قلبي مدينه ~

[سايلنس]

السلام عليكم و رحمة الله و بركاته

قسمي المفضل... لي عوده ثانيه...
الى ذاك الحين تقبلو بعض من قديمي.....




:

ما تغيَّر شي . . . لكن ! صار " فاضي " هـ المكان .
يعني إنتَ شفت قلبي ؟ طحت مِنْ عيني و / عينه

[ كان ]
لك قلبي
- مدينه
ولاحظ إني قلت :
كان !
يعني إنتَ الحين واحد :: خارج حدود [ المدينه ] ::

ليه مستغرب كلامي ؟؟ وليـه أعطيـك الأمـان ؟؟
وليه تَكْذِب في كلامك ! العـذر وينـك ووينـه ؟

ما ألومك .. كان " قلبك " ثارت أمواجه و / خان
الخطا منَّي , لأني صرت فـي بحرك ( سفينـه )

والسؤال اللَّي كتمته ..؟ وما نِطَـق فيه اللسان
{ كيف إيدك إطعنتني وآنا أحْسِبْهَـا أمينـه ..؟ }

جرحي .. ما يرضيه قلبك .. لو يجي كلِّه حنان !
لو - تبوس الجرح فيني . ولو - تقبّلْهَا إيدينه .

يُوم أحبك ؟, قلت كلمه : ( يكرَم المرء أو يُهان )
وإنتَ قلبي ما كرمته ! وما قدرت إنِّك [ تهينـه ]

عزِّتي .. ما هي جديده آنا " شامخ " من زمان
إغسِل إيدك من رجوعي .. وروح , يا إبن اللذينه

طاب خاطر قلبي منِّك . . . وهذي الفرقى رهان
حتَّى لو قلبي يحبك . / ربِّي . . بفراقك يعينـه !

تدري لما قلت أحبك ؟ قلت .. وما عندي ضمان .
وإختياري كان ( خاطىء ) تجربه بالحييييل شينه

كنت تخطي .. وكنت أسامح .. مرَّه : مرتين : وثمان !
أدمح الزلـه عشانك .. وأكتـم أنفاس .. الغبينـه

كنت أحبك ’ كنت أعزك ’ والغلا فيني جبـان
خاف تزعل لو , ألومك , ضعت ما بينك وبينه

في عيون الناس " عادي " بس في عيني ؟ / جنان
وكان قلبي من يشوفك تفضحه . . نظـرة حنينـه . .

ماني أوَّل من يحب ..... . ومنتَ آخر شخص . ..... خـان !
المحبه في زمانك ؟ بحرها ^ من غيـر مينـه ^

الفشل .. كان النتيجه وأعتقـد آن الأوان ,
أبني - مستقبل حياتي . و - أنسى قصتنا الحزينه .

خطوتي الأولى ( غيابك ) راح أطبّقها عشـان :
" يبكي قلبك لا فقدني والندم .. يملـي سنينـه "

جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينـه .

قلت لك قلبي [ مدينه ] فيها لك :: حشمـه وشـان ::
لكن إنتَ الحين – أغرب .. شخص ! في هذي المدينه

[راشد]

[align=center]وعليكم السلام ورحمة الله وبركاته ..

Mashallah she's so cute

بصراحه الصوره و الكلماات لايقين على بعض

لقطــه راائعه منج اختي ..

في انتظاار مشاركاتج في هذاا القسم اختي ..

[glint]{ نورتــي }[/glint]

( تستاهلين التقييم ) [/align]

[حبر و ورق]

[align=center]

يا سلامي عليج يا سايلنس
ابدعتي ف الصوره و ف التعليق صراحه اندجت فيها وايد
والبنوووته كيوووت ربي يحفضها
اترقب يديدج
دمت بود

[/align]

[UAE.G]

{ لْي..عوْده ْبعد تعدْيلالرآبْط ..،،

'
:
تْصوْير حْلو منْج اختْي..،،
بْس ْيآريْت ْتذْكرْينْ الْنا :
نْوعية الكْاميْراْ المْستْخدْمهْ،،
والمْودْيلْ بْعد ^^
امممْممْم
هْذا مْب نْقد لْلصورهْ ،،
لْانْي الصْراحهْ مْب بروْفيْشناْل فْي مْجآْلالتْصوْير..!!
بس الاْضآءه ْحلوهْ،،والزْوآيهْ كذلْك،،
بْس حْسيْت انْ الْكلمآتْ مْب رآكْبه مْع الْصوْره..!!
وانْتيْ تخْربْين الصْورْه..لماْ تكْتبْين [سايلنس]بخْط كْبْير..ومْآيل
ومْب مْتنآسْق..والْسموحْه مْنج اخْتيْ.,,
وأشْكرج عْلى تعْديْل الرآبْط..،،
ونْترقْب يدْيدجْ...}
:
'

[سايلنس]

تم تعديل الرابط....

[iAbdulla]

ما شاء الله

حلوة الصورة

وبإنتظار ابداعاتج
/
.
/
.
/
3bo0od

[Silence]

الصوره جميله ..

لكن . أستوقفني

جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينـه

تذكرت أم كلثوم : انت ما بينك وبين الحب دنيا

رائعه.. السميّه :وردة:

[العتيبي]

ما أقدر اقول غير كلمة .. أبداع

و نتريا كل جديد منج اختي

العتيبي