علوج ، علكه ، علوتس ، لبانه‏

[محبة الرسول الكريم]

كثير من الأشياء نمارسها بحكم العادة أو التعود
وكثير ينتقدها المجتمع ويشوفها عيب وقلة حياء وفيها تقليل لإحترام الجالس قدامك
وعيب تمارس في أماكن معينه ويفضل انك تمارسها بأماكن خاصه...>حشى مخدرات خخخخ
من هالعادات المعيبه
التعلك









مستحيل تلاقي شنطة بنت مافيها علك
لكن الرجال مستحيل تلاقي بجيبه بس دايم مرمي بالسياره بقايا النص اللي يبقى من البقاله يعطونه علك





وهالعادة أحسها أغلبية البنات يسونها وقلة من العيال
الرجال يشوفون ان التعلك بالمجتمع الذكوري عيب
بس في مجتمعنا عادي
عموما منظر الرجال وهو يتعلك مقزز في حين ممكن تتقبله من الحرمه عادي جدآ





في مسلسل عماكور راحوا يخطبون شذى رفضت تتزوج منه لأنه علاك ‏




وش سالفة هالعلك
هذا طوماس ادامس في سنه 1869
أخذ الصمغ ورطبه بموية ساخنه وانتج منه 200 حبة وارسله لصيدلية تفاجأ أن الكمية خلصت بسرعه
عاد الأخ ماصدق قام وسوى علكه على شكل أشرطه وقسمها أجزاء
عشان كل جزء يقدر يقطعه ويبعيه لحاله
المشكلة اللي كانت قدامه أن هالعلكه مالها نكهة الا نكهة الصمغ
جا صيدلي اسمه جون كولغان وأضاف له نكهة بعض الأعشاب
وبعدها جا واحد من المصنعين وأضاف نكهة النعناع
بالرغم من كل هالتطور وإنتشاره لكن إستهلاكه الأكيد كان على يد ويليام وريغلي لأنه يومها قرر إنه يتخصص بالعلك
ونزل الشارع وحط اللوحات والاعلانات
وحط الاعلانات كمان بكتب الأطفال
الأمريكين أنفسهم كانوا يتريقون على اللي ياكل العلكه لكن ويليام وريغليي ضغط عليهم بالإعلانات
ومن أكثر الأشياء اللي كانت محاولة لإحباطه اللي كتبته المجلة (أصلا هالعادة مايسونها الا الحريم وكل الرجال اللي ياكلون العلك ماهو الا قوة تميلح لهن )
بس والله إنه إستقعد لهم ونشر العلك وخلى الكل ياكله حريم ورجال
ومن أهم الإعلانات إللي روجت للعلك
(العلك يمنح الشفاه نعومه فائقه )
( العلك يطرد الملل )
سنغافورة من الدول إللي منعت التعلك بالمدرسة وشافته شي مخالف للإتكيت
عاد جاهم من سنعهم
وقال لهم وراكم على العلك ماتدرون إن له فوايد كثيرة
اصلا انت لما تاكل العلكه
معناها تفرز لعاب يقتل بكتيريا بالفم هي السبب في نخر الأسنان
وكمان تخفض مستوى الحموضه في المريء
وتنشط الأمعاء
والمرضى اللي عاملين عمليات بطنية يعطونهم علك كنوع من التغذية الكاذبة عشان تحرك الأمعاء
وتسرع في عملية النقاهة بعد العملية
وكل اللي يسافرون لازم ياكلون علك عشان ضغط الطيارة إللي يصير وقت الإقلاع
وكل الحلوات اللي يطبخون ويقطعون بصل لازم ياكلون علك عشان ماتدمع العين
كمان لهافايدة في فتح قناة استاكيوس في الأذن لما تتسكر
وكمان تقوي الفك في حالة الإصابة بالشلل الوجهي



هذي بعض الفوائد وبما أن العالم مستحيل يستقرون على شيء والا يموتون قالوا لا والله الا العلك مضاره كثير وتعادل التدخين

