعـة ،، ولـآ تقـول أنـآ أسـرع بـس متحمـل ،، إذآ أنـت متحمـل غيـرك مـآ متحمـل



ْْ. ربـي يحفـظكـم مـن شـر الحـوآدث .ْْ





~ْ|| تسلـم ع الطـرح ||ْ~

[RAKBOY783]

ربي يحفظك من كل شر

[Dreamy Girl]

مستانس بعد ها خخخخ






في التأني السلامة وفي العجلة الندامة






وبس






يعطيك العافية ع الطرح

[سفير جلفار]

حليلك ههههههههههههه

ما مخلي نيسان بحاله

عيبني ها النيسان شكله نظيف O_O




سلمت يمناك أخوي just me

والله يحفظك بالخطوط

[طيوب عيمان]

ربي يحفظك

[عاشق الفتك]

تستاهل السلامة وياأخي السرعة مامنها فايدة وهي اكيد في النهاية تؤدي الى حوادث

[admire]

خيييب خيبتين كم سيارة والله حراام شو هالإسرااف والله نااس ما عندهم سيارة ويمعون بيزات
لين ما يشترونه وانت أكثر من سيارة ولا بعد كلها غالية من شكله ينبان حرام والله الله يعينك يوم القيامة
على كل درهم له حساب وأنت ؟؟؟ الله يستر
لا تزعل بس صرااحة أنا واايد انقهر يوم اشوف شئ أسراف حتى على أختي إلي هي أقرب ناس مني
يوم تسرف والله إني احزبها لين ما تصيح لأنه موول ما أحب الإسراف
والسموحة

[# نونو #]

[رمساوي للابد]

يحللك اهم شي سلامتك نفاد الحديد
ربي يحفضك