تخيل صار لكهالموقف ... شو بيكون تصرفك ( الكل يدش )

[7rkat]

السلام عليكم

هلا بكل اعضاء منتديات مجالس الرمس

موضوعي لكم اليوم كنه حكاية او قصة

ولكنها صارت فالواقع

وياريتها صارت وياحد ثاني

صارت وياي انا باضبط

ونا حطيتها لكم عشان تتخيلون لو صارت وياكم ( ونشاله ماتصير )

شو بيكون موقفكم

ونشاله اشوف 10 صفحات من ردودكم ليي

لاتخيبوا ظني فيكم

تخيل

تعرفت على انسان , ومع الايام زادت علاقتي فيه الين مااستوت علاقة حب وغرام عذري , حبيته اكثر من نفسي وحبني اكثر من نفسه , ويتناقل ذاك الكلام الحلو بيننا كل ليله وكل سهر تصبح على صوته وتمسي على صوته , دومه فبالي ودومي فباله.

ومن كثر حبنا نتزاعل عشان نزيد فغلاوتنا , نتزاعل عشان نشوف كل واحد فينا كيف يراضي الثاني, ومن كثر حبنا لبعض ما نرضى انبند التلفون لاتكلمنا فيه واحيانا نضارب عشان كل واحد يبند التلفون ( مانبا نبند بويه بعضنا ) .

وتزداد علاقتنا كل يوم ودقيقه وثانيه , صح تصير بينا مشاكل بس كل منا يحلها عشا الحب يتم بيننا.

وتمر الايام والسنين الين ما يا ذاك اليوم الي زعل حبيبي مني وما بغا يرضى , حاولت وياه بكل الطرق وسويت كل شي عشان يرد مره ثانيه ليي لاني حاسس بفراغ بدونه .

وفالنهايه رد ليي ولكن بأسلوب ثاني , اسلوب اول مره اشوفه منه , كنه مايعرفني وكني غريب في حياته , اسلوب حسسني اني مالي قيمه عنده اسلوب من يعامل كل منا عدوه ( اصلا حتى العدو مابعامله بمثل اسلوبه ) مثل ما قال حامد زيد اصلا حتى العدو وهو العدو ما يعمل اعمالك .

وستمر على هالحاله لمدة شهرين ونا قاعد اراضي ولا مرتاح بحياتي ( اذكر هالشهرين ماخذ اجازة سنويه عشانه ) وتخيل زعلان منك في اجازتك مو حرااام.

ونا كنت عارف انه من اسلوبه يباني ابتعد عنه , مو حرام ابتعد عنه بعد ذيك الايام والليالي الحلوه الي بيننا , وذيك المواعيد بانا مانتزاعل ابدا لو مهما يكون .

خان كل الوعود وما سوا لي اي اعتبار وقلل من مستواي ورغم ها كله مكاني قاعد اراضيه.

صحيح حقرني وصحيح ذلني ورغم ها كله اراضيه

الين ما يا ذاك اليوم ليلة ميلاده

اتصل به مايرد طرشت له مسج وباركت له

ورديت اتصلت ورد , قعد ابارك له ووعدته بهديه ولا احلى , وهو بكلامه معي مامسوي لي اعتبار , يتظنز احيانا ويستهبل , يحسسك بكرهه الشديد لك , ما قدرت استحمل اكثر وزعلت منه خلااااص ما عادت بيدي حيله.

خليته ولا حتى راضاني كنه فرحان بزعلي ولا بغا يتأسف ع الي سواه تخيلو ونا رغم الي سويته له .

وتميت فتره زعلان منه الين ما ياني كلام عنه

الحين حطوا نفسكم مكاني

عنده حبيب بحياته غيري

كان يكلمه من زمان ودوم يواعده ويتسلى معه

صــــــــــــــــــــــــدمـــــــــــــــــــة

قوية فحياتي

وين كلامه ؟ احبك ومستحيل احب انسان غيرك

وين وعوده ؟ وين كل مبادئه وقيمه

للحين ونا مصدوم فيه ولا عارف شسوي

تخيل هالكلام يوصلك عن اعز انسان بحياتك

دخيلكم خبروني شسوي

والله مصدوم به للحين

هايالقصه حاصله لربيعي وحب اني احطها عدكم

اخوكم

Rawi_rak

[ذكريات]

عادي لي مايباك لا تصيح تبغيه ولي اخلقه خلق غيره الحياه ماتوقف عند واحد اهم شي واحد يقدرك و تقدره

[miss cheerful]

الصراحه الكلمات اللي كاتبنها حسستني في هالموقف .. الصراحه أنا بتألم طول حياتي لأني عرفت هالشخص و كرهي له بيزداد يوم ورا يوم .. ومع ذلك ما بقدر أطفي غليان قلبي .. الحمد الله أني طول حياتي ما انحطيت في مثل هالموقف .. و أحمد الله على هالشي .. والله يصبرربيعك إن شاء الله

[ملكه الحب]

قول له الله يسامحك والي مايبك لاتصيح تبااه بروحه بيتندم ع الي سوااه واترياا وشوف هايك الساعه بس ااذاا رد مره ثانيه لاتعطيه سالفه لانه الي سواه مو شوي لانه انسان خاين ..

