رد مع اقتباسما شاء الله
مواااااضيعج روووووعه الصرااااحه
وصدقج العطر الزيتي مال بودي شوب روووووووووووووووووووووعه
جنت اقول لا كيف ياسمين بس بعد ما شميته عيبني ^ــ^
مشكوووووره حبي عالطرح موضوع يستحق التثبيت
بالصور طريقتي البيرفكت في صنع اللوشنات^____^ بالريحة الي اتحبينها حيااااج
|
بسم الله الرحمن الرحيم
السلام عليكم ورحمة الله قبل أي شي
طبعاً دايركت بدخل في صلب ^___^وادري وااايدات خاطرهم يتعلمون طريقة اللوشن بس مب عارفين شو الي يدخل فيه من مواد
قبل أي شي بقوول شغلة
يمكن وااايد بنات يتحسسون من اللوشنات وللأسف انه الي يسوي اللوشن هدفه مادي بحت ويبغي يصرف بضاعته بأي طريقة كانت
وايدات الي ينغشون فالمعارض بالروايح الحلوة ويشترون اللوشن على اساس ريحته اونه عاااده
لكن تعالي استخدمي فالبيت بتلاقينه سببلج حساسية وعقبها بكمن يوم والا انتي فاره اللوشن
فليش مب كل وحدة فينا اتسوي لوشنها الي تباه وبالريحة الي هي تتنقاها^__^ ,بنفس الوقت ضامنه جودة اللوشن ومكوناته لأنها هي الي مشتغله عليه ^__^
ادري طولت عليكم بس ها من ضمن المشاكل الي اتمر علينا كلنا وانا نفسي مريت فيها قبل ما اعرف سالفة اللوشن وغيره >_<
اللوشن الي بنسويه اليوم ,,ريحته حلوة ومكوناته مفيدة للجسم لأنه بندخل فيه فيتامينات وزيوت طبيعية +النعومة الي نباها والي ما انحصلها فباجي اللوشنات ^___^
واذا عيبكم الموضوع فمابا منكم كلمة شكر
بس والله ودي بدعوة طيبة من قلبكم لي بالتوفيق والستر بالدارين وانه الله يعوضني خير على كل يلي مضى من حياتي^____^
وحلال على كل وحدة من عقب هالموضوع اتاجر باللوشنات ولا اتسوي منه هدايا ولا غيره ^____^
ندخل في صلب الموضوع وفي عرض الصور :
هاي المكونات الي نباها ,خلونا نبتدي من يسار الصورة
ملة فاظية(ما راح نستخدم فيها أي شي من عقب هالمرة يعني بس بنخصصها للوشن)
خواشيق بلاستيك (ما نستخدم الحديد ولا لستيل)
زيت الجاي الاخضر(من بدي شوب على 33درهم)
فيتامين e(طبعاً اترومون تاخذون الفيتامين السائل او حتى الكبسولات وبتلاقونهم فالصيدلية وعلى حسب الاحجام شي ب100 وشي 59 وشي49)
اي عطر زيتي من بدي شوب ب89درهم(انا هذا يخبلبي وهو بريحة الياسمين والله كلمة خباااااااااال اشوية عليه )
ابر(طبعاً للتعبئة مب لشي >_<بس اترومون تستخدمون القطارات لكبار)اتلاقونها فالصيدلية والوحدة بريال >_< قصدي بدرهم
الزيت الي نحن نباه (الريحة الي انحبها فاللوشن وهي الي بتكون اساس اللوشن وريحته)
دبة كريم (اترومون تستخدمون حيالله كريم-نيفيا ولا بيبي جونسون أي كريم)
غرش لوشنات فاظية
استكرات
وهاي المكونات من جريب(زيت الجاي الاخضر-فيتامينe-الزيت العطري من بدي شوب)
أصب لكريم
بعدين اظيف الفيتامين(خاشوقتين كبار) زين يوم اتكثرين من الفيتامين احسن لج ولجسمج ^___^
