شتان بين الاصفر والاحمر ! (الجمهور)

[alwasl boy]

السلام عليكم ورحمة الله وبركاته
موضوع للنقاش كما وعدتكم في السابق ،
حبيت استعرض بعض الصور لأستاذنا درع الوصل و بعض* من تصويري
عبارة عن تشكيليه جمهور الامبراطور و تشكيلية جمهور الشياطين
نبدا ً بالامبراطور ،،






ودور الشياطين وتنظيمهم









ما شاء الله تبارك الرحمن / اللهم لا شماته
شتان بين الذهب وذاك !!
( ارجو عدم الخروج عن النص )
في هذا الموضوع عرضت الحقيقة والواقع لا أكثر..
منقول..

[قد الحب]

ليش هاذيل ماعندهم رب يعني ولا شو ترى كلهم جمهور

وبعدين برنامج الجماهير ما اشوف هالجمهور الصراحه

وانت متعمد اتصور هالجمهور واتخلي الاماراتين

هه والله حاله

[:: الجراح ::]

يالطيب يوم بترمس .. لا ترمس ع جمهور الأهلي كلهم

وتقول(( ودور الشياطين وتنظيمهم))

ومهما قلت .. ما بتزل من قيمة النادي الأهلي ..

مع أني أشجـــــع الوصل واسمحلي ع المداخلــه

[غلا الرمس]

وصــــــــــــــــــــلااااوي مـــــــا فـــيـــهـ حـيــــلهـ


اما بالنسبه للاهلاويهـ ..

لييش يعني كاتب الموضوع اتعمد ينقل هالصور بس .. فقارى خلهم يشجعوووون ... مستانسين حليلهم ..

وجمهووور الاهلي مش هاذولا بس .. للأمانه جماهير الاحمر ماعليهـم كلااام الصرااااحهـ .....


وبلاااااااش هالتفرقهـ والسبب مبارياات كلنا اعيال دوله وحده وقبل هذا كله كلنا اعيال آدم ....... لا اتخلون

الكره تعمي قلوبكمـ .... والسلام ختااام ..

[الهوجس]

لو سمحت لا تتكلم بموضوع وتنسبه لجمهور الوصل انته شخص لا تنتمي للامه الوصلاويه الي يحب فريقه يخاف على مكانة الفريق وسمعته فانت للاسف الشديد ليس منهم

[قلم رصاص]

اخوي الوصل بوي ..

أعتقد أنه هالموضوع ماله أية قيمة .. يعني طلعتوا من البطولات كلها ومب عارفين شو تسوون ..
جمهور الاهلي أكبر عنك عشان يرد لموضوعك..


يكفي أنه سيدي سمو الشيخ محمد بن راشد رئيسا فخريا لهذا النادي

فاحترم الاخرين عشان يحترمونك

[بو حمد]

ماا في دااعي لمثل هالمقاارناات ياا خووي اللي تسبب نوع من الحساسيات بين الجماهير

انا وصلاوي

بس ما حبيت هالمقارنة

خل جماهير بااقي الفرق هم اللي يقارنوا و يحكموا مب نحن نحكم على انفسنا

و انت يا خووي تعرف جمهور الوصل و ولاءه لفريقه كيف

و السمووووووووووحة ياا خووي اذا زل لسااني بشي

[غريمة الشوق]

يا سلام ع الاصفر وجمهور الوصل
يسلمووو ياخوي ع الصور

[وصلاوي]

اولا رسالة حل وتقدير واحترام لجمهور الاصفر
ثانيا المقارنة غير جيدة حيث أن لكل شخص ايا كانت جنسيته او لونه او انتماؤه الحرية الكاملة في التشجيع والوقوف خلف فريقه ......

ومافي حد يقدر يحرم حد هذا الحق

وسلامتكم

[احتج اشجب استنكر]

السلام عليكم ورحمة الله وبركاته

اخي الكريم
تحية طيبة

لو لاحظت ان جميع اللي شاركوا في الموضوع معارضين للي نقلته

الشي الثاني
تصوير الاخ انصب على المنصة الرئيسية لجمهور الوصل وما صور المنصة الرئيسية لجمهور الاهلي

الامر الثالث

احضر مباريات الطائرة في الرمس وشوف الجمهور
بتلقى عدد كبير من الجالية الهندية تحضر مبارياتنا

هل بطبق الفكرة في راسك علينا

اخي الحبيب ابعد عن العنصرية

جزاك الله خير