-:: المكاتب المفتوحـة ::-

[%غمـــازة%]

جعل الله فجر يومك كله نور.

وظهره سرور...

وعصره إستبشار...

ومغربه غفران...

وجعل لك دعوه لا ترد

ويوهبك رزق لا يعد

ويفتح لك باب بالجنه لا يسد

وجعل لك من كل هم فرج

ومن كل ضيق مخرج

ومن كل بلاء عافية

----------------------------------------------------------------------------

السلام عليكم ورحمة الله و بركاتــــه،،

يسعد صباحكم بكل خيــــــر.. ..

حبيت أناقـش معاكم موضوع المكاتب المفتوحـة، أو التي تسمى Work Station حيث يتشارك عشرات، وربما المئات في المؤسسات الكبرى العمل في مكان كبير يضم مكاتبهم جميعاً من دون حواجز.

معظم الشركات بدأت بإستخدام هالنظام فشركاتهـا،، لأكثر من سبب منهم:

- إستيعاب أكثر من عشرات الموظفيــن.
- توفيـر مساحة للمكاتب، بدل ما يكون مكتب لكل موظف.
- المديـر يقدر يراقب موظفينه طوال فترة الدوام.

بس برأي أن السلبيات أكثر من الإيجابيـات
" بنظري لأني أعاني من هالشغلة"

- ما عندك خصوصية فالمكتب.
- اللي عدالك يقدر يسمع كل اتصالاتك سواء الخاصة بالعمل أو الشخصية.
- ما تقدر تفتح النت لأن اللي عدالك بيطالع شو قاعد تفتح.
- كل من هب و دب بيدخل عليك فجأة و من غير إستئذان.
- اذا كان عندك أوراق سرية او خاصة اللي بيمر أكيد فيه 20% فضول
و بيقعد يقلب فالأوراق.
- إذا المدير بينادي عالموظف،، الكل بيسمع اسمه سواء موظفين
أو مراجعيـن.
- ما تقدر تتصل فحد من المراجعين او ترد على إستفسارات حد
لأن اللي حولك مسوين إزعاج و ضحك كأنك فسوق سمك.
- بتسمع اكثر من ألف نغمة تلفون فنفس الوقت و أكثر من لهجة.
- بالنسبة للبنات ( إذا بتعدل شيلتها الكل يطالع ).
- بتتعلم كلمات يديدة من كل اللهجـات.

بالنسبة لي،، اعاني يوميا" من موضوع التطفـل على جهازي و شغلي
و أرواقي الرسمية،

حتى يوم يوصلني ايميـل خاص أحصل اللي عدالي يطالع معـاي

مرة وصلني فيديو عن بنت صغيرة قعدت اطالعه بكل براءة،
وبإحسـاس الخطر عندي قالي في حد قاعد يطالعج،
لفيت جهته حصلته مرجع كرسيه ورا و قاعد يطالع معاي،
باقي بس شيشة و شاي

كل ما افتح المنتدى و أكتب شـي،، احصله يطالع و اضطر أنزل الصفحة..

أخوي قالي ،، عطيه فالويه " كاش " و قوليله لو سمحت
لا تطالع الشاشة عندي،، مستحيل اسوي هالشي
لأنه مصري و بيقعد يتفلسف

الخلاصــة،،،، اللي عنده نفس النظام فشركة او جهة العمل
اللي يشتغل فيها،،سؤالي هو : هل تعاني هالمعاناة !!
و شو ردة فعلك عالموقف اللي صارلـي إذا صارلك؟

فالنهاية،، أشكر كل من قرأ هالموضوع و علــق..

ملاحظة:
قاعدة أكتب فالموضوع أكثر من ساعة و نص،،
من كثر التطفل أنزل الشاشة

[ابتسامة رضا]

الصراحة الله يعينج ع الفضول انا كرهى الفضوليين
بس لو مكانج بهزبه خل يتأدب سواء مواطن أو وافد عشان يعرف حدودة
ولو فيه خير خيرد بعدين هو منو عشان يحشر روحه صدق ناس ماتستحى

[ابتسامة رضا]

الله يعينج أنا كرهى الفضوليين
بس لو مكانج بعرف أأدبه وأوقفه عند حده
سواء مواطن أو وافد خل يعرف حدودة