كيكة البرتقااال آخر اختراعاتي لليوم ^____^حياااكم خطوة بخطوة وبالصور
|
السلام عليكم ورحمة الله
قبل ما ابدى انزل الخطوات وطريقة الكيكة بقولكم كالعادة كيف كانت البداية قبل ما اخطط وانوي اني اسوي الكيكة ^___^ كنت ناشة العصر لأني كنت امواصلة البارحة عسب انه كان عندي امتحان اليوم والحمدلله عدى على خير ومن رديت البيت دخلت المنتدى واتصفحته عالسريع عسب اظيع وقتي لين يأذن الظهر,,اذن الظهر صليت وحطيت راسي ورقدت ليييي العصر >_<(لا بالله رقدنا اليوم فليل)المهم نشيت يووعانه فقلت ابا اتغدى وانا اكره ما علي اتغدى ابروحي
بس شسوي هالمره مضطرة >_<سرت المطبخ اجيك عالغدى اشوف شو الموجود,,مممم شو تتوقعوون كااان؟؟؟ ^____^
يمي يمي أحلى غدى عندي كانوا امسوينه والله اتحسفت ليش اني ما اتغديت ويا اهلي ,,حسيت عمري شرات القطوة وانا فالمطبخ >_<
وهاي صورة غدااي ^__^
المهم خلصت غداي وقررت اسوي كيكة دامني فاظية ^___^فكرت فكرت شسوي شسوي وآخر شي قلت بخترع كيكة يديدة,,كنت ناوية اسوي كيكة برتقال ابقشر البرتقال بس للأسف ما شي برتقال>_<وقلت على الله بسويها بعصير البرتقال بس والله طلعت لذييييييييييييييييييييييييييييييذة
وهاي المقاادير خلونا انشوفها ^___^
فانيلا سائلة خاشوقتين كبار-فانيلا بودرة خاشوقة صغيرة-خاشوقتين اكبار بيكنج باودر-كوبين عصير برتقال(خالي من الشكر)-نص كوب زيت-4/3كوب شكر-كوب و4/3كوب طحين رقم1-حليب بودرة 3خواشيق كبار-بيضتين-شوية ملح
احط البيض فخلاط العصير
والشكر
والحليب
والبيكنج باودر
والفانيلا
واخلط على أقل درجة
اظيف الزيت
عقب اطلع الخلطة واحطها فملة
احط اشوية اطحين
اخلط اشوي عقب اظيف الفانيلا
وعصير البرتقال بس مب كله على دفعات
واخلط ابسرعه(طبعاً لأن ماعندي خلاط كهربائي انا مادري وين ايودوون الاجهزة فالبيت>_<فقلت يالله ماعليه خلني اربي عظل>_<)
احينه الملح
لين تستوي العجينة جذا(شوفي شقا سايحة مثل عجينة لجباب)
ابهالوقت اشغل الفرن على درجة180 واجهز صحن البايركس الي بسوي فيه ,,كالعادة ادهنه بزيت عقب ارشه بطحين
اصب الخليط فالبايركس واحطه بالفرن
فهالوقت اذن المغرب وصليت رديت ييت المطبخ انا وكتيبي عسب اجيك على الكيكة كل اشوي ,مافيني يرووح تعبي عالفاظي>_< (لا تنسون صورة الواقعة بعد كل صلاة مغرب لأنها فاتحة للرزق ^__^)
لين ما تستوي العجينة قررت اني اشتغل على غلافها(كثيراً ما اتسيرون المخابز والسوبرماركات واتلاقون فقسم الحلويات الكيك يلامع وشكله مغري ^___^صح ولا انا غلطانه؟؟فحبيت اعلمكم طريقة هاللمعة للي ماقط سمعوا فيها )
اييب مربى المشمش
اتحيدون هالمقلاة؟؟^__^يوم سوينا فيها التوفي؟؟؟قتلكم خلو مقلاة وجدر خاص حق الحلويات عسب انه بنرد نشتغل عليهم فأشياا ثانية وما ينفع اتحطون حيالله جدر
اهنا حطيت المربى على النار وجهزت قلاس ماي ,,الماي اهنا عسب اخفف من لزوجة المربى (لأني ماباه يكون غليظ)وبتحطين الماي كل من شفتي المربى يغلي
فهالوقت كيكتي جهزت
اقرب كل شي عندي عسب ما اخيس البقعة ^___^
اهنا جلبت الكيكة وياسة ألمعها بالمربى
واهنا يوم خلصت التلميع
وهاي اقرب(شوفي شقا اتلامع ^___^)
المهم سرت الصالة عسب اراويهم الكيكة وياااااااااااااااااالعظيم ما رأيت
انا من دخلت الصاااالة أقول حشى سوووق سمج مب صالة >_<
شوفوا ليش قلت جذا..
الوالد جالب البقعة هو والوالدة واختي ويهالجاشع الي يايبينه >_< انف وااابوويي
وزعلت لأني ماحب الجاشع وكنت من قبل احن عالوالد اقوله ابا يوبل بس ما يابلي
وهاااي ست الحسن والدلال الوالدة وهي اتقص الكيكة ^____^
وهاي حق اول عضوة تدخل موضوعي ^___^
اتمنى اتجربونها وتعطوني راايكم ابصراحة ^____^
وفمان الله
آاآاآاآاهـ وآللـه إنـي ميتـه يـوووع ورقـآد
أبـي وليمـة أبي أضرب بالخمـس وعقـب أحلـى بالكيكـة الخـآصـة لـي هـع ~> صدقـت عمـري
وعقـب أغـض بنـوووووووومـه ليـن مـآ أقـول بــــــــــــــــس
||||||||||||||||||||||
||||||||||||||||||||||
مـآ شـآء آللـه عليـج أختـي دومـج فنـآنـه
خـآطري خـآطري أجـرب أكـل من إيدج ~> خوفـي بـس آكـل أصـآبعـي ورآهـم هـع
~ْ|| تسلميـن إختـي ع الطـريقـة .. ربـي يعطيـج ألـف عـآفيـة ||ْ~
~ْ×|[ تسلميـن إمرآهـ لـآ تُنسـى ع التوقيـع النـآاإاأايـس ]|ْ~
.
اخ ما لحقنا والا كنت باكلها هههه
الله يحفظكم جميعا ويبارك لكم في دياركم وربي يوفقج يالطيبه وكل يوم نكتشف موهبه يديده والى الامام ان شاء الله
[glow1=00cc00]
[align=center]
تسلميـن إختـي ع الطـريقـة
الله يعطيـج ألـف عـآفيـة
[/align]
[/glow1]
واااااااو يمي يمي شي يفتح النفس
انا كنت اسويهااا بعصير برتقاااال فرش يمي يمي لذيد
يعطيج الف الف عااااافيه
يعطيج العافيه اختي وشكرا لج ع الكيكه
يعطيج العافيه اختي
الطريقة وااايد حلوة
تسلم إيدج
[flash=http://www.shy22.com/upfiles/EBT85197.swf]WIDTH=600 HEIGHT=400[/flash]
ما عليج زود يالغالية ^___^المشاركة الأصلية كتبت بواسطة عاشقة القمم
مشكورة على مرورج
وما يغلى عليج الصحنفديتج
المره اليايه ان شاء الله ^____^
ومشكور عالدعاوي الطيبة وعمرورك الي نور الموضوع
الله ايعافيج ^___^ويسلمج
مشكورة عالمرور حبوبة
ضوابط المشاركة
رد مع اقتباس
