رد مع اقتباسانا كتبت هالموضوع و تعبت عليه وآخر شي محد يرد ؟
تعالوا بنتناقش في موضوع قاهرني [العبايات في هذا الزمن]
|
[align=center]
السلام عليكم ورحمة الله
قبل عن اتكلم بعرض عليكم بعض الصور
[العباية السبورتية]
حشا داخله سباق فورملا هذي
[العباية الخفاش]
[عباية الفراشة]
في صور وايد الود ودي احط لكم كل الصور بس اغلبيتهم موديلات فما حبيت احط لكم صورهن من زين اشاكلهن الحين
المهم
شفنا في الآونه الاخيره كثرة هذي النواع من العبايات في الاسواق و اغلبية بناتنا ماشاء الله عليهن مب مقصرات يشترن من كل انواع هالعبي إلي تختلف في الاشكال و الألوان .. بنقول انهن يشترن العبايات لمناسبات خاصه مثلا حفلات, اعراس, عزيمة, ألخ .. بس مب توصل لدرجة انه نشوفهن في الاسواق لابسين هذي العبي ولا بعد الي يزيد الطين بله انهم متزينات و راشين العطور إلي تنشم من عدة امتار .. معقوله ما يعرفون ان الي يسوونه مخالف لعقيدتنا الاسلاميه ؟ معقوله ما يعرفون انه يغضب الله عز و جل ؟
العباه المفروض ما تنزل من فوق الراس عشان تستر و نزلتوها و قلنا برايه بس مب توصل لدرجة ان الوحده تلبس عباه فيها الوان الطيف و غير هذا نازله من ايدها خيوط ولا فيها فصوص ولا مسويه لها جناح كأنها تبا تطير مره ضوقوها و مره وسوعوها و مره حطوا صور و مره كتابات و مره ورود .. لين متى هالحال ؟
يابنات المسلمين يلي تلبسون هذي العبايات والله عيب عليكم .. العبايات إلي انتوا تلبسونها يبيلها عباية تسترها
احب انقل لكم فتوى و الله يهديكم
السؤال:
ما حكم لبس العباءة التي تسمى عباءة الكتف ؟ .
الجواب:
الحمد لله
عباءة الكتف ليست هي اللباس الشرعي الذي ينبغي أن تلبسه المرأة المسلمة ، وذلك أن العباءة الشرعية هي التي تغطي الجسم كله من الرأس إلى أسفل القدمين وهي أشبه ما تكون بالجلباب الذي أمر الله تعالى به في قوله : ( يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَحِيماً ) الأحزاب / 59 .
والجلباب : هو الرداء فوق الخمار بمنزلة العباءة .
عن أم سلمة قالت : لما نزلت { يدنين عليهن من جلابيبهن } خرج نساء الأنصار كأن على رءوسهن الغربان من الأكسية . رواه أبو داود ( 4101 ) وصححه الألباني في صحيح أبي داود ( 3456 ) .
وكذا وصفت عائشة جلباب المرأة وأنه من رأسها بقولها : كان الركبان يمرون بنا ونحن مع رسول الله صلى الله عليه وسلم محرِمات فإذا حاذوا بنا سدَلت إحدانا جلبابها من رأسها على وجهها فإذا جاوزونا كشفناه . رواه أبو داود ( 1833 ) وابن ماجه ( 2935 ) وقال الألباني : إسناده جيد في مشكاة المصابيح ( 2690 ) .
ويضاف إلى هذا أن وضع العباءة على الكتف فيه تشبه بالرجال ، حيث أن هذا الفعل هو من فعلهم لا من فعل النساء .
وقد ورد سؤال إلى اللجنة الدائمة هذا نصه :
فقد انتشر في الآونة الأخيرة عباءة مفصلة على الجسم وضيقة وتتكون من طبقتين خفيفتين من قماش الكريب ولها كم واسع وبها فصوص وتطريز وهي توضع على الكتف .. فما حكم الشرع في مثل هذه العباءة ؟ أفتونا مأجورين
وبعد دراسة اللجنة للاستفتاء أجابت بأن العباءة الشرعية للمرأة وهي [ الجلباب ] : هي ما تحقق فيها قصد الشارع من كمال الستر والبعد عن الفتنة ، وبناء على ذلك فلا بد لعباءة المرأة أن تتوفر فيها الأوصاف الآتية :
أولاً : أن تكون سميكة لا تظهر ما تحتها ، ولا يكون لها خاصية الالتصاق .
ثانياً : أن تكون ساترة لجميع الجسم ، واسعة لا تبدي تقاطيعه .
ثالثاً : أن تكون مفتوحة من الأمام فقط ، وتكون فتحة الأكمام ضيقة .
رابعاً : ألاّ يكون فيها زينة تلفت إليها الأنظار ، وعليه فلا بد أن تخلو من الرسوم والزخارف والكتابات والعلامات .
خامساً : ألاّ تكون مشابهة للباس الكافرات أو الرجال .
سادساً : أن توضع العباءة على هامة الرأس ابتداءً .
