المسابقه السياحيه الكبرى_ رحلتنا لتركيا * لبنان

[ولد المستشار]

السلام عليكم ورحمه الله وبركاته


حبيت اعرض عليكم رحلتنا واللي بدت من تركيا على الخطوط الجويه التركيه


عدد الافراد 6 اشخاص فوق ال10 و 2 تحت 10 سنوات



بدت من اسطنبول و عاصمه تركيا هي (انقره)










صوره لاماره دبــــــــــي من فووووووووووق ..





معلقين بين السما والارض










مابغينا نوصل اعتقد بعد 5 ساعات والله اعلم مب متأكد نسيت ههههه





نحن مانعرف بسالفه الفيزا ولا ماعرف شو المهم وقفنا ويوم يا دورنا قالوا النا

والكل نفس الحاله مب بس نحن











هذا علم تركيا








واخيرا وصلنا الفندق










كل واحد شل قشه وراااااح غرفته من التعب محد يعرف الثاني











قعدنا ثلاث ليالي باسطنبول

اول ليله مارحنا مكان يدوب رقدنا ويوم نشينا رحنا تعشينا ولفينا شوي بالسوق


ثاني يوم بدينا جولتنا وكنا مع قروب سياحي وحجزنا من الفندق



اول من قسمين القسم اللي فوق من ماعرف منو مال مصر ههه


واللي تحت من نابليون على مااعتقد مب مثبت المعلومه 0 بالتاريخ








وهذا بعد هديه من ماعرف منو وهو عباره عن نحاس >>> اعتقد








هذا المسيد الازرق


علل لماذا سمي بهذا الاسم ؟؟؟ الشاطر بالتاريخ يجااوب






















هاي مسكينه واقفه برع تطالع الساير والراد اشكال والوان





من داخل
















تااااااااابع ...

[ولد المستشار]

هنيه رايحين مسيد آيه صوفيا (كنيسه سابقا) والمسافه بين المسيد الازرق وايه صوفيا قصير وتقدر تشوف ايه صوفيا من المسيد الازرق





هالحديقه بين الاثنين..




آية صوفيا ..

تقع في القسم الأوروبي من اسطنبول - تركيا .
كانت كنيسة بيزنطية سابقاً وتحولت إلى مسجد وهي تعتبر خلاصة الهندسة المعمارية البيزنطية

وكانت الكاثدرائية الأكبر في العالم تقريباً منذ ألف سنة حتى تم إكمال كاثدرائية إشبيلية في القرون الوسطى (1520م) .

البناء الحالي بني بالأصل كـ كنسية بين عامي (532م - 537م) وفق أوامر الإمبراطور البيزنطي "جوستينيان"
وقد تم تصميم آية صوفيا من قبل مصممين اثنين هما "إيزيدور" و "أنثيميوس" .

في عام (1453م) فتحت من قبل الأتراك العثمانيين والسلطان "محمد الثاني" وطالب بتحويلها إلى مسجد .. فتم إزالة الأجراس والمذبح وبعض المميزات المسيحية والعديد من الفسيفساء أيضاً وتم إضافة المميزات الإسلامية مثل المحراب والمنبر والمآذن الأربعة من الخارج .

بقي كمسجد حتى عام (1935م) عندما تحول إلى متحف في ظل تركيا العلمانية .









مغاسل فالساحه الخارجيه






هالاعمده والاعمده اللي داخل اهداء واعتقد من بلاد الشام







المدخل ..













فوق فحواف الباب كانت علامتين صليب ع الاطراف ..

ht






فهالصوره علامه السهم الموجوده ع الباب كانت صليب وبعد مافتحها( محمد الثاني) >>الفاتح تحول لمسيد وغيرت العلامه لسهم












بين الله ومحمد شي رسمه وكانو يقصدون فيها مريم العذراء ..


وبلوحات مشابهه للي مكتوب عليها محمد والله مكتوب اسامي الخلفاء الراشدين كل واحد بلوحه ..