كيف بالله وهم يقولون المقلع عن التدخين لازم يتعلك بعلكة النيكوتين والله ماعرفنا لهم ‏
من وش تصنع هالعلكه ...
تصنع من مادة يسمونها راتنج العلكه وفيها مواد حافظه وسكريات وهالمواد مايهضمها الجسم
لكن الأمعاء تحاول أن تخرجها من الجسم
بلع العلك بالغلط أو متعمد مايمكن أنه يسد الأمعاء لكن في حالات نادرة ممكن يصير هالشي
لما يوكل العلك وتصير كميته كبيره مع أشياء بذرية ماتنهضم فتسد الأمعاء وتروحون فيها فإنتبهوا من بلع العلكه
مضارها ...
العلك فيه سكريات وهالسكريات ترفع مستوى السكر
العلكة تسبب تشوهات في الوجه



يقولك أن كمية ضغط العضلات وقت التعلك تكون كبيرة
بعدين العضلات تبدأ
بالتضخم والإجهاد وعدم الراحة والشد العضلي
يقال إن لعضلات الكة ذاكرة مدري كم مساحتها
ذاكرة غبيه بصراحه
تبدأ تتعود على مضغ العلكه حتى لو مافي علكه أصلآ
فبكذا ماترتاح العضلات أبد
ومع هذا تبدأ عضلات الفك ترتخي وتبدأ مرحلة طقطقة الفك وقت الأكل وتغير الوجه وتخرب الأسنان



كان العلك مجرد علك لبان يلزق بالسنون






وتطور الى علك غريندايزر





وعلك مدري شسمه هذا كنا نسميه ابو طبعه





لان فيه رسمه نلزقها على يدينا ونلقى شرشحه انه كيف نصلي وهي ملزقه اصلآ ماكنا نصلي وقتها بزارين

عاد بعدها تطوت إلى أشكال وأنواع كثيرة علك بنك للبنات الكيوت
يبطي ماشريته







من أشهر العلاكين على مستوى المملكة

خليل الزياني





وحمد المنتشري





وفي غيره انتوا عارفينه ولاحبيت أحطه درءآ للمشاكل

هذا جدار سووه منظر حضاري عن الناس اللي ماعندها ذوق تعلك وترمي بالأرضوثمن تتلزق العلكه بملابس الناس
سووا هالجدار وكلن يعلك ويجي يرسم او يكتب اللي يبي على هالجدار << حركة حلوة لكنها يع يع يع ^^

[الفراشه المنصوريه]

ماشالله ماأروع موضوعك يامحبة ارسول الكريم
والله عجبني بس ع فكره انا مو من الناس الي تعشق العلكه عادي اكلها بس يوم اشوف حد يعلك اروح واطلبها من السوبر ماركت يعني اغار يوم الشو حد ايعلك وبس ايام واسابيع مااكلها
وشكرا ع الموضوع الحلو

[تفاحة آدم]

مستحيل تلاقي شنطة بنت مافيها علك[/font]

الحمدلله انا هب من النوع اللي يحب اللبان .. يمكن عشان ثقافة المجتمع عكس علي هالشي
وبصراحه في بعض البنات الله يهديهن ياكلوا اللبان في أماكن عامه وبطريقه كلش مب حلوه..

مشكوووووره ع الطرح ..

[hjoorah]

خــــــــــــــــــــــــخخ اتصدقيين و انا يــاسة اقرا موضوع ياسة اكل لبااان .. سبحان اللهـ .. خخخخخخخ ..
تسلمييين

[الطنيجيه]

هههههههه حتى انا يالسه اعلج وانا اقرى الموضوع

بس خلاص من اليوم ورايح ما برد اعلج ^^

وتسلمين خيتوه على موضوعج الغاااوي و المفيييد

ولا تحرمينه من يديدج

تقبلي مروري .. اختكم الطنيجيه ..

[ميووومه]

[align=center]

تسلمين اختي محبة الرسول على الموضوع الجميل ..

والله انج ذكرتينا بذكريات الطفوله ،خصوصا هاللبان

انا الين الحين اشتريه..


[/align]

[^بنت راشد^]

يعطيج العافيه حياتي عالموضوع الرائع وانا احب اتعلج ما اقدر لازم^^ وبجنطتي في علج لازم ها الشي هع

[أسير الدموع]

هااااااااااااااااااااااااااااااااااااا أكثر لبان أحبه




يعطيج العافية ع الطرح خيوتي