وعلى ما تقدم فإن العباءة المذكورة في السؤال ليست عباءة شرعية للمرأة فلا يجوز لبسها لعدم توافر الشروط الواجبة فيها ولا لبس غيرها من العباءات التي لم تتوافر فيها الشروط الواجبة ، ولا يجوز كذلك استيرادها ولا تصنيعها ولا بيعها وترويجها بين المسلمين لأن ذلك من التعاون على الإثم والعدوان والله جل وعلا يقول : ( ولا تعاونوا على الإثم والعدوان واتقوا الله إن الله شديد العقاب ) ، واللجنة إذ تبين ذلك فإنها توصي نساء المؤمنين بتقوى الله تعالى والتزام الستر الكامل للجسم بالجلباب والخمار عن الرجال الأجانب طاعة لله تعالى ولرسوله صلى الله عليه وسلم وبعداً عن أسباب الفتنة والافتتان . وبالله التوفيق .
وصلى الله على نبينا محمد وآله وصحبه وسلم .
اللجنة الدائمة للبحوث العلمية والإفتاء
وفي النهايه اقولكم
[/align]
انا كتبت هالموضوع و تعبت عليه وآخر شي محد يرد ؟
مالك الا طيبت الخاطر انا برد عليك
كلام واضح وصريح بس شو بتقول؟ يقولون موضه! بس نسو ان في رب وحساب
انا ا شوف ان كلشي يرجع لساس والأساس التربيه لان التربيه لها دور كبير في هذا الشي
وشاكر لك على الموضوع
الله المستعآن
دامهم يلبسون هذي الاشياء اكيد ناسين الحسابالمشاركة الأصلية كتبت بواسطة aseer alwaqt
يعني نقدر نقول ان الي يلبسون هذي العبي مب مربايين ؟
اهداء لإلي يلبسون هالعبي <في غير المناسبات الخاصه> أذا لم تستحي فأصنع ما تشاء
اتمنى التفاعل يا أعضاء
بالنسبه لعباه الجتفه عن نفسي اشوفها استر لي
من لو لبست عباه ع الراس >>>وجهه نظر
بس بشرط ماتلفت الانتباه
وماتكون ملونه او فيها شغل خفييييييييييييييييييييييييف وبالاسود
اما هالعبي اللي ما تام لون الا فيها فهاي مااعتبرها عباه
احيد العباه للستر مب للفت الاتباه
لو تبون تلبسون هالسوالف البسوها فالمناسبات مب فالسوق
يسلمووو ع الموضوع
التعديل الأخير تم بواسطة Her Highness ; 27 - 12 - 2009 الساعة 02:33 AM
احترم وجهة نظرج
العباه الي فوق الراس موجوده في زمنا هذا بس قليل جدا اغلب الي نشوفهم عياييز
يعني قصدج اذا كان الشغل باللون الاسود عادي ؟
اتمنى التفاغل
تأكـل الكـلاب بقـايـا فريسـة الذئـاب!!
يا جماعه انا لاحظت شي في بعض البنات يلبسون عبي مافيها شغل وايد ولا الوان بس تعرفون وين المشكله ؟
المشكله في الخامه, خامة العباه يا انها تكون شفاف او انها تكون تلمع نفس اكياس الزباله(اكرمكم الله)
فالمشكله بعدها مستمره !
فشو الحل إلي تشوفونه ؟
اتمنى التفاعل يا أعضاء
تأكـل الكـلاب بقـايـا فريسـة الذئـاب!!
اولا اشكرك على طرح هالموضوع الحلوووه .. شيخي ..
ثانيا.. بالنسبة لي ..
الموضه لها دور كبير في الموضوع .. بس نحنا البنات المفروض نتبعهااااا في ما يناسب دينا وعاداتنا وتقاليدنا .. الكن البعض والاسف الشديد زاد عن هالحد .. وبدأ تشوف العجب العجب ..
الوحده عااادي تلبس املون واشكال وحركات بس المفروض تختار المكان الصح .. يعني بالمناسبات واماكن نسائية .. اما السوق والطلعات تختار المحتشم وفيه الشغل الخفيف والرقيق احلى بمليون مره ..
والسموووووووووحه على الاطاله .. وجهه نظر ..
والله حتى انا انقهر منها ويوم اشوف وحده لابسه عباه وبنفس الوقت مو لابسه اقول شو هالعبااااااااه اونها لابسه عباه..اخر شي بيضربوني خخخخخ.نسوا انه العباه للستر...بصراحه دور الاهل انعدم هالايام..اموت واعرف كيف البنت تطلع جي من البيت وين امها وين ابوها وين اخوها
ولا خلاص ماتت الغيره ومات الدين بقلوبهم؟؟!!
المفروض انكم تتبعون الموضه ؟
اختي اذا الموضه بغضب ربكم عليكم, ليش تتبعونها ؟
هيه والله نشوف العجب, كل ما نروح مكان نشوفهم,
اليهال في بيتنا مشمينهم مخلوقات فضائية وهم لابسين هذي العبي و المكياج الي حاطينه
تأكـل الكـلاب بقـايـا فريسـة الذئـاب!!
ضوابط المشاركة