الله المستعان
عرض للطباعة
الله المستعان
اقتباس:
المشاركة الأصلية كتبت بواسطة سفير برتبة وزير
استاذ سفير/وزير... المارجن في اي استطلاع جماهيري يكون بنسبة 5٪ وبالتالي التقييم يكون قريب من الواقع
وعلينا ان نقر بوجود مشكلات في إدارة الاموال لدى الاسرة الإماراتية تختلف باختلاف طباع الناس و البيئة المحيطة وظروف الاسرة الاقتصادية
اجمالاً... النتيجة لو تلاحظونها متقاربة بين من يقول للظروريات ومن يقول للكماليات
وهي بالأخير قناعات شخصية... واللي ايده في النار غير اللي ايده في الماي
وبعدين التصويت طلع كردّة فعل للقرار
شكراً على المشاركة
استهدي بالله يا حجي ناقد... ترى الوافدين فيهم اخواننا في الدين وعلمونا وطببونا واشتغلوا لنا.. واعتقد ما احد ينكر هالشيء وما في داعي تجرحهم...اقتباس:
المشاركة الأصلية كتبت بواسطة الناقد
ليش ما تلوم المواطن اللي تسلف من دون تخطيط ودراسة بحالته المادية... وليش ما تلوم البنوك اللي أغرى هالمواطن على التسلف... وليش ما تلوم المظاهر وحب التفاخر والتقليد الأعمى اللي ورط اناس وعوايل بهالديون... وليش ماتلوم الطمع والجشع وحب جمع المال الذي فطر به بني آدم في هالدنيا الفانية... يعني اختصرت المسافة هاي كلها ورحت تلوم الوافد ... اعتقد نقدك بهالشكل غير بنّاء عزيزي
وبعدين يكون ببالكم شيء لازم تعرفونه... يوم يتم انشاء الصندوق، أكيد بتكون هناك شروط واسس وقوانين تحدد من المستفيد ومن يستحق سداد قرضه، ما يجي واحد متسلف حق تذاكر كشته ويسير للصندوق يطالب بسداد قيمة تذاكره مثلاً، او واحد لهط مليون من البنك يشتري فيهن اسهم ويخسر كل اللي تسلًّفه ويسير عتبات الصندوق يترجاهم
*
الصندوق حاله حال صندوق الزواج وبرنامج الشيخ زايد "الله يغفر له ويرحمه" للإسكان اللي الكل يعرف الشروط والأحكام الخاصة بهم
[align=center]سبحاان الله
المشاكل بكل أنواعها ما تيي إلا من الوافدين العرب >>>> العرب
ان شالله نعيش ونشوف بلدان الخليج بدون واافدين ...
تسلم ياخوي ع الخبر الله يعطيك العافيه
دمت بسعاده من الله ورضااااا[/align]
نورت الموضوع يالكابتن واتشرف فيك اخوي بس ابغي اقولك شي لازم تفهمه انه اللي دخل المواطن فالديون هب ا لبنوك هم الوافدين العرب اللي شغالين فالبنوك وانته بدل ما اتشوف لستطلاع هذا جرب سو تصويت من اللي قنع المواطن انه ياخذ قرض او ياخذ بطاقة والوافدين العرب معروفين ببيع الكلام والكذب والنفاق وهذا شي واضح وضوح الشمس وما يباله اي كلام يعني ويوم علموك ما علموك ببلاش وانته سير بلادهم وجرب انك اتسوي شي وانته غريب بتعرف طبع العرب عنهم ونشامتهم وكرهم لاهل الخليج وحقدهم وحسدهم على النعم اللي نحنا فيها الحمدلله ولكن صدق انهم منافقين عيل اليوم فاتح محل اعشاب طبيه وعقب شهر نفس الريال يحول محله محل عقارات شو الحرفنه هذي والتخطيط هذا ما شاءالله مبدعين اخوانا العرب اللي تمدح فيهم اخوي
اقتباس:
المشاركة الأصلية كتبت بواسطة الناقد
الموظف اللي يتصل بك هذا وظيفته..المطلوب منّه ان ييب زباين للبنك..سواء هالزبون مواطن ولا وافد..الكل سيان عند هالموظف.
انا يا ما تلقيت مكالمات واستقبلت ايميلات ومسجات من بنوك معروفة بالدولة..بس أعرف حدودي وامكانياتي وحاجاتي، و ما يبالها فنتكة.
