سؤال للبنات والشباب ...

[ولد راك والعالم وراك]

اشحالكم عساكم ابخير


عندي أسئلة للبنات والشباب...

سؤال للبنات::

اذا تقدم لج شاب لا توجد فيه عيوب الا عيب واحد غير محافظ على الصلاة بتوافقين عليه ولا بترفضين؟؟


شو سبب الموافقة ؟؟
سؤال للشباب::

اي بنت تفضل اختيارها المتدينه او غير ذلك على العلم بعض شباب غير متدينين يختارون متدينه ؟؟

شو سبب اختيار المتدينه على العلم انك غير متدين؟؟

عندي قصه من الواقع

ان بنت متدينه تقدم لها الكثير ودوم كانت ترفضهم لانها قالت كل اللي تقدموا لي كانوا مب محافظين على الصلاة والبعض منهم يدوخ صارت ترفض كل متقدم لها لان كلهم نفس الشي لين فاتها القطار ......

اذا انتي كنتي مكانها بتسوين نفسها ولا بتوافقين ؟؟

اذا وافقتي شو الخطط اللي بترسمينها جدامج ؟؟

[المتميزة]

اممم

سؤال صعب مرة ..

اوافق عليه مبدئيا ,, في وقت الخطوبة على ان

يوعدني باني ما اتزوجه فعلا

الا بانضباطه ع الصلاة ..

و اذا خالف الوعد افسخ الخطوبة ..


انا جاوبت الجواب الا حاسويه فعلا اذا حصل لي

موقف زي كذا ..

و ما جاوبت جواب مثالي عشان ارفع من نفسي ...

[فديتني شيطونه]

جوابي.. بوافق اذا انا مقتنعه فيه اولا .... وعقب عن موضوع الصلاه يوم بيشوفني اصلي واقوله بالكلمه الطيبه انه يقوووم يصلي مع المحاولات ان شاء الله بيصلي ....وانا من النوع اللي يقنع مب يجبر وكل وحده عندها اسلوب خاص .... ويسلموووو

[هزتني عيونه]

بوافق عليه وحزت الصلاه بقوله صلي وارجع كلمني وعقب الزواج من بيشوفني أصلي بيستحي على ويههه وبيقوم يصلي