برياااني الربيان

**راكو** · 12 - 5 - 2010, 02:59 AM

السلام عليكم والرحمــــــــــــه ...
اشحالكم بنيات وحريمـــ..... سويت برياني ربيان عالغداء .. وكل ما سويت خطوه وصورتها البشكاره اتفج حلجها زياده :1 (36): اتقول فخاطرها بلاها مدام اليوم متخبله اتصور طباخها :1 (7): ... المهم ما بطول عليكم .. عاد ابا تشجيع اول مره انزل اكله فالمنتدى ...

[/IMG]
المكونات:

- عيش " افضل العلمين " - ربيان " استخدمت كيسين ماركة العريش " - زيت عافيه
- ثلاث فصوص ثوم - زنجبيل -2بصل امقطع صغار -2 فلفل حار وجان بغيتى الاكل حار اتزيدين عراحتج - نص ربطه كزبره
2 طماط - علبه روب - صبغة العيش " اصفر واحمر "
- البهارات المعتاده " بزار -فلفل احمر بربيكان -كركم -كزبرة ناشفه -فلفل اسود حب - ملح - ومسمار "

الطريـقـــــــــــــــــة :
اتفورين العيش لين ما يستوى واتراعين انه ما ينهرس
[IMG]

[/IMG]
-تحمسين البصل المقطع والثوم والزنجبيل المدقوق
[IMG]

[/IMG]
- اضيفين الطماط والكزبرة والفلفل الحار
[IMG]

- بعدها اضيفين الروب عالخلطـــــه
[IMG]

[/IMG]
- انظيف الربيـــان والبهارات

بقولكم سر النكهه يمكن البعض ايعرفه ....
[IMG]

[/IMG]
انا متعوده احط آجار فالبريانى صدق صدق يعطي نكهه هنديه .. اهنا ضفت الاجار عالخلطه واتخلين الخلطه عنار هاديه الين ما تغلظ اشوى
[IMG]

[/IMG]
- اول مايستوى العيش اتقسمينه ثلاث اقسام .. واتلونينه بالصبغه الصفرا والحمرا وقسم اتخلينه ابيض شرات ما هو .. صورت لكم العيش يوم حطيت عليه الصبغه الصفرا

اول ما تلاحظين ان الخلطه غلظت اشوى حطي العيش الاصفر ومن عقب العيش الاحمــــر واخر شي الابيض وع راحتج فالترتيب يعنى لاحد يتقيد...

عقبها اتسكرين الجدر بقصدير وادخلينه الفرن بحدود الربع ساعه تقربيا ... وجذه بيكون شكله يوم بتغرفينه ... اوه نسيت .. انا احب المكسرات مع انه فبرياني الربيان ما تنحط مكسرات .. بس عاد انا كيفي .. حطيت صنوبــــر .. امخلص عندي الكاجو والا وناسه الكاجو فبالرياني
[IMG]

[/IMG]

وهذي سفره غدانا ... كنت مسويه تبوله وسلطه روب .. والتمر واللبن شي اساسي فغدانا ...واسمحولي صورت السفره مال سرعه سرعه لان بوالشباب:1 (50): يلس ايقولي بعد بتعرضين غدانا فالمنتدى ماتم شي ما عرضتوه خخخخخخخخ
[IMG]