بنت تحب بنت شاذه وبنت تحب ولد قله ادب...

[قد الحب]

السلام عليكم ورحمة الله و بركـآته ..

مشكله غريبه فالمجتمع حبيت اتكلم عنها

مافيه أحد ف هالدنيا مايحب
و مافيه احد متبلد الاحساس ..

ممم يمكن قلييل و ينعدون بالاصابع ..

مو هذا موضوعنـآ

انا اقول ان ليش يوم البنت تحب بنت يقولون الناس عنها شاذه عيب عليج ..

و يطلع عنهـآ كلاام و اشاعات ..

و اذا البنت حبت ولد و العكس كذالك
بعد ما سلمنا من لسان هالناس ..
قلت ادب و ما تربوا و ماعندهم ذرة احترام وين اهلهم عنهم ..


و حتى سبحان الله اذا مُراهقه أُعجبت بفنان او لاعب او أي شيء
الاهل بعد مو بس الناس يعتبرونه قلت ادب و حرماااان من اشيااء
يعني متعصبين هالجيل و بقوة
لاهي كلمته ولا هي شافته ولا شي
مجرد صورة أُعجبت فيها او مجرد تمثيل أو لعب ..


سؤالي

ايهما العيب و ايهما الحرام و ايهما بنظرك الافضل ؟


بنظرك فيها شي البنت تُعجب بفنان او واحد مشهور ؟
او الولد يُعجب بفنانة مشهوره ؟!

و لماذا هذا التعصيب من الناس و من الاهل؟!
هل ان لازم الواحد يكون جاف عشان يسلم من كلام الناس؟
وهل البنت يوم بتحب رببيعتها واعتبرتها كل شي بحياتها تعتبر شاذه؟!

بتقولون ما يهمنا كلام الناس بس معروف كل الاوادم مايبون احد يتكلم عنهم بالشين


اتمنى التفاعل

[بسمةألم]

1-العيب إن البنت تحب بنت مش لوجه الله وممكن يصير حرام إذاكانت علاقتهم..................(انتي أخبر باللي يصير)
2-الحرام علاقة بنت مع ولد (حبني وبحبك _ واعشقني وبعشقك) يعني مسخرة وكلام ع الفاضي
3-الحرام علاقة الولد بالولد إلي مش محترمه لكن إذا الولد يحب ربيعه مش حبيبه وعلاقة خرابيط مافيها شي
4-على أي اساس البنت تحب واحد مشهور ؟ ع حسب شكله ولا جسمه؟ونفس الشي الولد...............
5-أنا عندي ربيعه واحبها وااااااااااااااااااااايد لكن مب العلاقه إلي فاهمينها الناس وخليت خواتي وامي يتعرفون عليها وبالعكس وايد عيبتهم حتى إخواني وباباتي يعرفون إني أعزها ومايطرونها إلا بالخير حتى إن أبوي إذا سمعه طاريهايتم يدعي لها بالخييييييييييييييييييييييييييييييييييييييييييييييييييير
بس صدق في ناس إذا سمعو إن إنسانه تحب علانه علطول( شاذه)وللأسف مايصدقون أي كلمه تقولينها
ليش إحنا وين عشان البنت تكون على علاقة محرمه بفلانه و علانه
ويبقى بالأخير لكل واحد حق في التعبير عن رايه

[عاشقة القمم]

ايهما العيب و ايهما الحرام و ايهما بنظرك الافضل ؟
عيب إن توصل علاقة الحب لطريج خاطئ ، كلنا نحب بس حب عن حب يفرق ،
برمس بصراحة شوي ، في بنات يحبون بعض لكن للأسف توصل علاقتهم ( للسحاق )
ونفس الشي عند الشباب توصل ( لللواط )
بهاي الحالة العلاقة مهب عيب ، العلاقة بقمة العيب وقمة قل الأدب



بنظرك فيها شي البنت تُعجب بفنان او واحد مشهور ؟
او الولد يُعجب بفنانة مشهوره ؟!
شو الغاية من الإعجاب ؟؟ ،، لش الواحد يعيش عمره بأوهام ؟؟ ،، شو الفايدة ؟؟
يشغل عقلة وقلبة بشي ما منه فايدة



و لماذا هذا التعصيب من الناس و من الاهل؟!
الأهل يمكن يخافون إن العلاقة تغير ، فعسب جيه يحاولون يبعدون البنت عن هاي العلاقات .




هل ان لازم الواحد يكون جاف عشان يسلم من كلام الناس؟
(رضى الناس غاية لا تدرك )




وهل البنت يوم بتحب رببيعتها واعتبرتها كل شي بحياتها تعتبر شاذه؟!
هذا قمة الخطئ ، الحب ما فيه شي ، وأساسا الإنسان ما يقدر يعيش بدون حب ، الحب لذة الروح ، وإلا هو أساسا سر الوجود ..

[قد الحب]

مشكورين على المرور بسمه الم واماراتيه لين الموت اسعدني مروركم

وكلامكم صحيح 100%