يا طيب البال

[المنصوري_9]

يا طيب البال يوم انك تعاتبنا

يا ما حلا يا هوى بالي عتاباتك

بأسلوبك العذب يا خلي تلومنا

وتزيدنا إحراج يالمزيون نظراتك

زعلك يا ناعس الطرفين يزعجنا

لا من تمنى نكدر شخص شرواتك

حقق علينا تدلل وأنت تامرنا

فرضٍ وواجب على محبك مراضاتك

هو من شراتك هو وين إلي يعوضنا

يا ليت تدري في قلبي وين سكناتك

عندك خبر أننا يا الغالي اعتدنا

عليك يا من تفرحنا مناجاتك

لا أتصدق إلي مراد هدم فرحتنا

ما قصدهم إلى الزعل من مواشاتك

خل العوادل وطب الواشي وعطنا

كفك عنك ترى الروح مطلبها ملاماتك

يا ناظر العين يا مصدر سعادتنا

يا بلسم الجرح أنت دنيتي ذاتك

عطنا محبتك وأحفظها بأمانتنا

وخذ ما تبقى من عمري عمري يفداتك

"وسلامتكم ....."

[مناااايا]

تسلم يمنااااااااااااااااك آخوي المنصوري_9 كلمات حلوة ومعبره ....

وإحساس رائع ....

الله يعطيك العافيه .....

[رذاذ عبدالله]

شاكرة لك السطور الجميلة،،
ننتظر جديدكــ في المقهى الادبي،،
دمت برقي،

[المنصوري_9]

تسلموا على المرور الجميل
منكما اختي "مناااايا" واختي "رذاذ عبدالله"


وعساكــــمـ على القوهــ

[%غمـــازة%]

يا ناظر العين يا مصدر سعادتنا

يا بلسم الجرح أنت دنيتي ذاتك

عطنا محبتك وأحفظها بأمانتنا

وخذ ما تبقى من عمري عمري يفداتك

صح لسانـــــــك

موفق بإذن الله ... لك مني أجمل تحية .

[الشاعر]

صح إلسانك يا المنصوري_9

وتسلم على الكلمات الجميله

بس ياليت تعدل بعض الكسور اللي في القصيدة

والكلمات اللي فيها خطأ إملائي

حقق : حقك
من تمنى : (م) نتمنى

مراد : مراده

العوادل : العواذل


والسموحه على النقد وهذا فيه فايده للجميع