احينه احط الجاي الاخضر (بس لا اتكثرين خاشوقة كبيرة وحدة اتكفي لأنه ريحته قوية وبتخرب لج ريحة اللوشن +مفعولة يكون فيه حتى لو كانت الكمية بسيطة)اسئلي عن فوايده من الي يشتغلونه اهناك فالمحل ^___^
أحينه الزيت العطري من بدي شوب (ثلاث خواشيق ولا اتكثرين زود عسب لا تطغي ريحته على اللوشن) ولو انه ريحته حلوة بس بعد ^__^ نحن نبا اللوشن بالريحة الي بالاساس شارين عشانها دبة الزيت العودة ^___^
أحينه اظيف الزيت العطري الي انا اباه واحط من 8-10خواشيق حسب العطر(لأني شي اعطور اتييج ريحتها قوية فما يحتاي اتزيدين الكمية+شي زيوت اتكون غليظة بزيادة من جذا يختلف مقدار الخواشيق فيها )
أييب الابره وافصل عنها مكان الحديدة(واييب لستكر واكتب عليه اسم الزيت الي استخدمته فاللوشن)عسب ما تختلط عندي عقب الابر بالتالي تختلط الروايح عندي
واسحب اللوشن
واعبي الغرش باللوشن(انتبهي وانتي تعصرين اللوشن بالابرة –يعني اطري انج اشوي اشوي اتصبين فالغرشة عسب لا ادخلين الهوا فاللوشن بالتالي بيكون عندج فراغات وايد فالغرشة ما اتعبت ) وشي وايد حريم يلاحظون هالشي فالغرش الي يشترونها(يحسون انه اللوشن ناقص والغرشة مب متروسة وهذا لأنه الشغل يكون مال ابسرعه ابسرعه ومب مضبوط –يعني شغل حيالله كلام >_< --)
هاي اللوشنات قبل ما اصكرهم ^___^ طبعاً امسويه حفلة ياسه اشتغل واصور –عقب مسحت الي طلع برع ونظفت لغرش
واهنا يوم خلصت اول كمية
وهاي آخر صوورة وفيها الكمية الي سويتها من هاللوشن ^______^طبعاً ما نشيت الا من عقب ما خلصت 3درازن ومن كل درزن نوع وريحه مختلفة ^___^وان شاء الله بعرضهم عقب فالقسم التجاري (لا اتقولون دعاية من احينه هههههه)
ووووووووووبس خلصنا^____^
اي وحدة حبت تنقل الموضوع حلال عليها بشرط ذكر المصدر واسم العضوة ^____^
فمان الله
ما شاء الله
مواااااضيعج روووووعه الصرااااحه
وصدقج العطر الزيتي مال بودي شوب روووووووووووووووووووووعه
جنت اقول لا كيف ياسمين بس بعد ما شميته عيبني ^ــ^
مشكوووووره حبي عالطرح موضوع يستحق التثبيت
ماشاء الله عليج اختي
العفو الغاليةالمشاركة الأصلية كتبت بواسطة اماراتيه وافتخر
ومشكورة عرايج وتقييمج للموضوع
^______^
مشكور عالمرور
الله يقويج اختي والى الامام دائما صج تستاهلين كل كلمه طيبه ربي يسهل لج دربج دنيا واخره
شكرااا الغاليه على الطريقه
واللي عيزانه شو تسوي؟
شكرا ع الطرح
ماشا الله عليج ربي يحفظج يا ام محمد ويوفقج ويسترج دنيا وآخرة
شغلج ما شا الله ماعلية كلام
صدق مبدعة
وتستاهلين كل خير
كل الحب والتقدير لج يا ام محمد
[flash1=http://www.la-tunsa.net/vb/uploaded/1_nmraweeya.swf]WIDTH=450 HEIGHT=350[/flash1]
كل الشكر لامراة لا تنسى لعمل التوقيع الرائع
ويقويك يا خوي ^___^
ومشكور عالدعاوي الطيبة ولك منها بإذن الله
ضوابط المشاركة
