غصباً عني ...!!!!؟

[مجرد فكره]

موضوع بيسط في طرحه معقد في تفسيره وشرحه............


سؤال يطرح نفسه ؟


هل هناك عمل تقوم به خلال اليوم تعقتد انه غصباً عليك أن تقوم به وانه دون رغبتك أو أختيارك؟


وإذا كان الجواب نعم ....؟ هل ممكن ان تدكر بعض هذي الأفعال؟




أم أنك تعتقد أنه جميع الأمور الي تقوم بها هي من اختيارك أنت دون تدخل الأخرين في اختيارك
أو بالأحرى إجبارك على العمل بها؟




إذا الموضوع غير واضح .....ممكن اوضح اكثر

وشكرا

[ملكة الزهور]

بالنسبه لي كل اموري مو مجبوره فيها
انا اخذه راحتي بالدنيا عالاخر

[◦ ςℓόşεđ ◦]

.

نشكر لك طرحّك اخوي ..
بس حبيت تطرحَ رايك ووجهة نظرك فالبدآآية ..

الإنسآآن بطبيعته مخير .. وليس مسيَر
فكل شي يسويه ..
بس مرآت في أشيا ينجبر عليهآ أو بالأحرى
يسويها عسب يتحاشى الكثير من الأعباء
الثانيَة ..
فاليوم ماظن إنيِ أسوي شي مب من اختيآآري
بس يمكن فالشهر أسوي شي غصبن عنِي ..
تخوني الذآآكرة أحينة وما يطري عباآلي شي أسويه
غصبن عني ..
بس حلآة الانسان يوم يكون حر نفسـَه ..
تحكمه تصرفآآته وأفعآآله الطيبَة ..

تقبل مرورِي ..
اختكم : // ◦ ςℓόşεđ ◦

[مجرد فكره]

مشكوره ملكة الزهور على المشاركه فالحريه تزرع في النفس قوه

ςℓόşεđ إن شاءالله راي في موضوع ثاني ......مشكوره على المشاركه وانا ما اقصد يوم محدد ولاشي معين
سواء كان هذا الفعل في البيت او العمل او المدرسه او الجامعه


شكرا

[قد الحب]

غصبن عني يووم اروح الكلاااس وانا ما ابي بس شو اسوي غصبن عني اهي اهي

وانت شو تسوي شي غصبن عنك

[Her Highness]

هيه في اشياء مثلا فالبيت مرات الوالده اللي يطول بعمرها تغصبنا ع الاكل مع اني ماابا ولا فخاطري بس آكل عشان



مااكسر بخاطرها



والصراحه في شي ادها وامر ومأثر فيني وايد



كل مااسير الجامعه قلبي يتقطع من اظهر من الرمس انجلب 24 درجه



احس جي ياهل ومتعلق فأمه كل مااطلع اتأمل كل شي جني اول مره اشوف يوم ارد احس بطيرر من الفرحه


يالله الحمد الله ع كل حال بعدنا احس من غيرنا اللي يدرسون برا الدوله



يسلموو ع الموضوع بس مب جنك طلعت فضايحنا ههههههههههه

[مجرد فكره]

قد الحب وام الدحماني شكرا شكرا على المشاركه...^__^


انا كنت أقول غصباً عني أقوم الصبح عشان الدوام ...غصباُ عني اسوي البحث الفلاني.....غصباُ عني اسمع كلام المدير
أو امي أو ابوي .... أو مثل ما قلتوا.


بس انا تعلمت انه الأنسان هو هو الي يختار وما في قوه في الارض تجبرك بأختيار شي معين ومهما كان الشخص الي امامي سواء كان مديري في العمل أو الوالدين او اي احد آخر.



أنا أقول لقد الحب انج مب مغصوبه تروحين إلى الكلاس بأمكانج تقعدين في البيت صح .....
لاكن انتي اخترتي تروحين الكلاس الأنج حسبتيها حسبه وشفتي انه ذهابج للكلاس ورها نتيجه وهي الحصول على الشهاده عشان جي قررتي إنج تروحين..



أما بالنسبة الأخت أم دحماني مب غصباُ عليج تسمعين كلام أمج أو ابوج لكن انتي تعرفين مقدار الأجر الي راح تحصلين عليه لما تسمعين كلامهم او مقدار الأثم إذا ما سمعتي كلامهم فقررتي أنج تسمعين رمستهم .



انا عندي حريه اروح الداوم وأقوم الصبح من عدمه لكن اخترت اروح الدوام عشان ما افصل من العمل فهو من اختياري.


وشكرا مره اخرى(( اتمنى انه الفكره وصلت))

[soso]

انا بصراحة من اقوم الصبح إلين ما ارقد كله غصبن عني ..

مثلا امي تقومني الصبح وانا بعدني ما شبعت من الرقاد ..ههههه

مثلا يوم تي ربيعة ماما البيت فتقول لي سيري يبي قهوة او العصير او قولي للشغاله تسوي ..والله انا مو فاضي خل تقول لإختي العوده ..بس شو اسوي امي ولازم أحترمها ..

ع العموم تسلم اخوي ..~}

[ساحرة القلوب]

هيه في أشياء غصبن علي أسوها و كان هذ السيء و ما يعجبني مثل أكل فهو غصب علي خاطر الوالده مثل ما قالت أختي أم دحماني أو أروح المدرسة فهو غصبن علي أو اسمع كلام الوالدة كلمة كلمة

[سلا الروح]

السلام عليكم ورحمة الله وبركاته



مشكورين ع الطرح ..............موضوع جدا رائع...................