اتمنى احصل ع الحل

[العروس]

أنا اشتغل في الصحه وراتبي ضعيف و الحينه بتبدأ الجامعه وايد ضغط ؟؟؟ سواء من الدوام او الجامعه
كيف الحل مشكلتي ما أكدر التغير دوامي أحب شغلي أما الجامعه لزم أكمل لان أهلي جامعين؟؟شو اسوي

[دانة بغداد]

أقترح عليج تتركين الشغل الجامعة أولى
وليس كل مايتمناه المرء يدركه تجري الرياح بما لاتشتهي السفن

[العنود]

اول شي احمدي ربج على كل حال لان في ناس مب لاقيه اي شغله واما عن الجامعه لاتفكرين فحد فكري فنفسج انتي شوتبغين هذي حياتج وهذا مستقبلج
انتي اللي اتقررين ولاتشوفين غيرج واعتمدي ع نفسج وكوني واثقه من نفسج حطي شي واحد ف بالج قولي ان الحل بايدي
وان شاءالله الله يوفقج والسموحه

[خواطر]

في هذا الوقت الكل يدور ع وظيفة تمي ع وظيفتج أحسن لج ..

[إمـرأه لا تُنسـى]

بسم الله الرحمن الرحيم


السلام عليكم ورحمة الله وبركاته


أختي الكريمة العروس


في هذه الامور .. لا تأخذي رأي أي كان ..




إلا رايك انتي ..


لان هذه القرارات لا يعرف مدى حاجتها وضرورتها الا صاحبها ..


فهناك قيم وافكار من قبل الآخريين قد تتعارض مع قيمك وافكارك ..


وقد أعطيك رأيا يناسب ذاتي ولا يناسب ذاتك انتي وظروفك ..



لهذا .. ضعي بين يديك ورقة وقلم



واكتبي ما يلي :



1/ ما الامور الايجابية التي ساكتسبتها اذا تركت العمل والتحقت لاكمال الجامعة :


.

.

.




2/ ما هي الامور السلبية التي ستنتج عن تركي للعمل وإلتحاقي بالجامعه لإكمالها :


.


.

.




3/ ما هي الامور والمكاسب الايجابية في اكمال عملي مع الجامعة :

.

.

.


4/ ما هي الامور السلبية التي سأكسبها ان أكملت الجامعه مع العمل :


.

.

.



سواء كانت المكاسب الايجابية والسلبية .. / نفسية / عاطفية / مادية / اجتماعية ..


وساعتها


قراني بين النتاائج .. وانظري الى الامور التي تناسبك أنتي





حفظك الرحمنن

[المتميزة]

فعلا كما ذكرت امرأة لا تنسى

جيبي ورقة و قلم و اكتبي الاجابيات و السلبيات ..

هذه الطريقة انا استخدمها دائما حتى في اتفه الامووور ..

و لا تنسي تستخيري ربك ..

و الله يكتبلك الخير في حياتك

[ẁĿĐźĂУỂĐ999]

[align=center]
بمرحله اتخاذ القرار كلنا محتاجين مشوره من حد اكبر مننا وعنده خبره
"لاخاب من استخار ولا ندم من استشار" ,وبالنسبه لوجهة نظري الشخصيه انج تركزين على الشغل وتسوين لج مشروع خاص فيج اذا عندج الاستطاعه طبعا..صحيح آلشهآدة مهمة في هآلزمن لكن صدقيني هي مب كل شي ...والي عنده فلوس هو اللي مرتاح اكثر من اللي عنده شهايد ..تقبلي مروري ووجهة نظري المتواضعه

[/align]

[زهــور الشــوق]

هلا فيج اختي العروس

شوفي غناتي كل انسان اله وجهة نظر

وانا وجهة نظري الدراسه اهم لانها سلاحج

وان كملتي دراستج وخذتي الشهاده بتلقين احسن من هذه الوظيفه الي تقولين عنها راتبج فيها ضعيف

وانتي تدرين الجامعيات رواتبهم ماشاء الله .. بس اهم شي اتكون عندج رغبه بالدراسه مب اتقولين بدرس

لانه اهلي جامعيين ..

لكن اذا انتي محتايه اللفلوس وماتقدرين تطلعين منها .. خلج على ما انتي ادرسي واشتغلي

وهذا الشي متعب وايد لكن بالنهايه هذه ظروفج والله يعينج

تقبلي رأيه ومروري حبوبه

[ام سلطون]

الله يوفقج الغاليه
استخيري وشوفي وين الافضل لج انتي

[الشاعر]

الشورى احسن شي سويتيه ولو ما كنتي محتاره كان ماشاورتي حد

بس مثل ما ذكرت الاخت امراه لا تنسى

هذا قرار صعب و الشي راجع لج

وانا اقول صلي لج صلاة استخاره وانشالله تلقين الراحه بالراي اللي بتتخذينه

والله يوفقج في حياتج