الايمووووو... خطر ع المجتمع

[قد الحب]

مرحبا

شحالكم شو مسووين؟؟؟؟


البويات صارت مووضه قدييمه الحيين صح ولا والموضه اليديده الايمووووو انا ما اعرف الناس شو فيهم والله الجيل بخترب الله يعين باجر شو بيستوي وشو من المسميات بتظهر لنا...


المهم خل اخبركم با اختصار واللي اعرفه عن الايمو واللي قامو بنتشرون بمجتمعنا بكل قووه


هم مجموعه حياتهم كلها حزن مايسمعون الا اغاني حزينه وستايلهم غريب ويحبون اللون الاسود وبس يحطون الكحل الاسود ع العيوون ودايم بروحهم مايحتكون بحد وصعب انهم يتعرفون ع حد بسهوله وهالفئه قاموو بنشرون ببلادنا الله يهدي بناتنا


المهم تعرفون هالفئه وشو رايكم فيهم؟؟؟


وشو تتوقعون من زمنا العجييييب؟؟؟




اختكم

قد الحب

[أبو عبادي]

السلام عليكم ورحمة الله وبركاته
اذا كانو بنات فهذا ليس عيب بل جزء منه متعلق بالعادات والتقاليد

[الظـــي]

الصرااحه انا ما اعرف شو اكتب..

ما تم شي اول شي ظهرت موضه البويات والكل قام يقلد
هذا هدفهم البطاليه التقليد
والحين الايموو الصراااحه موضوووع مول ما يناسب البنات
وبعدين ربج ميزج عن الولد شحقه تسيرين وتغيرين ملامح جمالج..
والله اللي يسوون هالاشياء ناقصن عقل وبعدين هذا كله بحسابه عند الله..

تقبلي مرووري حبوبه..
تسلمين ع الطرح المميز..

[عاشقة القمم]

أول مرهـ أسمع بهالشي ..!!

يعني هالفئة منتشرهـ عندكمـ بالجامعه ..؟

وشو السلبيات اللي تشوفينها عليهمـ بالضبط ..؟


سوري قلبت لج الأسئلة ، بس لأني أول مرهـ أسمع عنهن ..

[L A W Y E R]

السلآم عليكم . .

هيـه و الله انتشرت هالفئة ،،

و يحبون الجمآجم بعد و السلآسل ،،

يعني يآخذون استآيل عبدة الشيطآن تقريباً ،،

و لكن شو بتسوين ،،

كل جيل متمسك بشي !!

الي يهمهم انهم يتبعون شي يديد ،،

نآس مآ عندهم شخصية ،،

و لآحظت انـه هالفئة منشرة بين بنآت سوآدس ليـن بنآت عآشر ،،

يمكن شي الدفع الي فوق ،،

بس هآييلآ اكثر شي ،،

و بالنهآية الله يهدي اليميع ،،

بس وين دور الأهل في توعيه هالفئة ؟؟

صدق الوآحـد يستغرب . . !!

[عيون راك]

وااايد رمسنــ ـا عن هالموضــوع . .! ولـــكن لا حياة لمــن تناادي . . !

اللـــه يهدي اليميــــــع . !

وتسلمين الشيخه ع الموضوع . .

[Mohammed Saleh]

لا تعليق لاني مب فاهم شي بالموضوع سمعت قبل فتره يقولون ايمو وايمو ..لكن شو لي يسوونه ما ادري

[ستايلي شيوخي]

الله يهديهم بس هو السبب الاول في مثل هذه الظوهر غياب الرقابه من قبل الاهل وبس

تقبلي مروري

[bent u.a.e]

الحين كل شي صاير تقليد بتقليد

بس على اونه يلفتون الانتباه وما ادري شوو

الله المستعان..~

[الظـــي]

اللي يسوونه من اللي شفته ع كم بنيه فالمدرسه عندنا
انهم يلبسوون اسود يعني ويصبغون شعورهم سودا ويلبسون جماجم وحركاتهم مول مب شي..
يعني اللي بيشوفهم بيصتصغرهم الصراحه لوووث..