كلمة حق

[لولا الامل]

ياجماعه الاحظ انه الكلام والمناقشه الجاده مرفوضه بهالمنتدي وكل شي ممنوع بس مهتمين بالحوادث والاخبار العاديه جداااا لازم نتناقش عن مواضيع واشياء واقعيه بالرمس وراك والامارات بعد وماعتقد فيها شي ابدااااا خصوصا ان المنتدي يحمل اسم الررررمس وايد اشياء صارت وتصير ومحد يتكلم عنهاااا ارجو عدم السكوت عن ترا المنتدي بيفقد المصداقيه ومانبي اي حد ياثر علي المنتدي ابدااااا والحق لازم ينقااااااااااال

[ملك بدون مملكه]

السلام عليكم ورحمة الله وبركاته ....

كيف حالك عساك طيب ......

كلامك صحيح وعلى العين والراس ... لكن يا حبووب منو قالك نحن ضد المناقشه والحوار ..و هل تعتقد كل شئ بنقوله بنكتبه ما يصير ..

في اشياء تسوي حساسيه ومشاكل .. وانته عارف هالاشياء وماحد يبا يدخل عمره في متاهات مالها اول واخر ..وانا اتكلم عن بعض الامور الي حدثة والي
ممكن تحدث .. حاول تتفهم الوضع .. السوء لن يمس الاعضاء وانما اصحاب الموقع لو تركنا الكل يتكلم حيث يشاء بتعم الفوضى واكثر الناس مب محددين خطورة الي يتكلون فيه اللهم بتكلم وخلاص لكن شو بيي ورا هالكلام ما يهمهم ...

خذينا العبره من بعض المواقع الي صار لها مشاكل واايد ولليوم هم مب قادرين يطلعون منها .. ف ليش نحن نودي عمرنا نفس هالدرب ..نحفظ كرامتنا في بعض الامور وليس كل شئ .. والحوار موجود لكن بحدود

شاكر لك الموضوع والاهتمام

وياريت لو تتفهم الوضع وتعذرنا عن بعض الاشياء الي نتجنبها ..


الموضوع نقل لهالغرفه لان اهنيه مكانه ..( الشكاوي والاقتراحات )

السموحه منك ....

مع التحيه

[Her Highness]

انا مع كلام اخوي ملك بدون مملكه


اذا صار شي منو بيتحاسب فالبدايه والنهايه صاحب الموقع ...


ولاحظت شي اللي يتناقشون فهالمواضيع الاعضاء اللي عضويتهم فضيه لان هويتهم مب معروفه



ومحد يعرف منو هم ولو صار ماصار مابينحط اللوم عليهم .....



نحن اناقش اللي نقدر وبدون حساسيه ...



السموووووووحه

[عاشقة القمم]

بها الزمن صار كل شي بحدود ،،
مش كل الكلام نقدر نقوله ،،

"" تفهم الوضع ،، نفس ما نحن متفهمين و ساكتين ""

[أصدآء]

اول شي ارحموا العنوان وعدلوه،،
وسالفة النقاش،،الي صار بمواقع ثانيه يخلي الاداره اتسوي جي،،
بس بعد في بالمنتدى حرية بالحوار بس بحود،،
واترك الرد لأدارة المنتدى،،

[حبر و ورق]

أخوي النقاش مفتوح بس ما يكون مضر بالمصلحه العامه

لكن اذا المواضيع لاثارة المشاكل و البلبله ف اسمحلي ها الشي مرفوض من قبل الجميع مب بس ها المنتدى

و مثل ما قالو اخواني الي يرمسون اصحاب العضويه الفضيه و بعدين الرمسه كلها تطيح على راس الاداره لانه هوية ها الاعضاء مش معروفه..


واضني ما يرضيكم انه المنتدى يتصكر بسبة ها النقاشات

دمتو بود

اختكم

حبر و ورق

[العتيبي]

أخوي الإدارة لا تمنع اي نقاش مفيد و هادف في الموقع بدون لا يثير جدل أو يجرح و يشوه لأي شي

و منها قوانين الموقع الي قاعدين نمشي عليها

و أخوي اذا انت تشوف ان نحن نمنع مثل هذي الحوارات فياريت تحول عضويتك من الفضيه الا الذهبية بعدها اوعدك ان و لا مشاركه لك بتنلغي .. بس بتكون متحمل لكل كلمه بتكتبها و بتكون الادارة فقط كناقله لرأيك الشخصي

و السموحه

العتيبي