رد مع اقتباساولا : تسلمين اختي ع الموضع ...
وانا شراتج اعاني من يدتي وااايد منم نور للميس ... وبعدها ميرنا وخليل
والحين طالعتنا بعاصي ... بصراااحه حاولت معاها بس ماشي فايده ... بليييييز الي عنده حل يقولي بسرعه
صرنا مانجوفها واايد بسبت هالمسلسلات التركيه ...
|
السلام عليكم ورحمة الله
من فترة وانا صارلي اسمع عن سالفة المسلسلات التركية وكنت اظحك على موجة الادمان الي غزت امخوخ الاوادم
وما صدقت انه الواحد بمجرد ما يشوف حلقة وحدة يقوم يتعلق بالمسلسل لي نهايتهأبداً ما كنت متوقعة هالشي
ومن بعد هالادمان سمعنا عن حالات طلاق وانتحار وقتل من ورى هالموجة السخيفة وبعد ماصدقت
لين عايشت الواقع بنفسي وبوسط بيتيأعلنت في نفسي حالة من اليأس والذهول من الي قاعد يصير حوالي
عندي اخت فالتقنية ,فتاة متدينة لأبعد الحدود وملتزمة
دخلت عليها قبل فترة الحجرة :فلانة بتسيرين ويانا بيت يدتي؟؟
ردت:لأ ياسة اشوف لحظة وداع
انا:شووو؟؟ليكون مسلسل تركي بعد ها؟؟
اختي:هيه
انا:ماشاء الله حتى انتي ادمنتي هالخرابيط
اختي:لأ المسلسل عادي ومافيه مصاخة من جذا اتابعه
انا: هالمسلسلات مافيها غير حب وما حب
اختي:لأ القصة كذا كذا كذا وما هدتني لين قالت القصة بحذافيرها
انا:يصير خير ,,احين بتين ولا؟
اختي:لأ جربت الحلقة الاخيرة ومابا افوت شي
وهذا موال اختي لييييين خلص المسلسل وافتكينا منه
احينه يينا على موال ثاني اخس واخس وهالسالفة يديدة ومع مسلسل تركي يديد
العوق انه لا اخوي ولا اختي الي امتابعين
الي امتاابع الراس العووود فالبيت
ابوووي ذبحنا على مسلسل عليا
اكثر من مرة صارت هالسالفة لين لاعت جبدي من حركات الوالد والوالدة
انكون ياسين فالصالة وابووي قابظ الريموت ويفرفر فهالقنوات ويقول:وين عليا؟؟حطولي القناة الفلانية
اقوم انا اشل الريموت عنه واحطله القناة الي يباها واثناء ما ياسه ادور تدخل الوالدة عرض
الوالدة: ... حطيلنا الجزيرة
وانا امبينهم:احينه شو تبون منه ولا منه؟؟
الوالد:لأ حطيلي عليا
الوالدة:وانا اقولج حطي الجزيرة وما عليج من ابووج,,خلونا انشوف اخبار هالناس والعالم
الوالد:يعني انتي شو بتشوفين؟؟غير قتل ومجازر وحروب
انا فداخلي:صادق ابووي
الوالدة:الي ما يحس بهموم امته مب مسلم والله باجر بيحاسبنا يوم ما انحس بإخوانا المسلمين
الوالد:حسي ابروحج ,,الريم حطي عليا
الوالدة(بدت تتنرفز):حطي الجزيرة اقولج,,,,جان تسحب الريموت من ايدي
الوالد(زعل وشل بقشارة ساير حجرته)وما يرمس الوالدة بالايام
وهذا موالنا الشبه يومي
والله مادري اظحك عالسخافة الي صايرة ولا اصيح على الادمان الي صاير للأثنين
وانا اقوول للأثنين لأن حتى امي عندها ادمان للقنوات الاخبارية من الجزيرة لي الاقصى لي الرأي لي الرافدين لي الحوار وااااااااااي انا روحي يوم ادش البيت اتعقد
والحالة الي فيها ابوي بعد لا تطاق
حتى اخواني الشباب يطيحون فيه طيحة على هالمسلسل يبون يعقدون فيه عسب يودره بس لاحياة لمن تنادي
ساعات نطلب من الوالد امور وما يروم يسويها بسبب هالمسلسل
والله وصلت فيه درجة الادمان انه يرقد عقب صلاة العشا ويرد ينش عالساعه12عسب بس يشوف الحلقة اليديدة قبل ويرد المغرب ويشوف الاعادة
شو الحل يا ترى ؟؟؟
بنقول مسلسل عليا وبيخلص وياخوفي يرد يطلع مسلسل غيره ويدمن عليه
والله اتعقدت من هالامور
احس ساعات محتاجة اني اسولف ويا امي بس ما تفظى بسبب هالاخبار التعيسة
وساعات ابا اطلع وتنشغل بالبرامج الحوارية واتعيش الجو ويااااهم
من جذا اسير حجرتي وانعزل عنهم
ودي نتناقش فموضوع هالادمان..
