حروف و نقاط

**حروف ونقاط** · 2 - 4 - 2008, 04:11 PM

السلام عليكم ورحمة الله وبركاته

حروف ونقاط

إحدى قصائدي المحببة إلي.. وثاني مشاركة لي في منتدى الرمس

لا أحب المقدمات الطويله الممله

أترككم مع القصيده

حروف و نقـاط

جيت بكتب قصيـد وشب شعري وشـاط...والشـعـر دمـي وانـا شــاعـر بــلا شـبه
.
.
مـا خلت مفـرداتي وانـا عـنـدي احتياط...والمـرادف رديـفـي وأجـلــبـه وأكـتــبه
.
.
والقـلـم لـي مسكـته عالـورق شفته حاط...أجـمـل حــروف زانـت صـغتها مرتبه
.
.
والحــروف بقصيدي مـا خلت م النقـاط...ولا انكـسر وزن بيتـي دون مـا أنـتـبـه
.
.
عــاشـقٍ للقصـايد وانـا طــفــل بـقِــمـاط...فـاهـم المـعـنى دارس بـاحـث بمـكـتبه
.
.
رايــق الــبـال صــافي والفـكــر في نـشـــاط...أكتب البيت وأرجــع أحـذفه وأشطبه
.
.
مـا كتبت السفاهــه أو قصيــد انحــطـاط...وأصدق القول عندي وما كتبت أكذبه
.
.
لا هـو قــولٍ.... جمعت وشـعـر دون ارتـباط..لا مـعـانـي سـلـيـمـه والحـشــو بأغـلـبه
.
.
ولانـي منهـو تغـنـى في القصيـد اعتـباط...ولا طـمـوحـي تفـاخر وأسحر المعجبه
.
.
ناهـج نــهــج ربـي ومـاشــيٍ عـالـصــراط...مستقيم بمســيري واللـعـب مــا ألـعبه
.
.
والقـصـيــده رسـالــه وانـا فـيـها مـنــاط...أوزن القـول وآخــذ م القصيد أعــذبه
.
.
وفي بــحــرها مـراسـي والمــوانـي شــواط...وفي المراسي بيوت الشعـر هي مرْكِبِه
.
.

وإن كتبت الـقـصــايد أشـعــر بالانبسـاط...واتـهنـا شــرا اللــي مرتـقـي بمنصـبه
.
.
وجيت أنا اليوم أكمل عالحروف النقاط...وليت مـعـنـى كلامي يـوصــل المنتبه

وسوالم

السويدي

**baby g!rl** · 2 - 4 - 2008, 06:04 PM

صح لساانك .. يسلموو

**دبلوماسي الرمس** · 6 - 4 - 2008, 09:20 PM

صح لسانك يا اخوووي....

والله نحن مفتقدين في منتدانا مثل اشعارك....واتمنى ان تطربنا باشعارك دائما...

تحياتي...

**الغلا غلاي** · 11 - 4 - 2008, 08:50 PM

ثانكس يا حروف ونقاط وتسلم حروفك ونقاطك

نتريا يديدك لأن صار لك ناس يتريون يديدك

**صمت الشفايف** · 23 - 5 - 2008, 04:19 AM

ربي يسلمك ........ويحفظك
ما عليك زووود
بديت احب الشعر ........لو اني ماكنت اهتمله
يسلمو خيو نتريا يديدك

**حروف ونقاط** · 26 - 5 - 2008, 10:59 PM

[align=center]
أشكر كل من قرأ قصائدي ونالت على إعجابه
وجزيل الشكر للعضوه ( صمت الشفايف)....
ماشاء الله ... كل مواضيعي مره وحده
.
.

[/align]

**صمت الشفايف** · 26 - 5 - 2008, 11:38 PM

احم احم العفو
قصايدك حلوه تستحق منو يشوفها او يقراها والافضل انه يسمعها
الى الامام دوم

**عاشقة القمم** · 27 - 5 - 2008, 02:01 AM

صح لسانك أخوي ، بس عيبني بيت :
ناهـج نــهــج ربـي ومـاشــيٍ عـالـصــراط...مستقيم بمســيري واللـعـب مــا ألـعبه
.
إنشاء الله تكون قد كلمتك ، ومنهج ربك يكون قدامك بكل خطواتك

الموضوع: حروف و نقاط

أدوات الموضوع

عرض