ورق عنب يتحدى كل المطاعم

[احساس راك]

في البداية بحط لكم المقادير كتابة، وتحت بيكون كل شي بالصور.. عشان أسهل عليكم النقل..

أول شي.. المقادير..
كوب ونص عيش مصري..
طماطتين كبار.. بنقطعهم قطع صغيرة بعد ما نقشرهم
بصلتين كبار.. نفس الشي بنقطعهم قطع صغيرة.. شبه مفروم
4 قبضات بقدونس..
قبضة نعناع
نص كوب زيت زيتون
عصير 3 ليمونات
البهارات:
ملعقة صغيرة ملح
ملعقة صغيرة قرفة
ملعقة صغيرة فلفل أبيض
ملعقة صغيرة كمون
ملعقة صغيرة جدا هيل..

بعد ما تسوين الحشوة.. بتحسين إنه فيها سوائل.. عادي.. كلما تاخذين من الحشوة ضغطي شوي ع الخاشوقة عشان الماي يرد في الحشوة، لأنه هالسائل نباه عقب...
وأحينه المقادير والطريقة بالصور
أول شي بحط لكم صورة الكوب المستخدم.. الكوب اللي تشربون فيه النسكافيه أو الكابتشينو..

وورق العنب المستخدم.. العلالي..

المقادير
















لاحظي إنه تقطيع الطماط والبصل والخضرة كأنه نبا نسوي تبولة.. كلهم قطعتهم بقطاعة البقدونس اليدوية.. أتمنى تكونون فاهمين علي... هو له قبضتين نمسكهم ونحرك فوق وتحت... ههههههه.. امحق شرح...



وهذي الحشوة... مب تبولة... 

صورة القدر قبل لا نصف فيه المحشي.. رصينا فيه بطاط + طماط







الصلصة
ناخذ ماي الحشوة ونصفيه ونصبه ع المحشي المصفف في القدر..
وأحينه اني على مقادير الصلصلة
5 فصوص ثوم
ملعقة نعناع جاف
ملعقة معجون طماط
مكعب ماجي
عصير 3 حبات ليمون
نص كوب زيت زيتون
ماء
أول شي نفرم الثوم ونخلطه مع النعناع.. أو مباشرة دقي الثوم وهرسيه مع النعناع
بعدين انيب ملعقة صلصة + مكعب ماجي + عصير الليمون + زيت الزيتون + الماء
ونخلطهم عدل ونصبه على المحشي بعد ما نكون حطينا ثقل عليه..
مقدار الماي يعتمد على حجم اليدر... حطي مقدار يغطي الورق..
وهني الصلصة بالصور










وهذي صورة نهائية للطبق



وعلى فكرة.. شوفن لون المحشي... كأنه مال المطاعم.. لا مسود ولا شيات... والسر في ماي الخلطة + إنه ما نفتح على الجدر طول فترة استواءه..

يعني لا تشلين الصحن طول من عليه..

[ẁĿĐźĂУỂĐ999]

تسللم صبوعن عدة الطبخه وتسلم صبوعن كتبت الموضوع....

[شمس الامارااات]

تسلم الايادي ^_^

[RAKBOY783]

امس اول مره اكل ورق عنب من النوف هع

وشكرا لج اختي ع الوصفه

[احساس راك]

[align=center]
يسلمووووووو على المرور نورتو بتواجدكم
[/align]

[adiloo28]

مممممممممممممممممممممممم لذيذ

[احساس راك]

[align=center]
يسلمو على المرور
[/align]

[فديتني شيطونه]

يم يم يوعتيني .. الله يعطيج العافيه ع الطرح الغاووي

[احساس راك]

[هدوء المشآع ـر ..~]

اووونـهـ .. شكلـهـ شرآآت ورق عنب المطـآعم .. تسلمييين ع الطريقـ ة ربــي لـآ هـآنج ..~*