هل مرت حالة عليكم ابنفس هالادمان؟؟
هل حاولتوا اتعالجونها؟؟واذا هيه كيف كان الحل؟؟؟
شو فإعتقادكم مخاطر هالادمان؟؟
التعديل الأخير تم بواسطة Time_Racer ; 8 - 1 - 2010 الساعة 11:18 PM
اولا : تسلمين اختي ع الموضع ...
وانا شراتج اعاني من يدتي وااايد منم نور للميس ... وبعدها ميرنا وخليل
والحين طالعتنا بعاصي ... بصراااحه حاولت معاها بس ماشي فايده ... بليييييز الي عنده حل يقولي بسرعه
صرنا مانجوفها واايد بسبت هالمسلسلات التركيه ...
رد: ظاهرة خرقت البيوت الاماراتية ,,فإلى متى؟؟!!!
بسم الله الرحمن الرحيم
اختي (( ام محمد من راك )) السلام عليكم ورحمة الله وبركاتة ::
اختي مشكلة المسلسلات التركية المدبلجة باللهجة السورية اهي انا نحن عطيناها اكثر من حقها
ونحنا سوينالها دعاية بالمجان ,مثلا انا من نفسي سمعت في البث المباشر لاحدى القنوات وحدة
تشتكي من هذة المسلسلات وطبعا كان الكل يسمع هذة القناة وقالو شو فيها هذة المسلسلات
وساروا في نفس اليوم يتابعون فهني هي المشكلة .
هل مرت حالة عليكم ابنفس هالادمان؟؟
نعم انا مرت علي هذة الحالة وهي ان عيالي ادمنوا قنوات الرسوم المتحركة...
هل حاولتوا اتعالجونها؟؟واذا هيه كيف كان الحل؟؟؟
نعم انا حاولت اني امنعهم بس مافي فايدة لاني يوم اكون في الشغل يتابعونها من وراي
وطبعا كان الحل في (( اعدام )) التلفاز ...
شو فإعتقادكم مخاطر هالادمان؟؟
طبعا المخاطر كانت وايد واهم شي ان اليهال تدنى مستواهم التعليمي وتأخروا وايد في الدرجات
ولكن الحين بعد الاعدام ما شاء الله عليهم شاطرين ....
يــــــــــــــــــــــــــــــــــــــــه وااايد
مثل ها الحالات مرت علي أنا شخصيا اكثير،،،،مسلسلات تركيه ليل و انهار، و قبلها نجوم الخليج، و قبلها استار أكاديمي، و قبلها و قبلها ....و هاكذا
طبعا بعض ها البرامج على فضائيات عربية أخرى بالاضافة لقنواتنا الفضائية ... و بصراحة هذا الي يزعل انه انشوف قنواتنا داخل الدوله تستهين بعقل المشاهد و اهتمامته و تعرض مسلاسلات أو برامج بعيده كل البعد عن دينا و عادتنا و تقاليدنا ...
طبعا انك اتروحين للإعلام او الفضائيات و تجبريهم على تغيير توجهم وااااااااااااااااااااااااااااااااااااااااااايد صعب
و مثل ما قلتي المسأله صارت إدمان لبعض البرامج مثل البرامج السياسية أو الثقافية و هذا مب غلط لكن أحيان يزيد عن حده و يهمل الانسان الي مجابل التلفزيون أهله و ناسه و واجباته و ينسى سبب وجوده في ها الحياة ...
فأعتقد انه الحل في البيت ...داخل البيت نفسه، طبعا تربية الوالدين للأبناء على أساس صحيح و مراقبة البرامج و المسلسلات الي يتابعونها وااايد مهم، و منعهم بس مب كافي لازم يقنعونهم بالامتناع عن هذه البرامج، فيصير عندهم مانع شخصي عن قناعة ...
أما انه الاهل نفسهم يكونون مدمنين على برامج معينه فهذه مشكله ثانية، بس أعتقد دورنا كأبناء يكون بالنصيحة لهم بطريقة حلوة، و مشاركتهم في حياتنا أكثر، يعني أدخل على أمي و تكون مشغوله بها المسلسل فأبتدي أسولف وياها و أخبرها شو صار وياي اليوم في الدوام او الكليه او حتى الشارع..فتعطيني ويه و اتسولف معاي اشوي و هكذا ...بعدين راح اتلاحظين انه كل ما تدخلين تلتفت صوبج و تتريا منج اشوية سوالف ،،،و اشوي اشوي تترك التلفزيون و تنتبه لكلامج و تعليقاتج و غيرها،، طبعا انا ها الخطه نجحت وياي بالتدرج،، لكن ما ادري اذا ممكن تنفع ويا كل حد...