هنيه لما كان كنيسه ع الرسمه عباره ع طير او شي جي المهم المقصود فيها الملائكه والروح الطاهره بالنسبه الهم







رحلتنا كانت بهالباص العجيييييييييييييييييب







بعدين اونه معرض السجاد (الزوالي ) الصراحه عجييييييييبه بس غااليه وايد يعني الوحده ع 50 الف








رحنا يمكن عقب ثلاث مسايد ..


عند اخر مسيد هذا حد يبا ؟؟






والمسيد كان بنص هذا السوق ..








عقب رحنا متحف وفيه بعض مستلزمات الرسول الوصحابه والخلفاء بعض كسوه الكعبه وسيوف بس للاسف


التصوير ممنوع مع انه احلا مكان واستانسنا فيه واايد

[ولد المستشار]

كانو يسوون عروض ورقصات خاصه فيهم ..





هالمنظر عيبني






هاي الشيره شكلها عجيب مجوفه سبحان الله ...






هالصور بالدسه عقب شلو كم من كيمرا وتيلفون عن السياح جان اندخل الكيمرا بكرامتنا ..













وثالث يوم رحنا من اسطنبول الى بورصه عن طريق الباخره بس مع السياره من


الفندق (اسطنبول ) الى فندق بورصه تكلفه المواصلات كانت 700 ليره تركيه كنا
نصرف ال100 دولار ب 110 ليره تركيه والتعامل فتركيا كله بالليره التركيه عكس
ماقالوا النا كنا ماخذين دولارات ويورو



نترياااا دورنا سيارات داخله وسيارات طالعه








واخيرا يا دورنا ..









هذا الفندق اللي سكنا فيه فبورصه



















موقع الفندق خطير ع يساره هالحديقه والجهه الثانيه مركز وتمشي مال عشر دقايق حديقه والعاب ..





هالساعه اول ماشفتناها جان نقول الساعه فبورصه تشير الى 8 وف الرمس بين 11 و10





بعد من ارتحنا من عنا السفر قررنا نروح الحديقه ..

مع انها قريبه بس ماكنا ندلها عدل فرحنا بتكسي ب20 دولار المواصلات غاليه لان


البترول عندهم غالي..


اختي الا تاخذ وحده من هاييل اونها يذكرونها بالطفوله ع قولتها مب جنها بتصك ال 21







الحديقه هاديه وجوها عجيييييب وينفع للعوايل واايد وماتحلا الحديقه الا بهذا








هالنافوره عجيبه كل شوي تتغير وتتحول لاشكال وااايد






الحديقه عوده ومثل مافيها طبيعه فيها العااااااب خطيييييييييييرررره

[ولد المستشار]

ثاني يوم رحنا مع قروب سياحي وبعد الحجز كان

عن طريق الفندق


هاي الشيره العملاقه عندهم من 600 سنه على مااعتقد




هالماي من الشيره ماعرف من وين ايي ؟؟





ناس فالقهوه تشرب جاي وناس متفيجه تاكل هذا ..


بس والله لذيييييييييييييييييذ






هذا اربيعي حلووووووو صح ؟؟







عقب دخلنا بيت الاغا ع قولتهم هذاك الخبر الطررررررررررررو الجاي بو التفاح الحامض عجييييب






كله ولا كرسي العرش اللي تربعت عليه








عقب اونه شلال وشلال وطلع هذاا








حان وقت الغداء طبعا وهالمطعم مشهور عندهم بالسمج اييبون لك سمج وتشويه روحك


واذا بغيت طبعا هم يشوونه واييبونه بس موقع واكله خباااااااااااااااااااااااااااااااال









حزر فزر شو هذا ؟؟؟؟؟



شو تتوقعووووون ؟؟؟






هذا سمك بس شو لذيييييييييييذ خباااااااال






وعقب رحنا مال العسل وهالسوالف بس ماصورنا ومصنع القطنيات ع قولتهم



واخر شي هلكنا ونتريا القروب يكتمل وشفنا مهرجان قلنا بنيلس ونتفرج الفرجه ببلاش



وفجأه يزقرون العرب تعالوا شاكوا طبعا رمسوا بلغتهم مافهمنا شي ويوم رمسوا بالانجليزي




استوعبنا السالفه وطرشنا الهم اختي تشارك وياهم


بس صدق جو المهرجان يرد الروح وناااااسه






وثالث يوم انتقلنا ليلوى استأجرنا سياره تنقلنا ..



