رحلتي لسويسرا

[اماراتي وافتخر 40]

شجعوني الاعضاء لما شفت تقاريرهم اني احط صور رحلتنا

بس اعذروني اذا ما نزلت الموضوع مره وحده......تدرون ام عيال ومليون شغله براسها

البدايه كانت بمغادره الامارات الحبيبة...عبر طيران الامارات

[IMG][/IMG]

وصلنا بعد ست ساعات تقريبا على مطار جنيف...

[IMG][/IMG]


خذنا تاكسي من مطار جنيف لين مدينة أنسي الفرنسيه...طبعا المسافه تبالها اقل من ساعه...وتمينا فيها اربع ايام...وهاي صور لها

[IMG][/IMG]


[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

وهاي البيتزا انا طلبتها...

[IMG][/IMG]

هاي اسمها تارت بالجبن....شكلها حلو بس ما كلناها....ماشي طعم للملح نهائيا...وداخلها ما ادري هو خيار ولا كوسه مبشوره المهم ما حبيتها


وعاد اعذروني....بنزل لكم الجزء الثاني من رحلتنا قريبا جدا

[نبض انسان]

ماشاء الله تقرير حلو
بس ياليتج ضاغطه الصور قبل

[اماراتي وافتخر 40]

الله يحلي ايامج يا نبضي

ما عليه نبض هاللي اعرفه بس ؛))...زين مني اعرف انزل صور

[اماراتي وافتخر 40]

عدنا ونتابع

الجزء الثاني كان في قرية انترلاكن ....تمينا خمس ليالي....القريه وايد حلوه وقريبه من اغلب الرحلات....وفتره المساء حلوووووووه ...تجمع ووناسه للخليجيين.....

[IMG][/IMG]

[IMG][/IMG]


[IMG][/IMG]
فيها نشاطات جدا حلوه منها ركوب الحنطور....وركوب القطار مثل مال الالعاب يلف بك بالقريه....النزول بالبرشوت...

والسموحه اغلب الرحلات فيها صورنا الخاصه فاعذروني.....وللحديث بقيه

[الحالم]

فعلاً السفر حلو وخاصة في ربوع الطبيعة الخلابة ,,
وتركيزج كله في تصوير البراشوت ؟؟!!!
لو قلتي حق إللي سوّت (بيتزا آنسي ) نسيتي تطبخين الخضروات إللي فوق البيتزا .

[اماراتي وافتخر 40]

هههههههه الحالم كنا يالسين في البراحه اللي تنزل فيها البرشوتات لها السبب طلعن

هم يحبون الخضروات تحتفظ بلونها عكسنا كلها نفس اللون

اشكرك ع مرورك وانتظر مني التكمله....بس خل اتفيج شوي

[اماراتي وافتخر 40]

من ضمن المدن اللي زرناها ....كانت العاصمه بيرن....مدينه كبيره ومزدحمه كأي عاصمه....



[IMG][/IMG]

[IMG][/IMG]

وفي مدينة برينز متحف بالينبيرج ....مثل مزرعه كبير تحكي عن قصة حياة لسويسريين البدائيه

[IMG][/IMG]

وهني برع المزرعه نتريا الباص..بس حبيت المنظر
[IMG][/IMG]

ادري مصختها بس انتظروني للحديث بقية

[نادرة الوجود]

تقرير جميل عزيزتي

لكن يصعب فتح الموضوع بسبب حجم الصور

أرجو تصغيرها فحجمها كبير جدا

لك مني كل الود

[اماراتي وافتخر 40]

نادرة الوجود......اسعدني مرورج

ما اعرف والله اصغرهن....اذا حد عندكم يقدر يصغرها من المشرفين اكون شاكرة

[اماراتي وافتخر 40]

آخر جزء برحلتنا كان زيوريخ....تمينا فيها 5 ليالي

حديقة الحيوانات بزيورخ وايد حلوه....



[IMG][/IMG]

[IMG][/IMG]

[IMG][/IMG]

وطبعا بحيرة زيورخ جدا ممتعه....

[IMG][/IMG]

[IMG][/IMG]

السوق مالهم حلو....البانهوف شتراسه حتى لو ما تبا تتسوق...بس تقدر تجلس بالكوفيات والمطاعم ومحلات الايس كريم....

ومن المدن القريبه لزيورخ وتستحق الزياره...لوزيرن

[IMG][/IMG]

الصراحه الشعب طيب ومتعاون....

تنقلاتنا كانت بالقطارات.....وخطوطهم جدا سهله ...وقطاراتهم راقيه ونظيفه....

وسامحوني ع تأخيري بالتقرير...ورجعنا من مطار زيورخ.....