السلام عليكم ورحة الله وبركاته
اليوم حاب اطرح لكم موضوع مهم
في مجتمعنا هذا والاسلام يحثنا عليه
الي هو عنوان موضوعي اليوم
قبل لا اتكلم عن موضوعي
بكلمكم عن موقف صارلي وانا مسافر
في مره كنت مسافر انا ويه ربعي
وكنا قاعدين في المطعم وصادفونا
شباب من الامارات وحبو يقعدون ويانا
من خلال سوالفنا مع بعض
اكتشفو اثنين انهم اهل من قريب
عيال عم وهم ما يدرون انهم عيال عم
واكيد الكل مستغرب كيف عرفو انهم عيال عم
انا بقولكم كيف ؟ طبعا كل واحد قال اسمه واسم وقبيلته
وانا ياني فضول بعد ما اتشابهت القبايل حبيت اعرف اسم كل واحد فيهم بالكامل اكيد بتقولون ليش ؟
لان كان بين هالاثنين شبه واضح وسبحان الله وهاللحظه اكتشفو انهم عيال عم
شوفو ربكم كيف سبحان الله شوفو الدم وين ما راحو النهايه بيردون لبعض عمر الدم ما صار ماي
وانا اتاثرت وايد في هالموقف علشان جي طرحت لكم هالموضوع
يا اخواني واخواتي
لا تقطعو صلت الرحم حافظو عليها
وصانا الرسول (عليه الصلاة والسلام)
بصلت الرحم ولازم اتخصصو يوم اتزورو
ارحامكم لان صلت الرحم فيها اجر وثواب
وصلت الارحام تقوي الروابط والعلاقات بين الناس
وتنشر المحبه والموده والالفه
ادري انكم لاهين مشاغل الدنيا بيوتكم
وعيالكم ومثل ما قتلكم
لاااااااازم اتخصصون يوم او يومين في الاسبوع عالاقل
واذا كانت المسافه بعيده ارفع التلفون واتصل ما راح تخسر شي بالعكس
وعلشان ترضي ربك وترضي ضميرك بنفس الوقت
واتمنا ان الكل يستفيد من هالموضوع وحاب اناقشكم فيه واسمع رايكم علشان انفيد ونستفيد
ولا تنسو ان صلت الارحام صفه من صفات الرسول (عليه الصلاة والسلام)
واترك لكم الحوار في هذا الموضوع
رد مع اقتباس
ضوابط المشاركة
