نقله عن بعض الصور في المجتمع ليس بالضرورة أن تعبر عن رأيي الشخصي
ولكن الموضوع متروك للنقاش ومعرفة الآراء..
بسم الله أبدأ:
مواقف كثير تحدث في حياتنا اليومية مجرد أن نراها يقرر بعدها الرجل على طول أن
(الحريم ناقصات عقل!!) 
وإليكم بعض المشاهد....!
فــــــــــــــــــي العمل
لما تمشي في أي وزارة ولا شركة ويخبرونك
(روح قسم الحريم) ما يحتاي تسأل
لأنك ببساطة تقدر تعرف القسم بسرعة:
دور على الممر اللي تشم ريحة العطر والدخون من بعد كيلو (
مش قسم الريايل ريحته خايسة )
ولازم تسمع السوالف من بداية الجناح وجان زين لو صدق (
ثلاث أرباع السوالف جذب)
وكل وحدة تمدح بريلها يقول أحسن ريال في هالدنيا ودايما تشتكي من عيالها اللي ما ياكلون!!
ولااا تروج لكريم ينقي البشرة (
وآخر شي يطلع كريم للشعر!) وطبعا ما يستوي ما ترمس عن
عباتها اللي مفصلتنها من فير ليدي وجوتيها (
عزكم الله) من باشوتي وشنطتها من ديور ونظارة
شانيل >>>
الله يخلي تايلاند ولا ليش تروح بعيد الدراجون ما يقول لأ!!
وإذا دخلت المكتب بتشوف الميك أب تارس الويه يقول رايحه عرس!! وبسرعة وانت متفاجأ
بالمنظر تنزل راسك (
أونه مستحي 
) وتحط معاملتك بأدب وتنصدم برد الأخت وهي تقولك إرجع
للموظف السابق وعدل البيانات تسأل أي بيانات؟؟ كل شي سليم!! اتقولك (
كاتب إسم جده في
التوقيع الجانبي غلط!!) >>
لازم الدقة 100%
هنيه (وانت بخاطر تكفخها على القبة اللي براسها 
) تبتسم لها وتهمس (صدق أنكم ناقصات عقل ودين!).
.
فـــــــــــــــي الجامــــعـــــــة
تروح موقف باصات الجامعة
(وانت مسطل موعينك من ارقادك غصب) ومالك نفس تجابل حد
وتوصل أختك (حصة) .. طبعا هي تنزل من السيارة ولا عليها من أغراضها (
انت تشيل
الأغراض عيب تساعدك لانك ريال!!!)
واول ما تركب (حصة) الباص تطالع اللي قاعدة جدام بنظرة كره (
ما تدانيها) لانها سمعت من
صديقتها اللي سمعت من صديقة صديقتها انها قالت عنها هذاك اليوم (
مو جنها حصة متنانه شوي!!) ..
واول ما تركب الباص تفر الشيله من عالراس وتحط (MB4) وترقد طول الدرب لغاية ما
توصل السكن!! وفي الجامعة حدث ولا حرج؟؟
تنش الصبح من ارقادها بالقوة (
لانها سهرانه عالنت للفجر) وبسرعة تلبس العباة فوق
البيجامة وتروح الكلية (
معقول!! مكان رسمي ودوام ببيجامة نوم عبالها الاخت انها في اليابان!!)
هذا إذا كانت المحاضرة الأولي (
تدرسها حرمة ) أما لو كان الصبح (
دكتور) فطبعا مستحيل
تجازف وترقد (
خايفة على عيونها لا تنتفخ) تواصل لغاية الدوام وهي بكامل زينتها وقبل الدوام
تمرن صوتها (
آآآآأأأ إييييييييي أووووووو ) تحافظ على نعومته وهي تكلم دكتورها (
الأجنبي)
ومجرد ما تخلص المحاضرة تلحق الدكتور (
الاجنبي) عالمكتب تصيح ( (
برقة) >>
ما أبي
أوصفها كيف تصيح في البيت !! واتقوله الله يخليك give me A مابي معدلي ينزل
(عن الـ 4) >>
وآخر شي تطلع منذره!! وتمدح بالدكتور بكل كلمة انجليزي بقاموسها
(you are stupid ، you are ugly ، ....الخ)
تطلع من المكتب والدكتور (الأجنبي)
محمر وراسه يدخن ويهمس: (women have less Mind and Religion) 
.
.
