فنيال قهوه وفالة الضحى

[ولد المطر]

بسم الله الرحمن الرحيم الحمدلله رب العالمين حمدا كثيرا طيبا مباركا فيه كما ينبغي لجلال وجهه وعظيم سلطانه والصلاة والسلام على خير الخلق اجمعين سيدنا محمد صلى الله عليه وسلم وعلى اله وصحبه اجمعين اما بعد
في السبعينات الزمن الحلو الجميل كانت البيوت مثل خلية النحل وكانت الناس تعرف الناس والسبب فالة الضحى والقهوة فالة الضحى عبارة عن مائدة مصغرة سفرة تسمى السروت وهي مصنوعة من سعف النخل وعليها صحن تمر ودلة القهوة وشوي من الثريد في كل حوش ((حوي ))تلاقيها زمان وكانت الحريم يتجمعن حواليها يسولفن ويتخبرن عن بعض الحلو في الامر الجمعه الحلوه والناس كل يسال عن جاره وكل يعرف اخبار الناس حواليه مب مثل اليوم جارك ما تعرف شو اسمه
كانت فالة الضحى شي حلو وطيب وفي ايام الصيف تتزين الفاله بفاكهة الصيف اللوز والرطب وغيره وفي الشتاء تتزين بفاكهة الشتاء المحليه الهمبا اللي يبونه من دبا وعمان وتشوف اليهال مثل العصافير حول اليلسه وكبار الحريم حول التلي يخدمنه واللي معرسات منهن ينزون في زاوية اليلسه ما تشوف الا البسمه منهن
في فالة الضحى تحت اللوزه العوده ولا في ظل الليوان والحصير مفروش لا قالوا برد ولا حر وعلى الزايه بتحصل الحف اللي فيه الماي محد اشتكى من الملل ولا حد قال اف شو هالحياه حياتهم حلوه وعيشتهم طيبه وعينهم شبعانه
اللهم ارحمهم واغفر لهم واجعل الجنه مثواهم

[راشد]

اللهم ارحمهم واغفر لهم واجعل الجنه مثواهم

آمين يا رب العالمين

..
تسلم اخوي على المعلومات الغاليه هذي .. بصراحه ودي يرجع الزمن وراا شوي و اعيش هالحيااه ..


ربي يعطيك العافيه اخوي

نتريا يديدك المميز

[صدى الحرمان]

صدقت والله ما شي أحلى من زمان الأوليين..كانت أيامهم وايد حلوة ودوم متيمعين ومتعاونين ع الحلوة والمرة..
مشكوووور ع الطرح الحلو

[غريمة الشوق]

صدقت ياخوي..
الحين الواحد ما يعرف الثاني ...ولا في زيارات مثل اول
اللهم ارحمهم واغفر لهم واجعل الجنه مثواهم

تسلم ياخوي ع الطرح
يعطيك العافية