هذا الفندق











الكل يتيمع تحت يشوفون نور وعقبها سنوات الضياع ونحن نقعد ع البلكونه ويوم تخف الزحمه سرنا تعشينا




حاجزين الطاوتين الللي بالنص



بس بالذمه هالصحن اللي ع قولتهم وجبه تسوي 85 دولار للصحن الواحد




بعدين بكمل تعبت ..

[ابن الإمارات]

ذكرتنى والله بأيام تركيا

بس أعتقد سفرتنا كانت أحلى الى تركيا

[ولد المستشار]

ذكرتنى والله بأيام تركيا

بس أعتقد سفرتنا كانت أحلى الى تركيا

اكيد كل واحد بيشوف سفرته احلا


يعني نحن مانحب نسير شقق والاغلب يوم يسافرون يسيرون شقق مع انها ارخص


بوااااااااااااااااايد في ناس يستمتعون فيها ويحسون الشقه احلا بس عندنا مالها متعه



نحب نتنقل من مكان لمكان عيل ليش مسافرين عسب نقعد فشقه ونشتغل والاهل يطبخون


مايتسمى سفر حلاته السفر والكل يخدمك ....


وع الطلعات ترا قعدنا بكل منطقه ليلتين ونسير اغلب الاماكن المشهوره والسياحيه



الحمد الله نحن استانسنا ومايهمنا رمسه حد ..

[ولد المستشار]

ثاني يوم رحنا الشلالات والنبع اللي عندهم وبما ان نحن ماخذين السياره وماشي غيرنا


ماكملنا رحلتنا وقلنا للسايق يتريا كملنا يومنا ويا الربع والاهل الموجودين هناك ..



فدرب الشلالات اختي تحاتي شي واحد لو يت سياره بالدرب الثاني كيف بنمر



وشو بيستوي بنا ..



لان الشارع بهالمساحه ..







وهالصوره الشارع من بعييد







واخيرا وصلنا بالسلااااااامه والمنظر يرد الروووووح







الجو كااااان خطييييييييييييير


يمكن بعض الصور مب واضحه لان التصوير من داخل السياره









وهالمنطقه فيها نبع حار وعندهم اعتقادات بالنسبه له ......


هالماي للشرب










اللي يبا يحط ريله يقرب يمدحوووووووون الماي الحار للريل






وهذا الله يسلمكم للويه بخاااااااار وريحته جنه عود معطرر >>> العكس صحيح





وهالاختراع يقولون الكم اللي يبا الحظ ولا يستوي له شي حلو يربط شي


والخلق هناك يقطعون من ثيابهم ويربطون ..





وعقب خذنا النا لفه بهذا









عقب ماخلصت الجوله شفت هذا وبغيته يرسمي بس المشكله كان يبالها وقت لين ماتخلص


ونحن بنروح اليوم اللي بعدهم فهونت وقلت الايراني اللي بالقريه العالميه يمدحووووونه







ماخلينا شي الا وخذناه ومن عندهم ..







وفي نااااس متفيجين خلو العالم كله وتصوروا ويا ؟؟؟






سوقهم حلو بس احس كل شي موجود الامارات ..