فــــــــــــــــــي الســــوق
مهما كانت الحرمة مريضة مجرد ما تقولها يالله عالسوق تختفي كل الأمراض (
سبحان الله)
وتلف من محل لمحل (
وهالفقير ماشي وراها شال كل الاغراض ويدفع الفواتير!!) وإذا حبت
تشتري بدلة تلف المول من أول محل لآخر محل بدون ما تشتري (
تاخذ فكره) وبعدها تبدأ اللفة
الثانية وبالقوة تلاقي نص بدلة (تدور عن شي غريب!!!) وإذا كان اللي يبيع هندي تختار تنورة
وتسأله (
انت؟!! بكم هاي؟؟) يرد 70 تصرخ
(خيبة غالية!!) وتفر التنورة بأي مكان جدامها
وتطلع معصبة!! وتدخل المحل اللي يمة ، البياع لبناني ، ترتب شيلتها وتبتسم (
لو سمحت من
فضلك شو عندك يديد) يرد عليها (
أي إطعة بتلبأ لك!! انتي اللي بتحليها مش هي اللي
بتحليك؟؟ ) >>
وهي تصدق عمرها ..
الغريب انه يطلع لها نفس القطعة اللي طافت ويقول برقة (
هاي أحلا تنورة بهالمحل ومستحيل
تلائيها بأي مكان بالإمارات كرمال عيونك) وهي تحمر خجلا وتاخذها تحطها عالكاشير وتدفع
700 درهم وهي فرحانة
والبياع يبتسم ويهمس (صحيح إنك نائصه عإل ودين )!!
.
.
فــــــــــــي المدرســـــــة
عندك بنت (
للأسف) طايح حظها بالدراسها تروح المدرسة (
أونك عاد تسأل عن البنت مش
عشان تشوف المدرسات!!) وتدخل (
الرسبشن)...وانت ملقوع ساعتين واقف تنتظر وبدون قصد
من الملل تسمع مدرستين واقفات بالممر يحشن بمدرسة ثانية معروفة انها من أكفأ المعلمات ..
يهدأ الوضع لثواني..
فجأة تسمع الادارية تصارخ على طالبة يقول جنها ذابحة وحدة من الطالبات .. وبعد كل كلمتين
تسمع جملة (
اللوائح والانظمة) وآخر شي تطلع مخالفة البنت انها لابسة شيله عليها توقيع
صغير للمحل (
باللون الاحمر) واللوائح تقول لازم الشيلة سادة وسودا!!
وبعد ما يشفقن عليك يدخلونك لغرفة المديرة تتفاجأ بمدرستين شوي وبيذابحن يطلعن من
الغرفة والمديرة تطالعك من غير نفس (
نعم؟) وانت تسأل عن بنتك ... يطلبون المدرسة اللي تدرس
بنتك وتتفاجأ انه المدرسة تعتذر عن الحضور>>
(حضرتها مش فاضية يايبة بياعة وتبيع
للمدرسات توكات ومكياج وشنط من تايلاند!)
تتنهد من خاطرك... تقوم من مكانك بهدوء... وتقول (.... الله المستعان).
.
.
هـــــــــمسة
كثر هن النساء اللواتي يشهد لهن التاريخ بالبطولة.. وبرجاحة العقل ..
وكثر هن النساء في وقتنا الحالي من قمن بالتضحية من أجل الحفاظ على الأسرة..
وكثر من كن وراء نجاح أزواجهن سواء بالدعم المعنوي أو المادي..
تبقى المرأة نبع الحنان .. مصدر الالهام.. من أجلها تكتب أعذب الأشعار..
ومن غيرها ليس للحب معنى .. ولا للحياة روعة..
أيها الرجل:
اتود العيش من غير (زوجة) تنتظرك بلهفة؟ تستقبلك بابتسامة؟ تجلس معك على المائدة؟ ..
تكثر من الطلبات!! نعم ؟؟ ولكن لتعد لك وجباتك المفضلة تنفق أمولها الخاصة من أجلك تسر
ناظريك وتبهج نفسك.. مستعدة للتضحية بكل ما لديها من أجل اسعادك .. يكفيك أن تنظر إلى
قلبها لتعلم ما يكنه لكـ من حب وشغف..
أيها الرجل :
(ناقصات عقل ودين) .. " الرجال قوامون على النساء بما فضل الله" .. إبحث عن معانيها
لتدرك أبعادها ..
وتذكر بأن الرسول – عليه الصلاة والسلام- أوصى قبل مماته بعمود الدين وبالنساء حين قال
(رفقـــــــــــــــــــــــــا بالقواريـــــــــــــــــــــــــــــر).. 
رد مع اقتباس
الحريم، ناقصات عقل ودين!
رد: الحريم، ناقصات عقل ودين!
ضوابط المشاركة