تقبل مروري اخوي

اختك ملكه الحب..

[قد الحب]

الله يهديك يا راوي راك شو تبى فيه خل يولي يعني معقوله اتحبه بهدرجه شو تبا فيه لو قلت لي انك تحب بنت ما بصدق ولد عاد من نفس جنسك كيف جيه اوك كون علاقه صداقه وبس وبعدين ماشي سالفه مودر شغلك عشااانه ولا هو بكل وقاحه يتسلى مع غيرك انا اقولك شي هذا وااااااااااحد لعاااااااااب يعني بكل وقاحه كنت اتحاااول تراضيه بكل الطرق وهو يتسلى مع واحد غيرك والله يقهر صج يقهر يعني باجر بكل سهوله يتخلى عن الثاني ويدور غيره انت المفروض من سمعت انه راح لغيرك جان سويت انه عادي عندك ومايهمك والله هو اللي بينقهر لان واثق من حبك له جان حاولت تقهره بشتى الاساااليب ولا بينت له حبك جان حاولت تقهره بغيره انزين ليش ماتعرفت على غيره ينسيك هموم الدنيا المهم الدنيا بعدها فيها شويه خير تقدر ترابع غيره وتصير علاقتك فيه احسن عن هالخاين اسمحلي بس ها صج نقدر نطلق عليه


خــــــــــاين وبجداره بعد


بس تعرف شي لان هذا حب بنفس جنسك ومارح يدوووووم ومستحيل حب من نفس جنسين يدوم


السموحه ع الاطاله لو الكلام يجرح بس ما اتوقع انه نفس الجرح اللي تعاني منه يمكن ما ترضى نقول عنه خاين

بس شو نسووي خاين وبس

اختك

قد الحــب

[عاشقة القمم]

الله يعين ربيعك ،،


أنا صار لي موقف قريب منه ، إني كنت أحب وحده وكنت أسويلها كل اللي تبيه ، صرت أحرم نفسي من أشياء عشانها ، أنفذ كل طلباتها ، وتمينا فترة ونحن ع هالحال ، لين ما حسيت مع مرور الأيام إنها ما تباني ، أحس إن في أحد شاغلنها عندي ، وأنا ساكته وأسويلها كل شي ، لين ما وصلت حدي وقطعت علاقتي فيها نهائياً ، واللي أكد لي إنها مع وحده غيري ، إنها ما سوت لي إعتبار ولا شغلت بالها ، إلا بعد مرور فترة دقتلي عسب نرد نفس أول وكنت أسويلها طااااااااف ، وطرشت لي بنت ، حتى إنها كانت تطرش مسجات ع مبايل وحده من ربيعاتي وتقولها روحيلها خل تقرأه ، عسب قلبي يحن عليها ....... ( طبعاً هالموقف كان قبل ، أيام المراهقة والخرابيط يعني )




بس اللي يهيني مرة ، أهينه مليوووووووون مرة
والدنيا ما تتقوف عسبت موقف
الحياة ماشية ، ورح إنشوف وإنشوف أكثر من جيه



وما شاء الله عليه ربيعك شكله هب أصغير ، يعني واحد مخلص ويداوم ، ،، خله يهتم بحياته ويشوف مستقبله ، والدنيا جدامة ..


تقبل مروري
((( إماراتية لين الموووت )))

[أسيرة الشوق]

