رحلتنا إلى شارع جبل جيس

[Just_me]

طبعا انا بكل وقت امطار لازم اروح صوب وادي البيح

المهم امس عالظهر رحت انا وذ ماي فاميلي صوب ضاية وتمينا نتحوط وعقب شدينا الرحال الى منطقة وادي البيح وبالضبط الى شارع جبل جيس وطبعا عالطريج تكون بحال ثاني لا انيس ولا ونيس من جماعتك الا بقدر من ربك ولا تلفون ولا غيره يعني منقطع عن الدنيا الخارجية وبختصر لكم بالصور اليوم وبحط لكم الصور مال هالشارع بس

اخليكم ويا الصور


ها اول ما طاح عندنا مطر بالرمس الظهر مجرد نفاف بسيط





ومثل ما ذكرت ونوهت ونبهت باني بختصر ..... هنيه عاد اول ما دخلنا هالشارع من احد المداخل الغير معبدة





وكان الجو نفاف ماشي امطار قوية





شارع فرعي





المكان فيه زحمة بس مب ضاجة بعض بين السيارات مسافات يعني بس هب زحمة هاك الزود يعني





الشارع طويل وملتوي











منازل تابعة لقبيلة الشحوح














أحد الوديان الرئيسية المغذية للسد








سيارات جدامنا





وسيارات ورانا








وقفنا بهالمكان وشي تحت هالمكان بيوت وشير مكان رووووووووووعة

وصورت لكم هالجبل








كنا نمشي على القار وبعدها انقطع القار وكملنا بشارع رملي





حصلت ماي ينزل من فوق الحصى بس خفيف صورته








وهنيه شفنا تجمع شباب يا ترى شعندهم





اثاري الجماعة محصلين ماي ومتيمعين جان اقول مشكلة اللي يشوف شي اول مرة خخخخخخ

عبالي طايحين بكنز علي بابا خخخخخخخ





مناظر مختلفة








وصابتني العدوى ووقفنا هنيه يوم جفت غدير ماي ينزل











مبين خط الماي الابيض وهو يمشي عاد ما باجي منه الا القليل

















وكملنا





وهنيه الغيم كان حذالنا بس ما قدرنا نوصله





جدامنا واحد من الرمس ووقف قبل لا يطلع وسلم وقال ها شو يايبنك هنيه قلت له يايبني اللي يايبنك خخخخخ





وهنيه وصلنا اخر الشارع ومسكرين من جدام لانه ما مرتب شرات اللي كنا نمشي عليه





ووقفنا شوي نطالع وجو ولا احلى





عقبها بدت الدنيا تظلم فرجعت وانا راد اجوف المواتر تطلع اقول كيف بطالعون بالليل كله ظلام شو بيشوفون يعني




















وانا نازل شفت هالمنظر فصورته





استوة الظلام دامس والكاميرا الفلاش مالها ما يسوي شغل لانه ماشي قمر ولا شياته كله ظلام بظلام





هنيه نزلت من السيارة ولصقت الكاميرا بالجبل وبعد الصورة هب واضحة ومبين النفاف في الصورة





انا عاد وقفت وصورت ما مبين شي الا المكان اللي يضرب عليه ليت السيارة بس





قلت بصور منظر جريب جيه ما طلع شي مولية اللهم انعكاس الفلاش على قطرات النفاف





واخر شي ظهر لنا الدوار واخيييييييييرا





ولفينا صوب القمر الصناعي ويينا على شمل وظهرنا صوب صالة شمل للافراح واول ما ظهرت اشوف الدنيا غرقانة قلت المطر طلع هنيه وانا احوط هناك اسميه حظ خخخخخخ





ووصلت البيت ويا ربي على غزارة الامطار ما شاء الله









وهنيه خلصت رحلتنا واتمنى انها تنال اعجابكم

وطبعا ما وصلنا جبل جيس لانه الطريج ما خلص بس الجو كان باااااااااااااااااااااااااااااااااااااااارد


ملاحظة: الذهاب برحلة بهالمكان وقت نزول الامطار بشدة خطير خطير خطير





خاص

Just_me

[رمساويهـ قمر]

مـآشـآللـه عليــك أخوـي . .

تسلــم ع الصـــور الغـآويــه ,’ جــو ولآ أروع واللـه . .

طـآفتــك أمطـآرنـآ عيل . . لووول

الحمدللـه ع سلآمتـكم وأِشكـرك مرة ثـآنيــه ع الصــور . .

[عشِـِـِقـِـِـۓ الرمـِـِس]

.. صووور روووووووووووووووعـه الصرآحـه ..

.. و المكآن ارووع ..

.. انشآلله استآنستو عآد ..

.. مرهـ ثآنيه اذآ رحت اعزم اعضآء المنتدى هع >> اثوولف ..

.. تسلم والله ع الصور ..

.. لـآ هـآنك الرحمن ..

[عاشقة القمم]

ْْ. مـآشـآء آللـه .ْْ
أشـوهـ أنـك مـآ نسيـت الكـآم هـع



هههههههه
خخخخخخخ
ككككككككك

جـآن أمـوت مـن الضحـك ~> صـج أن حـظـك ردي

هـذآ آللـه يسلمـك لـأن أنت ظهـرت من الرمـس عسـب جيـه طـآح ألنـآ >> ظهـرت الشيـآطيـن وتمـت الملـآئكـة <<

كـآن عدنـآ الجـووو روووعـه حلـوووو طـررررر ~> غيـآض هـع

مـرهـ ثـآنيـة يوم بتظهـر هالأمـآكـن حـذ أيـوي ويـآك ~> يحليلـه كـآن يبـي يسيـر ومحد ظهـرهـ





~ْ|| تسلـم أنـآملـك والكـآم ع التقـريـر النـآاآاآايـس ،، نتريـآ الزووود ||ْ~

[RAKBOY783]

ماشاء الله عليك اخوي ربي يعطيك الصحه والعافيه وشكرا لك ع الصور والتغطيه هع

[سفير جلفار]

ما شاء الله

صور حلوة وما عليها رمسة والتعليقات مميزة ^_+

الطريج يوصل للقمة ولا بعده ؟

سلمت يمناك أخوي just-me ع التقرير الحلو

ربي يعطيك العافية

[عيمانيه اسبشل]

ماشاء الله عليك يعطيك العافيه اخوي...

[إمـرأه لا تُنسـى]

تقرير رائع جدا

[admire]

الحمدلله على سلاااامه

شو جي أتسير وما تعزمنااا خلاص زعلت منك >> اسوالف

ما شاء الله أجوااء حلوو هنااك والله ناس مستأنسين بالمطر وأنا طايحه بالفراش مزجمه >> يلا مالنا نصيب خخخ

تسلم أخووي على التقرير ونتريا الزود ..~

[الشاعر..]

حلو والله