تكتشفان بالصدفة ان زوجهما واحد

[حفيد المقام]

الكلام مب عن التعدد، الكلام عن اللي يسير يخطب و يتزوج و مايخبر اللي بيناسبهم عن وضعه ان كان متزوج او عازب، هل هذا في رأيك من الشرع؟ و اذا كان هذا الفعل من الشرع حسب ماتفضلت فأنا اكون جاهل بالدين.
و اذا ممكن اضيف ( افضل اتعلم الأحكام الشرعية من عالم مب من واحد يبيح الخداع ) لأن اخفاء حقيقة من هالنوع في رأيي غش و خداع

بدايتن أخي الفاضل رد للعلماء مثل ماتفضلت وإسألهم هل يجب علي أن أخبر زوجتي الأولى إذا بغيت أزوج

وقولهم إني أعتبر هذا التصرف غش وخداع

وبييك الجواب

انا ما آخذ الأمور على هواي

فيه نص يحرم خلاص حرام

بس إذا مافيه أيي احرم على كيفي

وبعد أسميه غش وخداع

الله المستعان

إسأل العالم وبعدها رد علي خبر

[اماراتي وافتخر 40]

حفيد المقام ما اعرف اذا انت متزوج ولا كلامك بس مجرد كلام وخلاص

العلاقه اللي تربط الزوجين ما تكون بس لعلاقه الزواج وانجاب الاطفال وخلاص....تكون فيها ثقه وحب ورحمه وحفاظ للكرامه من الطرفين..

وابسط حق هو الثقه بينهم...وبهذا اللي صار وين الثقه؟؟؟..فيه شي اسمه مشاعر..وعاطفه الحرمه تراها تنجرح....الحرمه تعطي الريال كل قلبها وما يكون رد العطاء بإنه يكسر قلبها..وما اعتقد انه شي من المعنى بيوصلك...اللي براسك براسك

الزوج من حقه يعرس بدون مايخبر زوجته الأولى

يعني ليش جلبتوا عليه نذل وغيره من هذه الأمور

هو أخطأ بضرب زوجته أما إنه تزوج أكثر عن حرمه فهذي مافيها شي

التعدد خير

رغم على إنوف الذين ﻻيرضون بتعدد

[حفيد المقام]

حفيد المقام ما اعرف اذا انت متزوج ولا كلامك بس مجرد كلام وخلاص

العلاقه اللي تربط الزوجين ما تكون بس لعلاقه الزواج وانجاب الاطفال وخلاص....تكون فيها ثقه وحب ورحمه وحفاظ للكرامه من الطرفين..

وابسط حق هو الثقه بينهم...وبهذا اللي صار وين الثقه؟؟؟..فيه شي اسمه مشاعر..وعاطفه الحرمه تراها تنجرح....الحرمه تعطي الريال كل قلبها وما يكون رد العطاء بإنه يكسر قلبها..وما اعتقد انه شي من المعنى بيوصلك...اللي براسك براسك

ياأخيتي الحب والود يبقى وهذا مايأثر عليه


لو إن هذا العمل فيه شي جان حرمته الشريعه

جزاج الله خير كلامي كلام وبس

إذا هذا الشي فيه شي محرم صلحيلي بالدليل من الكتاب والسنة

ومستعد أقبله

[اماراتي وافتخر 40]

انا ما عارفه شو ارد عليك

معقووووووول يا حفيد المقام ما فيه عندك شي اسمه الوفاء...

حفيد المقام...معقول ما تشوف الخديعه باللي صار؟؟؟

بنظرك عادي لازم تتقبل كل وحده اللي صار ولا كأنه مستوي شي

حفيد المقام...رفقا بالقوارير....انت ما قادر تحس شوه هالشي يكسر الحرمه...ابسط حق لها عليه انه يخبرها ع الاقل..يحترم آدميتها...

اسمح لي بس انت شخص جدا قاسي

ياأخيتي الحب والود يبقى وهذا مايأثر عليه


لو إن هذا العمل فيه شي جان حرمته الشريعه

جزاج الله خير كلامي كلام وبس

إذا هذا الشي فيه شي محرم صلحيلي بالدليل من الكتاب والسنة

ومستعد أقبله

[حفيد المقام]

انا ما عارفه شو ارد عليك

معقووووووول يا حفيد المقام ما فيه عندك شي اسمه الوفاء...

حفيد المقام...معقول ما تشوف الخديعه باللي صار؟؟؟

بنظرك عادي لازم تتقبل كل وحده اللي صار ولا كأنه مستوي شي

حفيد المقام...رفقا بالقوارير....انت ما قادر تحس شوه هالشي يكسر الحرمه...ابسط حق لها عليه انه يخبرها ع الاقل..يحترم آدميتها...

اسمح لي بس انت شخص جدا قاسي

إخيه إنتو ليش مكبرين السالفه

أحب زوجتي وودها وأحترمها

بس مب معناته إذا ماخبرتها بزواجي أكون خاين للوفاء الي بينا

وهذا شي مباح ومافيه شي

إذا دخلت بالمحضور ردو علي

جزاكم الله خيرا ترا النقاش مايخلص

وكلن له رأي يجيب الدليل معه أما العواطف والأهواء فلا أعترف بها

وهذا ليس مجلس للنقاش وكلن يرد ع الثاني

[alrahbi20]

لا حول و لا قوة إلا بالله

[ام حمده]

فوق الشين قواة عين. وين الرجوله والحريه إذا فيه كذب وخداع. ؤلا بعد ضرب. وجدام الناس

[بنت محمد]

لا حول ولا قوة إلا بالله
الله يكون في عون الحريم

[al3amri55]

السلام عليكم ورحمه الله وبركاته

اولا مافي دليل في الشرع بطلب الاستئذان من الزوجه الاولى .
ثانيا الاخت الكريمه الي تقول انها مب محتاجين لاحد ليش هي نست انه ابوها ريال ما شاء الله عليه واخوانها مب رياييل ما شاء الله عليهم يعني هي محتايه وحاجتها لزوجها هي اكبر حاجه لتكوين اسره سعيده مستقره .
ثالثا انا نفسي افهم اذا الوحده كملت دراستها واشتغلت يعني بفلوسها بتشتري زوج وتقدر تشتري يهال بعد ؟؟؟؟؟؟؟؟
واخيرا ياما قرينا في المجلات والجرايد والمنتديات انه يامه مهندسات ودكاتره فاتهم قطار الزواج واصبحوا عوانس وندمامين اشد الندم في اليوم الي رفضوا المعاريس والحين خاطرهم يعرسون ولو حتى تكون الزوجه الرابعه بس علشان يشوفون عيالهم .
المهم انا ضد الرجل الي يمد ايده على زوجته ام عياله بس من اكبر المشجعين للتعدد وياكثر العوانس الي موجودين في بلادنا والله كريم .

[ابو ابراهيم]

من الردود خطر على بالي تساؤل!!!!
فرضا تزوج شاب من فتاة و بعد سنة أو سنتين اكتشف صدفة انه زوجته كانت قبل مايتزوجها متزوجة و تطلقت و عندها أبناء و ماأخبرته بوضعها السابق عنما تقدم لخطبتها أو قبل الزواج؟؟؟؟ شو بيكون شعوره؟ و كيف بتكون ردة فعله؟؟؟