أخوي راوي راك إن مثل هذه القصة حدثت للكثيرين غيرك... إن مثل هذه القصص التي نسمعها و نشاهدها سواء بين أخواننا الشباب و أخواتنا الفتيات لهي مأساة تدمي قلوبنا و قلوب سامعيها... أي حب أخي الكريم هذا الذي سلب عقلك أي حب هذا الذي تتكلم عنه أي حب أعظم من حب الله و رسوله صلى الله عليه وسلم أي حب أكثر محبة من محبتك لوالديك و اخوانك و المقربين لك... أخي الكريم يجب أن ترجع إلى نفسك فهي الدواء الذي تبحث عنه اسألها و صدقني أنها ستجيبك اسألها هل يستحق هذا الصديق كل هذا الحب ؟؟ هل يستحق كل هذا الإهتمام؟؟ هل يستحق هذه المعاناة التي تعاني من أجله؟ ارجع إلى نفسك أخي و ابحث عن من يستحق كل هذا الحب و كل هذا الإهتمام و كل هذه المعاناة و ستجدهم يبحثون عنك و هم أكثر الأشخاص ممن يسألون عنك همهم الوحيد أنت ... أضن أنك عرفتهم أهلك واااااااااااااااااااااااااااااااااااااااااالديك هم جنتك و نارك اخوانك أخوتك أقربائك أضن انك ان جلست معهم فقط لساعة و اعطيتهم جزء من ذاك الحب لوجدتهم بادلوك نفس الشعور و لوجدتهم اسعد الناس....

لا خير في صديق أرادني أن أعيش ذليلا... لا خير في صديق تقرب مني لمصلحة و بعدها غاب... لا خير في صديق شكوت له همومي فأفقت في الصباح لأجدها معلقة في الشوارع و الجميع يتحدث عنها...

أخي ابحث عن الصديق الذي يخاف عليك الذي يأمرك بالأفعال التي ستستفيد منها في أمور دينك و دنياك الصديق الذي تراه بجانبك و قت الضيق الصديق الذي يبحث عن سعادتك و تذكر دائما أن محبة الله و رسوله ووالديك فوق كل شي أسأل الله لك التوفيق...

لربما أثقلت قليلا في حديثي هذا و إن لم تكن أخي في الله لما حدثتك بهذه الطريقة...


اذا المرء لا يرعاك الا تكلفا
فدعه و لا تكثر عليه التأسفا

ففي الناس أبدال وفي الترك راحة
وفي القلب صبر للحبيب ولو جفا

فما كل من تهواه يهواك قلبه
ولا كل من صافيته لك قد صفا

اذا لم يكن صفو الوداد طبيعة
فلا خير في ود يجىء تكلفا

ولا خير في خل يخون خليله
ويلقاه من بعد المودة بالجفا

وينكر عيشا قد تقادم عهده
ويظهر سرا كان بالأمس قد خفا

سلام علي الدنيا اذا لم يكن بها
صديق صدوق صادق الوعد منصفا

[الحياةحلوة]

السلام عليكم ورحمة الله وبركاته
الله المستعان مسرع ما هانت عليه العشرة ..!!!!!
ماعليه بييه يوم وبيندم
لكن لازم تنساه وحب غيرة ما أكثر الناس الطيبه إللي تحب و تنحب
والله كريم

[الشاكي83]

قد الحب هذي القصه الي يقولها راوي راك مب له شخصيا لواحد من ربعه ويمكن كان يقولها بصفه عامه مب محدد فيها الطرفين سواء ولد وبنت خلاها من طرف واحد واتمنى ان راوي راك مره ثانيه يحاول يوضح كلامه ما يستوي واحد يحب وااحد بهذي الطريقه وين قاعدين نحن .د

وبس بغيت اضيف تعليقي اذا انا احب وحده وبنفس الحب الي حبيتها حبتني ليش اتريا لين ما تطفر مني وتدور لها واحد غيري تكمل حياتها وياه خاصه الضغوط الي من اهلها والي يتقدمون لزواجها مثلا اذا الحب صادق ومافيه اي تلاعب من البدايه ليش اتريا سنين البنت تبغي الستر واذا انا قد الحب ليش ما اتزوجها ونكمل الحب بشي شرعي وعلى سنة الله ورسوله

او شو رايكم يا شباب و يا صبايا

[Sweet Heart]

هههههههههههههههههههه

والله طماشه

الي يحب من قلبه بيتعذب وهذا شي اكيد

مب من فراق الحب لكن من الطعنه في الظهر

في الحب تشوف بلاوي

خلني اقول لك شي اذا كنت تحب وعرفت ان الي تحبه يخونك لكنه بعده مستمر وياك

خلك كوووووول والعب على الحبلين وفكر تعطيه درس ما عمره توقعه يخليه يمشي في الدرب السليم

مثل السمجه في البحر يوم تتعلق في الجلاب تعطيها خيط وتعطيها وبعدها تير الخيط مره وحده

او انك تكون انسان طيب وتقول لها يلا مع السلامه

واذا صارت الخيانه مثل الموقف الي فوق

خلها بيي يوم وبتذكرك وبتذكر طيبك وبتندم ع الي سوته


والسموحه ع الاطاله