خاطره بعنوان ليتنا نرجع صغار بقلم :موزه عبيد الكتبي

[موزه عبيد الكتبي]

ليتنا نرجع صغار
كان يجمعنا حلم
ما نبالي مهما صار
ياه محلاه من زمن

ما همنا قول الكبار
لعبنا بس إلي يهم
شوقنا للعب نار
و ضحكاتنا أجمل لحن

من غيرنا كنا نغار
نبقي إلي عندهم
ننتظر نور النهار
كنا نغني وبشجن

أحلامنا كانت كثار
وقلبنا دايم يلم
أحلام و أماني صغار
كان في موانينا سفن

والحين بن الزمن دار
واللي حوالينا نهدم
للأسف كنا صغار
وما نعرف جور الزمن

وليتنا نرجع صغار
للأسف هذا حلم
ولو صار إلي صار
بنضل للمأضي نحن


#وليتنا نرجع صغار ..
بقلمي : موزه عبيد الكتبي

[فرعون الفريج]

مساء الخير

من زمان ما قريت شيء يشرح الخاطر ...

صدقــتي .. ليــتنا نرجع صغار

مرات أحن لغرفتي القديمة واتذكر العابي وكل السياكل اللي اشتراها لي ابوي ويدتي

وفانيلة الرياضة اللي تغير لونها من كثر ما البسها

ذكريات جميلة ...

[نبض انسان]

صح السانج اختى
كلنا نحن للماضى
فرعون انا بعد كنت العب بالسيكل برع من فير الله واردف بالخلق بالسيكل ياليتها تعود ها الايام