هذا رأيي و اتمنى ما اكون ثقلت
AzeeL
خليها علا الله
تسلمين على هالموضوع
يدتجالمشاركة الأصلية كتبت بواسطة اميرة الورد
؟؟؟!!!!!!!الله المستعان
عليكم السلام ورحمة الله وبركاته
اخوي العامري
اعدام التلفاز ليس بحل ايجابي نهائياً
فمثل ما انه له مساوئ أكيد له محاسن وانته جذا مو بس حرمت اعيالك حتى حرمتك ونفسك(الا اذا كان عندك واحد بحجرتك ها شي ثاني)
كنت تقدر تعطيهم وقت معين يشوفون التيلفزون فيه لأني فقرارة نفسي مقتنعه انه كثرة الضغط يولد الانفجار
ولا تنسى انك اهنا بمثابة ولي أمر وكلمتك هي المسموعة
بعكس الي حاصل معاي فالبيت سواء من جانب اختي ولا الوالد او الوالدة
لأنه المتحكم اهنا هم الوالدين
فلو حنيت من اليوم لي باجر كلمتي مالها اي قيمة ومعنى واكبر طااااف بيسووولي لأني مب ولية امرهم
هاي وجهة نظري فتصرفك مع اعيالك والسموحه منك^___^
اما بخصوص المسلسلات التركية
بالفعل نحن الي عطيناها هالقيمة الكبيرة ,بحيث قامت تتنافس القنوات عليها وعحصريتها
لربما هي موجة واتعدي مثل ما قال الممثل ايمن زيدان انها مثل المسلسلات المكسيكية فأيام التسعينات لمن ادمنوها الناس ومن عقبها انقرضت (اتمنى ذلك)
لكن العوووق في الفئة المتابعة لها !!!!!فئة المربين
فضلاً عن ذلك ادمان الاخبار و القنوات الاخباريةواهمال البعض لواجباته من ناحية مراقبة الابناء والجلوس إليهم والاستماع الى شكواهم>_<الله يكون فالعون بس
بالعكس حبوبة كلامج على عيني وراسي لا ثجلتي ولا شييــــــــــــــــــــــــــــــــــــــــه وااايد
مثل ها الحالات مرت علي أنا شخصيا اكثير،،،،مسلسلات تركيه ليل و انهار، و قبلها نجوم الخليج، و قبلها استار أكاديمي، و قبلها و قبلها ....و هاكذا فكل البيوت تقريباً
طبعا بعض ها البرامج على فضائيات عربية أخرى بالاضافة لقنواتنا الفضائية ... و بصراحة هذا الي يزعل انه انشوف قنواتنا داخل الدوله تستهين بعقل المشاهد و اهتمامته و تعرض مسلاسلات أو برامج بعيده كل البعد عن دينا و عادتنا و تقاليدنا ...المسألة ربحية عزيزتي لذلك ما يهمهم ما يعرض
طبعا انك اتروحين للإعلام او الفضائيات و تجبريهم على تغيير توجهم وااااااااااااااااااااااااااااااااااااااااااايد صعب شي أكيد
و مثل ما قلتي المسأله صارت إدمان لبعض البرامج مثل البرامج السياسية أو الثقافية و هذا مب غلط لكن أحيان يزيد عن حده و يهمل الانسان الي مجابل التلفزيون أهله و ناسه و واجباته و ينسى سبب وجوده في ها الحياة ...هذا بالضبط الي ارمس عنه عزيزتي
فأعتقد انه الحل في البيت ...داخل البيت نفسه، طبعا تربية الوالدين للأبناء على أساس صحيح و مراقبة البرامج و المسلسلات الي يتابعونها وااايد مهم، و منعهم بس مب كافي لازم يقنعونهم بالامتناع عن هذه البرامج، فيصير عندهم مانع شخصي عن قناعة ...لكن المشكلة لو كانت فالآباء وليس الابناء ما الحل يا ترى؟؟اهنا العوووق
أما انه الاهل نفسهم يكونون مدمنين على برامج معينه فهذه مشكله ثانية شفتي عاد، بس أعتقد دورنا كأبناء يكون بالنصيحة لهم بطريقة حلوة، هذا الي حاصل بس ماشي فايدة و مشاركتهم في حياتنا أكثر، يعني أدخل على أمي و تكون مشغوله بها المسلسل فأبتدي أسولف وياها و أخبرها شو صار وياي اليوم في الدوام او الكليه او حتى الشارع هيه عشان اتلتني كف عويهي,ميخصه الغلا لو بدش عليها عرض بتقول عقب عقب ومب فاظية احينه ولا خلي الرمسة لعقب البرنامج لأنه ما بينعاد وانتي رمستج عادي فأي وقت
شفتي كيف؟؟يعني حلج هذا باااء بالفشل مثل ما يقولون..فتعطيني ويه و اتسولف معاي اشوي و هكذا ...بعدين راح اتلاحظين انه كل ما تدخلين تلتفت صوبج و تتريا منج اشوية سوالف ،،،و اشوي اشوي تترك التلفزيون و تنتبه لكلامج و تعليقاتج و غيرها،، طبعا انا ها الخطه نجحت وياي بالتدرج يابختج وياج بس مب ويا غيرج >_<،، لكن ما ادري اذا ممكن تنفع ويا كل حد...اهاااا وصلتي
هذا رأيي و اتمنى ما اكون ثقلت
اسعدتني مشاركتج فموضوعي
وان لم نتوصل الى الحل
والنعم بالله اخوي ولد بلادي
ضوابط المشاركة