وترى رد الاخت "حرم علي" فيه جزء كبير من المشكلة..يوم الريال سكّانه مرته...:brows:
وترى بذخ بعض المواطنين واسرافهم في المظاهر والشكليات هي اللي تييب الحسد لينا..وفي الأخير تلقاه متسلّف ومديون.
وياما مواطنين تورطوا في مشاريع فاشلة مو قدها وفتحوا لهم مشاريع لا ناقة فيها ولا جمل، وفي من الناس انتهازيين استغلوا جهل هالمواطن و ضربوا الدج وشردوا..بس هذا مو معناته ان كل الوافدين حقودين وسرّاقين و مو متربّين..ترى حتى هناك بعض المواطنين اصحاب سوابق ومشاكل وسجون بعد...:sm7:
الناقد...اصابع اليد الواحدة مب مثل بعض...وتكفيك هالاشارة
الاقتراض يزيد 7 مليارات بعد ضوابط « المركزي » ؟؟؟ لاتعليق
هذا موضوع الصفحة الاولى في الامارات اليوم اللي يشوفه يقول هذا الموضوع يخص المواطنين ولكن يوم تدخل فالموضوع تعرف انه يخص المقيمين ؟؟؟ اشرب يالكابتن
ليش ما يكون اسم الموضوع بالطريقه هذي
252 مليار درهم قروض الوافدين فالدولة والاقتراض يزيد 7مليارات بعد ضوابط المركزي .
أظهرت بيانات مصرف الإمارات المركزي، التي تم الإعلان عنها خلال الأيام القليلة الماضية، زيادة في حجم القروض الشخصية التي قدمتها البنوك للمقيمين في الدولة، بعد تطبيق نظام القروض الشخصية الجديد، الذي أقرّه المصرف المركزي، وبدأ تطبيقه اعتباراً من بداية مايو الماضي.
ووفقاً لبيانات مصرف الإمارات المركزي، زادت القروض الشخصية للمقيمين في أكتوبر الماضي، لتسجل 252.6 مليار درهم، مقابل 245.6 مليار درهم في مايو الماضي، بارتفاع بلغ سبعة مليارات درهم، وبنسبة نمو بلغت 2.8٪.
السؤال اللي يطرح نفسه
ليش حاطين صور المواطنين فالموضوع مدام الموضوع يخص الوافدين
انتظر ردك يالكابتن
اقتباس:
المشاركة الأصلية كتبت بواسطة الناقد
الخبر هذا ينطبق عليه المثل: اللي يشوف مصيبة غيره..تهون عليه مصيبته
نحمد الله ان الشيخ خليفه الله يجزيه كل خير خصص صندوق لدعم المواطنين في قروضهم
هذولا الوافدين منو بينقذهم من مقصلة الديون اذا فشلوا...ما عندهم غير الشردة
نعم أخي الناقد ,,
قد قلت جزء كبير من واقع لحياتنا اليوميه ,,فالمواطن الآن يقترض
لكي يكمل بناء منزله الذي كان في السابق لايكلف تلك المبالغ الطائله ..
وبعد البنيان توجد أساسيات وليست بالكماليات من أثاث وفرش..
السياره هو بحاجه ماسه لها وبعد أرتفاع أسعار السيارات ولو بأقل الماركات
فهو مضطر لشراء السياره الأفضل لكي تبقى معه إلى أجل مسمى
وتلك السياره لابد لها من تشييك وبيمه والخ تلك ميزانيه أخرى ..
ناهيك عن متطلبات الحياه من أمور بسيطه إلى أثقل الأمور نضطر إلى
المستشفيات الخاصه كي نختصر الكثير من الوقت (بلوعة الكبد ) من مواعيد
الحكوميه الطويلة الأمد ,, الجمعيات تكلف الملابس تكلف مستلزمات الدراسه تكلف ..فلا تلومو المواطن ..
ربما أقول ربما في السابق يقترض المواطن لأجل الرفاهيه أما اليوم فمحال
إلا من كانت رواتبهم في أعالي السماء فلا توجد حاجه للأقتراض لأن كل شئ متوفر لهم والحمدلله,, وإذا ما قارنا حياتنا الماديه من الغلاء فنحن الأعلى بين دول المنطقه
وكلما أرتفع الراتب هوجمنا بالزياده التي لا تصد ولا تحاسب .
ام الولد ,,
الله يعين المواطنين شيوخنا طول الله بعمارهم ما يرضون في عيال بلادهم وما مقصرين هم دائما بالشوفة ويساعدون وما يرضون شي يضايق عيالهم الموطنين لكن البنوك اللي تزيد من ارصدته اللي فيها الزلمات وغيره وغيره مغرقين هالفقراء