تكتشفان بالصدفة ان زوجهما واحد

[اماراتي وافتخر 40]

حفيد المقام ما اعرف اذا انت متزوج ولا كلامك بس مجرد كلام وخلاص

العلاقه اللي تربط الزوجين ما تكون بس لعلاقه الزواج وانجاب الاطفال وخلاص....تكون فيها ثقه وحب ورحمه وحفاظ للكرامه من الطرفين..

وابسط حق هو الثقه بينهم...وبهذا اللي صار وين الثقه؟؟؟..فيه شي اسمه مشاعر..وعاطفه الحرمه تراها تنجرح....الحرمه تعطي الريال كل قلبها وما يكون رد العطاء بإنه يكسر قلبها..وما اعتقد انه شي من المعنى بيوصلك...اللي براسك براسك

الزوج من حقه يعرس بدون مايخبر زوجته الأولى

يعني ليش جلبتوا عليه نذل وغيره من هذه الأمور

هو أخطأ بضرب زوجته أما إنه تزوج أكثر عن حرمه فهذي مافيها شي

التعدد خير

رغم على إنوف الذين ﻻيرضون بتعدد

[al3amri55]

السلام عليكم ورحمه الله وبركاته

اولا مافي دليل في الشرع بطلب الاستئذان من الزوجه الاولى .
ثانيا الاخت الكريمه الي تقول انها مب محتاجين لاحد ليش هي نست انه ابوها ريال ما شاء الله عليه واخوانها مب رياييل ما شاء الله عليهم يعني هي محتايه وحاجتها لزوجها هي اكبر حاجه لتكوين اسره سعيده مستقره .
ثالثا انا نفسي افهم اذا الوحده كملت دراستها واشتغلت يعني بفلوسها بتشتري زوج وتقدر تشتري يهال بعد ؟؟؟؟؟؟؟؟
واخيرا ياما قرينا في المجلات والجرايد والمنتديات انه يامه مهندسات ودكاتره فاتهم قطار الزواج واصبحوا عوانس وندمامين اشد الندم في اليوم الي رفضوا المعاريس والحين خاطرهم يعرسون ولو حتى تكون الزوجه الرابعه بس علشان يشوفون عيالهم .
المهم انا ضد الرجل الي يمد ايده على زوجته ام عياله بس من اكبر المشجعين للتعدد وياكثر العوانس الي موجودين في بلادنا والله كريم .

[ابو ابراهيم]

من الردود خطر على بالي تساؤل!!!!
فرضا تزوج شاب من فتاة و بعد سنة أو سنتين اكتشف صدفة انه زوجته كانت قبل مايتزوجها متزوجة و تطلقت و عندها أبناء و ماأخبرته بوضعها السابق عنما تقدم لخطبتها أو قبل الزواج؟؟؟؟ شو بيكون شعوره؟ و كيف بتكون ردة فعله؟؟؟

[رويدا]

يصلح يكون فيلم عربي الصراحة وأنا أول وحده دموعي بتنزل ع مجريات وآحداث القصة
العلاقة الزوجية علاقة ود واحترام متبادل إذا ضاع الود والاحترام ضاع كل شيء والريال اللي يمد أيده اعتبره مب محترم وجهة نظر

[ميمي الصغيرونه]

وباشر بالصراخ وبضرب زوجته التي أغمي عليها


اي نوع من الرجال انت ؟!!

[حفيد المقام]

الاسلام اباح التعدد، لكن حسب علمي ما أباح الغش والخداع و انتهاك كرامة الآخرين

يابو إبراهيم وين الخداع والغش

رد لشريعه الإسلاميه وشوف هذا جائز ولالا وبعدين تكلم

لاتتكلم بهواك دينا مافيه غش وخداع وإنتهاك كرامة

وحاسب على الكلمة يوم تطلع منك
وإذا ماعندك علم بالدين فسكت أحسن

[حفيد المقام]

حفيد المقام ما اعرف اذا انت متزوج ولا كلامك بس مجرد كلام وخلاص

العلاقه اللي تربط الزوجين ما تكون بس لعلاقه الزواج وانجاب الاطفال وخلاص....تكون فيها ثقه وحب ورحمه وحفاظ للكرامه من الطرفين..

وابسط حق هو الثقه بينهم...وبهذا اللي صار وين الثقه؟؟؟..فيه شي اسمه مشاعر..وعاطفه الحرمه تراها تنجرح....الحرمه تعطي الريال كل قلبها وما يكون رد العطاء بإنه يكسر قلبها..وما اعتقد انه شي من المعنى بيوصلك...اللي براسك براسك

ياأخيتي الحب والود يبقى وهذا مايأثر عليه


لو إن هذا العمل فيه شي جان حرمته الشريعه

جزاج الله خير كلامي كلام وبس

إذا هذا الشي فيه شي محرم صلحيلي بالدليل من الكتاب والسنة

ومستعد أقبله

[حفيد المقام]

من الردود خطر على بالي تساؤل!!!!
فرضا تزوج شاب من فتاة و بعد سنة أو سنتين اكتشف صدفة انه زوجته كانت قبل مايتزوجها متزوجة و تطلقت و عندها أبناء و ماأخبرته بوضعها السابق عنما تقدم لخطبتها أو قبل الزواج؟؟؟؟ شو بيكون شعوره؟ و كيف بتكون ردة فعله؟؟؟

لهدرجه مايعرف يفرق بين البكر والثيب

الله المستعان

[نبض انسان]

يا ادراه اغلقى الموضوع

[ابو ابراهيم]

يابو إبراهيم وين الخداع والغش

رد لشريعه الإسلاميه وشوف هذا جائز ولالا وبعدين تكلم

لاتتكلم بهواك دينا مافيه غش وخداع وإنتهاك كرامة

وحاسب على الكلمة يوم تطلع منك
وإذا ماعندك علم بالدين فسكت أحسن

الكلام مب عن التعدد، الكلام عن اللي يسير يخطب و يتزوج و مايخبر اللي بيناسبهم عن وضعه ان كان متزوج او عازب، هل هذا في رأيك من الشرع؟ و اذا كان هذا الفعل من الشرع حسب ماتفضلت فأنا اكون جاهل بالدين.
و اذا ممكن اضيف ( افضل اتعلم الأحكام الشرعية من عالم مب من واحد يبيح الخداع ) لأن اخفاء حقيقة من هالنوع في رأيي غش و خداع