عاد المتفيجين بس فالحين يصورون جلاب






هنيه عاد نو كومنت صدق ان هالمنطقه كلها محتله من قبل العرب وخصوصا الخليجيين






الشي الغريب ان برا البلاد عادي ياخذون الخبر والصمون لو وين كان بس فالبلاد بطرررررر



بس الحق ينقال صمونهم حلوووووووووووو





حد يبااااااااااااااااا


والله خاطري فيه









هذا شارع الرمس اغلب اللي فهالشقق مال الرمس







هنيه وصارت عندنا حاله طارئه ماكملنا الرحله وع طوووووول ع الصيدليه


هالاسم الحلو اسم الصيدليه





احلا شي الجيس مالهم يفتح النفس






ونحن واقفين لفت انتباهي هالمحل وسرت استكشف شو هذا


تعرفون شو طلع لحم بس معلق بطريقه حلوه وتلفت الانتباه






اليوم اللي بعده ردينا اسطنبول بنفس الفندق ليله وحده وبعدها رحنا لبنان


بس حبينا نغير نوع الباخره وردينا بهاااااااااي





كنا حاجزين هالكراسي (مجابلين بعض ومع طاوله بالنص ) وطريقه الحجز قبل بيوم 70ليره تركيه


ومن الفندق حجزنا سياره تستقبلنا وتوصلنا للفندق ب 40 دولار والحجوزات كلها عن طريق


الفندق اللي كنا فيه














واليهال كان فيه مكان مخصص الهم وفيه العاب بس نحن عيالنا اونهم يستحون ومايحبون



يحتكون بحد



وهالنوع الثاني من الكراسي الموجوده







وكنا مقررين نروح بعض الاماكن بس يانا امر من طويله العمر ان محد يظهر


تسمع صوت اسعاف وقبلها بيومين مستويه تفجيرات ..



آخر يوم فتركيا ماحجزنا مع شركه سياحيه لان الوقت ماكان مناسب



فقررنا نغير طريقه الطلعه ونستكشف بروحنا لين ماتوصل السياره اللي بتودينا المطار



وظهرنا بهذا كان قريب ومجابلبنا و الوالد والوالده الله يطول بعمارهم ويخليهم مايخلون شي بخاطرنا



وقرروا ان ناخذ لفه بهذا






ناس عيبهم هالمكان والا ايسلونا هنيه









طبعا القعده ماتحلا الا بشي قبل الغدا







ها من استكشافات الوالد






وعقبها تغدينا وتوكلنا المطار



وهالصور ونحن فدربنا للمطار













هالصوره المفروض فوق بس نسيت احطيها

[ولد المستشار]

الطياره اخروها عن موعدها والمفروض نوصل لبنان قبل ال12 وصلنا ع الفجر



قعدنا بلبنان 4 ليالي من فجر اليوم اللي وصلنا فيه



اول صوره و صورتها من مجله الفندق















واول يوم نشينا متأخيرين ورحنا الروشه من العصر لين المغرب وعقب تعشينا ع مطعم صخره الروشه موجود


فوق واكلهم طرررررررررررر
























هذا يستعرض ينط من فوق لين تحت ....





ماتحلا الروشه الا بهذا





هذا منظر الغروب

[soso]

عقب اونه شلال وشلال وطلع هذاا





ههههههههههه ... ضحكيتني بهاي ..^^

ما شاء الله عليكمـ شو قصتكم بتركيا حتى اهلنا سافروا تركيا !!


صح إني ما سافرت تركيا بس من موضوعك وصورك حاسة عمري هناك ^^ ..ههههههـ

والله الرحله ما مثله مثيل وإنت اربع وعشرين ساعهـ يالس تصور ..هههـ

تسلمـ اخوي ع الصور والرحلة الحلوة ^^

[ولد المستشار]

عقب اونه شلال وشلال وطلع هذاا





ههههههههههه ... ضحكيتني بهاي ..^^

ما شاء الله عليكمـ شو قصتكم بتركيا حتى اهلنا سافروا تركيا !!


صح إني ما سافرت تركيا بس من موضوعك وصورك حاسة عمري هناك ^^ ..ههههههـ

والله الرحله ما مثله مثيل وإنت اربع وعشرين ساعهـ يالس تصور ..هههـ

تسلمـ اخوي ع الصور والرحلة الحلوة ^^

تسلمين اختي ع المرور


خلاص عيل لاتسيرين تركيا شفتيها هههه


لا والله مب انا اللي اصور ولا يخصني فالكيمرا اصلا


الصور كلها من تصوير الرضيعه


اسعدني تواصلج