الغــــــــــيرهـ

[قد الحب]

بسم الله الرحمن الرحيم

اليوم حابه اخذ رايكم بموضع

اعضاء منتدى الرمس موضوعي رح يتكلم عن الغيره

شو رايكم فيها وشو تعني الغيره

بعض الناس تشوف ان الغيره تعني الحب الشديد يعني اللي ما يغار عليك يعني ما يحبك((برائي هالكلام غلط))

وبعض الناس يشووف ان اذا زادت الغيره زاد الحب...لا والف لاااا طبعا عندي يعني برأي

يقول راشد الماجد

من عيون الناس والله اغار يا عمري عليك

البعض يقول ان الغيره هي المحبه وماخذنها من الاغنيه

والبعض يشوف ان الغيره شك

يعني اذا كنت تغار ع شخص يعني شاك فيه

الغيره الجنونيه تعني الشك القاتل

المهم سؤالين

الغيره تعني الحب الشديد

او

شك وعدم ثقه


الغيره من وجهه نظري مرض قاتل يبعد الحبايب عن بعضهم لازم تكون الثقه موجوده بس حلو يكون شويه خوف وغيره ع الشخص ليبين الحب بس مب بزياده

ابا رايكم

اختكم قد الحب

[عاشقة القمم]

قبل ما تقولين شي .... أكيد بتسئليني وينج ما تردين ع مواضيعي ..... صح

وصراحة أول ما شفت إن ماشي ردود ...... قلت عيل هذا وقته أكون أول عضو يرد عليج ......

المهم الغالية إنتي سألتي سؤالين ، ورح أجاوب عليج من وجهة نظري .....


الغيره تعني الحب الشديد

او

شك وعدم ثقه
أنا صراحة ما أشوف إن الغيرة تعني الحب الشديد ، لإن في واااايد ناس يغارون ع شخص بس ما يحبونه ،، بس الغيرة مزروعة في قلوبهم ،، وكل شي إذا زاد عن حده ينقلب ضده ،، يعني هاي الغيرة من الممكن إنها تزرع الشك وعدم الثقة ، وبالأخير تأدي للتفريق بينهم ...
حلو إن الواحد يغار على الشخص اللي يحبه ، بس ما حلو إذا موته موووت بطيئ عسبت هاي الغيرة ....



والسموحهـ

[قد الحب]

هلا والله نورت الصفحه بوجودج خخخخ صج والله من زمان مارديتي ع مواضيعي لج وحشه

تسلمين حبوبه ع رايج

[Her Highness]

انا برايي الغيره هي معنى من معاني الحب ودليل ع الحب


بس طبعا بحدود لان لو زادت الغيره يكون الها تأثير عكسي


يسلمو ع الموضوع

[قد الحب]

تسلمين ام دحماني ومثل ماقلتي بحدود

[حمودي 17]

الغيـــــــــرة .. وهل تعني حب شديد أم عدم ثقة وشك .. ؟

وأنا في إعتقادي أن الغيرة (( حب )) لإن الإنسان يخاف أن يفقد الإنسان اللي يحبه وعشان جيه يكون مفرض شوي فالخوف على اللي يحبه .. وانا مستغرب انه في الموضوع ردودج كانت سلبية ضد موضوع الغيرة .. واعتبرتيها انه اذا زادت الغيرة زاد الحب .. وقلتي لا والف لا ..

لانه اساسا الغيرة معنى وشي اساسي فالحب .. منو من الناس اذا كان في الحب ما يغار .. واذا كان ها الشخص ما يغار عيل ليش يحب ..

عاد ما ننكر انه لاااازم ما تكون مفرطه .. يعني نشك فالاشياء الصغيرة او على ادنات شي .. رحنا وشكينا فيه .. لاازم نكون اقوياء ونمسك نفسنا شوي .. لانه انا اعرف قصص وايد عن الغيرة يا ما فرقت .. احباب وخلان ولايف .. لانهم ما يمسكون اعصابهم .. في وقت الغيرة وياخذون كل شي بتسرع .. خصوصا لو كان الشخصص من انولد شكاك ..

> همسة ( انتي تقولين راشد الماجد يقول .. من عيون الناس والله اغار يا عمري عليك ) ..

لكن انا اقول ( غارت عيوني من عيوني عليك .. وشلون لا شافك من الناس غيري ) ..


\\ قد الحب \\

في النهاية تسلمين ع الموضوع .. او بالأحرى المواضيع الروعه الي تطرحينها .. الصراحه انا اقولها لج الحين او بعدين .. انتي مبدعه واختيارج للمواضيع ابداع صراحه ..

لج خالص احترامي ..

[قد الحب]

تسلم حمودي على المرور الطيب نعم كانت سلبيه واقولك لا والف لااا
حلو الانسان يغار لكن بحدود يعني لو كنت اتحب شخص وهالشخص كل يوم يغار عليك وكل يوم زادت غيرته ويغار عليك من ربعك اهنيه زادت الغيره انت اصلا مارح تتقبلها وبتبدأ تضايج
انا اؤيد الغيره لكن من ناحيه الشي اللي نستاهل نغار عليه

مشكور حمودي على مدح مواضيعي